ნეტფლიქსის სერიალის, Stranger Things-ის გამოსვლასთან ერთად, ბურგერ კინგი ამოტრიალებულ ბურგერებს გამოუშვებს. აქცია რესტორანში 21 ივნისიდან იწყება და ამერიკის დიდ ქალაქებს მოიცავს.

ვოპერის ალტერნატიული ვერსია ჩვეულებრივისგან მხოლოდ იმით განსხავდება, რომ ის ამობრუნებულია. მისი მენიუ სერიალის 80-იანების თემით იქნება გაფორმებული. ამერიკის ქალაქებში რესტორნები უცნაური ამბების თემატიკის მაისურებსაც დაარიგებენ.

აქციის პარალელურად, ბურგერ კინგის ტვიტერმა სახელი შეიცვალა და დროებით Stranger King დაირქვა.

სერიალის მესამე სეზონი ნეტფლიქსზე 4 ივლისს გამოდის. უცნაურ ამბებში რეალური სამყაროს პარალელური, თავდაყირა ალტერნატივა არსებობს, სადაც მონსტრები ცხოვრობენ, ხოლო გარემო პირქუში და ცივია.

როგორც ბურგერ კინგის ქართულ ფილიალში გვითხრეს, აქციის შესახებ არ სმენიათ და წინასწარ ვერ გვეტყვიან, მოემსახურებიან თუ არა ქართველ ვიზიტორებს თავდაყირა ვოპერებით.