თეგეტა მოტორსის სწრაფი სერვისებით სარგებლობა ახლა უკვე მთელი საქართველოს მასშტაბით ნებისმიერ ფილიალშია შესაძლებელი. სწრაფი სერვისი გულისხმობს ძრავის ზეთისა და აკუმულატორის 20 წუთში, ხოლო საბურავის უპრეცედენტოდ მცირე დროში შეცვლას.

მომხმარებელმა სასურველი მომსახურების მისაღებად მარტივად, მხოლოდ ქოლცენტრში უნდა დარეკონ ნომერზე: 032 226 44 44.

ლაშა ნარუსაშვილი, თეგეტა მოტორსის ტექნიკური განვითარების მთავარი ოფიცერი: “თეგეტა მოტორსი გამუდმებით ქმნის სტანდარტს, რომელიც მომხმარებელს ავტომობილის მოვლას მაქსიმალურად გაუმარტივებს. სწორედ მომხმარებელთა საჭიროებების შესწავლის შემდეგ დავნერგეთ სერვისი, რომელიც სერვისცენტრში გატარებულ წუთებს კიდევ უფრო შეამცირებს. თეგეტა მოტორსის ფილიალებში აკუმულატორისა და ზეთის შეცვლა 20 წუთშია შესაძლებელი, ხოლო საბურავის, უპრეცედენტოდ მცირე დროში.

სასურველი პროდუქტისა და სერვისის შერჩევა დისტანციურად, მხოლოდ ერთი ზარით არის შესაძლებელი, სხვა ყველა დეტალს კი ქოლცენტრის ოპერატორი აგვარებს. სწორედ მომსახურების ამ განახლებულმა მიდგომამ მოგვცა შესაძლებლობა, დაგვეზოგა მათი დრო.

სიახლე თავდაპირველად უნივერსიტეტის #6-ში მდებარე ფილიალში დავნერგეთ. მიდგომამ გაამართლა, სწორედ ამიტომ მივიღეთ გადაწყვეტილება, მომსახურების განახლებული სტანდარტი თეგეტა მოტორსის ყველა ფილიალში ხელმისაწვდომი ყოფილიყო“.

სწრაფი სერვისის მიღების პროცედურა მარტივია: ქოლცენტრში დარეკვის შემდეგ თეგეტა მოტორსის ქოლცენტრის ოპერატორი მომხმარებელს დისტანციურად შეურჩევს საჭირო პროდუქტს, რომლის ღირებულების დაფარვა, ციფრული გადახდის სისტემით, ასევე დისტანციურად არის შესაძლებელი. ბოლოს კი მისთვის სასურველ დროს ჩაწერს შესაბამის სერვისცენტრში, სადაც სულ რაღაც 20 წუთში მიიღებს მომსახურებას.

თეგეტა მოტორსის ფილიალები მზად არის მიიღოს მომხმარებელი მთელი ქვეყნის მასშტაბით და ზეთის, აკუმულატორისა და საბურავის შეცვლის სერვისი უპრეცედენტოდ მცირე დროში შეასრულოს.

თეგეტა მოტორსის სწრაფი სერვისებით სარგებლობა შესაძლებელია ყოველდღე, ფილიალების სამუშაო საათებში. რაც შეეხება თბილისს, უნივერსიტეტის ქუჩის სერვისცენტრს, აქ მომსახურების მიღებას მომხმარებელი გახანგრძლივებული დროით — 21:00 საათამდე შეძლებს.

თეგეტა მოტორსის შესახებ: თეგეტა ჰოლდინგში შემავალი კომპანია თეგეტა მოტორსი 1995 წლიდან ოპერირებს ბაზარზე მსუბუქი, სატვირთო და სპეციალური დანიშნულების სერვისის მიმართულებით. ავტოინდუსტრიის ლიდერი კომპანია მომხმარებელს ავტომომსახურების სრულ სპექტრს სთავაზობს, როგორც მსუბუქი და სატვირთო ავტომობილების, ისე ავტობუსებისა მიკროავტობუსებისა და სპეციალური დანიშნულების ტექნიკის მიმართულებით. კომპანიას მთელი ქვეყნის მასშტაბით 28 ფილიალი აქვს, რომლებიც 500 000-მდე საცალო და 35 000-მდე კორპორაციულ მომხმარებელს ემსახურება. თეგეტა მოტორსი 300-მდე მსოფლიო ბრენდის წარმომადგენელია საქართველოში, მათ შორის: Bridgestone, Michelin, Varta, Shell, Motul, Hengst და სხვ.