საკულტო კლუბი Berghain, რომელიც 2004 წლიდან ფუნქციონირებს, შესაძლოა 2022 წლის ბოლოს დაიხუროს. დღეისათვის Berghain ბერლინის ერთ-ერთი პოპულარული გასართობი კლუბია. Berghain-ის დახურვის შესახებ ინფორმაცია მას შემდეგ გავრცელდა, რაც გასულ კვირას კლუბის ხმის ჩამწერი ლეიბლი და სააგენტო დაიხურა.

Faze Magazine-ის მიხედვით, კლუბის დახურვის შესახებ ინფორმაცია რამდენიმე შიდა წყარომ უკვე დაადასტურა. "Berghain სამუდამოდ იხურება, რაც 2022 წლის ბოლოს მოხდება", — აცხადებს შიდა წყარო.

ფოტო: Getty Images

შიდა წყაროს მიხედვით, Berghain-ის ერთ-ერთმა დამფუძნებელმა თავისი წილი უკვე გაყიდა, დანარჩენებს კი გადაწყვეტილი აქვთ, რომ კლუბი დახურონ. ამ ეტაპზე კლუბის მხრიდან ოფიციალური განცხადება ჯერ არ გაკეთებულა.

საკულტო კლუბი Berghain 1998 წელს გაიხსნა, სახელით Ostgut, თუმცა 2004 წელს ის ტექნო კლუბად გადააკეთეს. დღეისათვის კლუბში 250-ზე მეტი ადამიანია დასაქმებული.