ბასილაშვილს წელიწად-ნახევარია შვილისთვის ალიმენტი არ გადაუხდია და სახლსაც ედავება — ადვოკატი
ჩოგბურთელ ნიკოლოზ ბასილაშვილის ცოლის, ნელი დოროყაშვილის ადვოკატის ინფორმაციით, ბასილაშვილს წელიწად-ნახევარია არასრულწლოვანი შვილისთვის ალიმენტი არ გადაუხდია და ედავება იმ სახლსაც, რომელსაც მანამდე ჩუქნიდა.
კერძოდ, PHR-ის წარმომადგენელი, ანა აბაშიძე ამბობს, რომ ჯერ კიდევ ძალადობამდე, როცა ბასილაშვილი და დოროყაშვილი განქორწინდნენ, მიმდინარეობდა ქონების განაწილების პროცესიც, თუმცა, ამის პარალელურად, ისინი სასამართლო დავის გარეშე შეთანხმდნენ ბავშვზე ზრუნვის საკითხებზე. როგორც ადვოკატი აღნიშნავს, შედგა დოკუმენტი, რომელშიც ჩაიწერა მათი ვალდებულებები, ალიმენტის ოდენობა და ა.შ., თუმცა ბასილაშვილმა ალიმენტი მხოლოდ ორჯერ გადაიხადა.
"ბასილაშვილმა დანაპირები, რომ ბავშვზე სასამართლოს გადაწყვეტილების გარეშე იზრუნებდა, ანუ ალიმენტს გადაიხდიდა, რაც მისი მოვალეობაა, როგორც ერთ-ერთი მშობლის, არ შეასრულა. მას შეთანხმების შემდეგ მხოლოდ ორჯერ აქვს გადახდილი ალიმენტი და რადგან ნელიმ დაიწყო მის წინააღმდეგ გარკვეული სამართლებრივი პროცედურები ძალადობის საფუძველზე, სრულიად შეწყვიტა ვალდებულების შესრულება ბავშვთან მიმართებაში. დაახლოებით წელიწად-ნახევარია არცერთი თეთრი არ გადაუხდია", — ამბობს ანა აბაშიძე.
რაც შეეხება სახლს, როგორც ადვოკატი განმარტავს, ამავე შეთანხმებაში წერია, რომ ერთ-ერთი სახლი ბავშვის სახელზე გადაფორმდებოდა და ეს იქნებოდა მისი ქონება, თუმცა უკანასკნელ მომენტში ბასილაშვილმა ამაზე უარი თქვა და ახლა სასამართლოში "ამტკიცებს, რომ ეს სახლი მისია და არ უნდა დარეგისტრირდეს მისი შვილის სახელზე". ბავშვის მამის უარი დედამთილის მიმართ შემაკავებელი ორდერის გამოწერის მოთხოვნას მოჰყვა.
"როცა პირველად განაცხადა ნელი დოროყაშვილმა, რომ დედამთილი ძალადობდა მის არასრულწლოვან შვილზე და მოითხოვა ორდერის გამოცემა, გაბრაზდნენ და ნელის შეფასებით, დასჯის მიზნით ბავშვს წაართვა შეთანხმებული სახლი. ახლა მიმდინარეობს დავა სასამართლოში", — ამბობს ანა აბაშიძე.
ბასილაშვილის მიერ ცოლზე ძალადობის საქმე კვლავ აქტუალური მას შემდეგ გახდა, რაც მან როჯერ ფედერერს მოუგო. ჩოგბურთელის გულშემატკივართა ნაწილი მიუთითებს იმაზე, რომ ძალადობა სასამართლოს ჯერ არ დაუმტკიცებია. მიუხედავად ამისა, საქმეში არსებობს 6 შემაკავებელი ორდერი, როგორც უშუალოდ ნიკოლოზ ბასილაშვილის, ისე მისი ოჯახის წევრების სახელზე. ჩოგბურთელის დაცვის მხარემ ორდერები გაასაჩივრა, თუმცა პირველი ინსტანციის სასამართლომ ჩათვალა, რომ მათი გამოწერა საფუძვლიანი იყო. ეს გადაწყვეტილება ზემდგომ ინსტანციაში ბასილაშვილს არ გაუსაჩივრებია.
ანა აბაშიძეს ვთხოვეთ განემარტა შემაკავებელი ორდერის გამოწერის წესი და მისი მიზნებიც. იურისტი ამბობს, რომ საქართველოს კანონმდებლობის მიხედვით, არსებობს ოჯახში ძალადობის რამდენიმე სახე, მათ შორისაა ფსიქოლოგიური, ეკონომიკური, ფიზიკური და ა.შ. იმ შემთხვევაში, თუ ოჯახის ერთი წევრი მეორეზე რომელიმე ამ ფორმით იძალადებს, იმისთვის, რომ ძალადობა აღარ განმეორდეს და მსხვერპლი დაცული იყოს, სახელმწიფოს შეუძლია გამოსცეს შემაკავებელი ან დამცავი ორდერი.
"ორდერის გამოწერა ნიშნავს იმას, რომ მომხდარია ძალადობრივი ფაქტი ოჯახის ერთი წევრის მხრიდან მეორეს მიმართ და არსებობს რისკი ამგვარი ძალადობის განმეორების. ამიტომ, პრევენციის მიზნით გამოიცემა ორდერი, რომლის შინაარსი ინდივიდუალურია, მაგრამ ძირითადად გარკვეული აკრძალვებია — ეს შეიძლება იყოს კონტაქტი ან სხვა რამ, მსხვერპლის დაცვის მიზნით. ორდერი ნიშნავს, რომ ადამიანმა ჩაიდინა ოჯახში ძალადობა. ეს იმდენად მნიშვნელოვანი დოკუმენტია, რომ მისი დარღვევა უკვე სისხლის სამართლის დანაშაულია", — ამბობს ანა აბაშიძე.
ის, ასევე, განმარტავს, რომ თუ ორდერის საჭიროებაში ვინმეს ეჭვი ეპარება, მისი გასაჩივრება შეუძლია და შემდეგ უკვე სასამართლო შეამოწმებს, რამდენად საფუძვლიანი იყო ამ დოკუმენტის გამოწერა, რამდენად იყო საკმარისი მტკიცებულებები და ა.შ. თუ ამ ყველაფერს ვერ დაინახავს, სასამართლო ორდერს გააუქმებს.
"18 საათის განმავლობაში მიმდინარეობდა ეს სხდომა, უპრეცედენტო შემთხვევაა, ამდენი ხანი, ასე დეტალურად თითქმის არასდროს განიხილება ორდერის პროცესები. სასამართლომ განიხილა, გამოიკვლია ათეულობით მტკიცებულება და დარწმუნდა ორდერის საფუძვლიანობაში", — ამბობს ანა აბაშიძე და დასძენს, რომ ბასილაშვილს სასამართლოს ამ გადაწყვეტილების გასაჩივრებაც შეეძლო, თუმცა ეს არ გაუკეთებია.
იურისტი განმარტავს, რომ ორდერის გამოცემის დროს მოწმდება ძალადობის სისტემურობა და ბასილაშვილის საქმის მოსამართლემაც ძალადობის რამდენიმე ეპიზოდის შესახებ მოისმინა ინფორმაცია.
"მოსამართლემ მოისმინა არა ერთი ეპიზოდი, არამედ წლების განმავლობაში სხვადასხვა მოქმედება, ამის გამამყარებელი არგუმენტები და მტკიცებულებები და თქვა, რომ დიახ, ჩადენილია ოჯახში ძალადობა და რა თქმა უნდა, ეს არ ეხება მხოლოდ იმ ეპიზოდს, რომელიც მაისის თვეში მოხდა", — აცხადებს იურისტი.
ნიკოლოზ ბასილაშვილის მიერ ცოლზე ძალადობის საქმე სასამართლოში არსებითი განხილვის ეტაპზეა. ანა აბაშიძის თქმით, პროცესები მიზანმიმართულად გაწელილი არ არის, თუმცა განხილვა რამდენჯერმე ბასილაშვილი მოუცლელობის გამო გადაიდო.
ნიკოლოზ ბასილაშვილს არასრულწლოვანი შვილის თანდასწრებით ყოფილ ცოლზე ძალადობაში ედება ბრალი. მას თბილისის საქალაქო სასამართლომ 100 ათასი ლარის ოდენობის გირაო შეუფარდა.
პროკურატურის ინფორმაციით, ბასილაშვილმა ყოფილ ცოლს ფიზიკური შეურაცხყოფა 2020 წლის 21 მაისს მიაყენა, მეორე დღეს კი ის დააკავეს. საქმის შესწავლა დაიწყო სახალხო დამცველმაც.
როგორც დაზარალებული ქალი, ნეკა დოროყაშვილი ყვება, სპორტსმენმა მას ფიზიკური დაზიანებები მიაყენა, ხოლო ყოფილი მამამთილი დიდტარიანი საგნით გაეკიდა. მისივე თქმით, დაპირისპირება მაშინ მოხდა, როცა ის შვილის წამოსაყვანად ბასილაშვილის სახლში მივიდა. როგორც ის ამბობს, დაპირისპირების მიზეზი ამ დრომდე არ იცის. დოროყაშვილის განმარტებით, ქონებრივი დავა არ ჰქონიათ, რადგან ეს პროცესი მანამდე დასრულდა მოლაპარაკებით.
სპორტსმენი და მისი ოჯახი ბრალდებებს უარყოფენ. ჩოგბურთელმა განაცხადა, რომ სასამართლოს დასრულებამდე არ აპირებს საჯარო დისკუსიაში შესვლასა და საქმის დეტალებზე საუბარს.
13 მარტს ნიკოლოზ ბასილაშვილმა დოჰას 250-იანი ტურნირის ფინალი მოიგო. მანამდე, 11 მარტს ლეგენდარული ჩოგბურთელი, როჯერ ფედერერი დაამარცხა. დოჰას ტურნირში გამარჯვების შემდეგ, მან შვილს მიმართა და თქვა, რომ ის მისთვის ყველაზე ძვირფასი ადამიანია.
-
გადახედვაკობახიძე: კვლევების თანახმად, 80 პროცენტზე მეტი მხარს უჭერს არასამთავრობო ორგანიზაციების გამჭვირვალობას კობახიძე: კვლევების თანახმად, 80 პროცენტზე მეტი მხარს უჭერს არასამთავრობო ორგანიზაციების გამჭვირვალობას
-
გადახედვავიოლა ფონ კრამონი: ათასობით მშვიდობიანი მომიტინგე ისევ ქუჩაში გამოვიდა, ჩვენ ვდგავართ ქართველ ხალხთან ვიოლა ფონ კრამონი: ათასობით მშვიდობიანი მომიტინგე ისევ ქუჩაში გამოვიდა, ჩვენ ვდგავართ ქართველ ხალხთან
-
გადახედვამამუკა მდინარაძე საპროტესტო აქციაზე: 20 ათასი ადამიანიც ვერ იქნება მამუკა მდინარაძე საპროტესტო აქციაზე: 20 ათასი ადამიანიც ვერ იქნება
-
გადახედვა"გავათენოთ საქართველოსთვის" — საპროტესტო აქცია პარლამენტთან ხვალ, 22 საათზე დაიწყება "გავათენოთ საქართველოსთვის" — საპროტესტო აქცია პარლამენტთან ხვალ, 22 საათზე დაიწყება
-
გადახედვარატი ამაღლობელი: ჩვენ ხვალ ერთად უნდა გავუთენოთ ამ ქვეყანას, ამდენივე უნდა ვიყოთ და კიდევ მეტი რატი ამაღლობელი: ჩვენ ხვალ ერთად უნდა გავუთენოთ ამ ქვეყანას, ამდენივე უნდა ვიყოთ და კიდევ მეტი
-
გადახედვანიაზ დიასამიძე: ნებისმიერი ძალადობა, ჩვენ მიმართ, იწვევს უკურეაქციას... ჩვენი მთავარი მრწამსია თავისუფლება ნიაზ დიასამიძე: ნებისმიერი ძალადობა, ჩვენ მიმართ, იწვევს უკურეაქციას... ჩვენი მთავარი მრწამსია თავისუფლება
-
გადახედვა"ჩვენი გამაერთიანებელი სწორედ ევროპული ღირებულებებია" — კავკასიის უნივერსიტეტის სტუდენტების სოლიდარობა თსუ-ს სტუდენტებს "ჩვენი გამაერთიანებელი სწორედ ევროპული ღირებულებებია" — კავკასიის უნივერსიტეტის სტუდენტების სოლიდარობა თსუ-ს სტუდენტებს
-
გადახედვაგვჯერა, რომ საქართველოს ევროინტეგრაცია არის უალტერნატივო — კონსერვატორიის სტუდენტების, კურსდამთავრებულების და პროფესორ-მასწავლებლების მანიფესტი გვჯერა, რომ საქართველოს ევროინტეგრაცია არის უალტერნატივო — კონსერვატორიის სტუდენტების, კურსდამთავრებულების და პროფესორ-მასწავლებლების მანიფესტი
-
გადახედვაჩვენ ვიბრძვით ხვალინდელი დღისთვის — ნინო ქათამაძე ჩვენ ვიბრძვით ხვალინდელი დღისთვის — ნინო ქათამაძე
-
გადახედვათბილისში ევროპული მარში დაიწყო თბილისში ევროპული მარში დაიწყო
-
გადახედვა"რუსული კანონის შელამაზებულ ვერსიას არ მივიღებთ, ის უპირობოდ უკან უნდა იქნეს გაწვეული" — ოპოზიციური პარტიების განცხადება "რუსული კანონის შელამაზებულ ვერსიას არ მივიღებთ, ის უპირობოდ უკან უნდა იქნეს გაწვეული" — ოპოზიციური პარტიების განცხადება
-
გადახედვაორშაბათიდან მეც დავტოვებ აუდიტორიას, ჩემი ვალია ვიდგე იქ, სადაც ჩემი სტუდენტები დგანან — თსუ-ს პროფესორი ორშაბათიდან მეც დავტოვებ აუდიტორიას, ჩემი ვალია ვიდგე იქ, სადაც ჩემი სტუდენტები დგანან — თსუ-ს პროფესორი
-
გადახედვა"რაც შვილებს უნდათ, ის უნდათ მშობლებსაც. ეს ქვეყანა იქნება ევროპის განუყოფელი ნაწილი" — მშობლების მარში "რაც შვილებს უნდათ, ის უნდათ მშობლებსაც. ეს ქვეყანა იქნება ევროპის განუყოფელი ნაწილი" — მშობლების მარში
-
გადახედვათსუ-ს სტუდენტების ნაწილი უარს აცხადებს ლექციებზე დასწრებაზე, სანამ მთავრობა უკან არ გაიწვევს რუსულ კანონს თსუ-ს სტუდენტების ნაწილი უარს აცხადებს ლექციებზე დასწრებაზე, სანამ მთავრობა უკან არ გაიწვევს რუსულ კანონს
-
გადახედვაუნდა გავაგრძელოთ დიალოგი ჩვენს პარტნიორებთან, ჩვენს ამერიკელ და ევროპელ მეგობრებთან — ღარიბაშვილი უნდა გავაგრძელოთ დიალოგი ჩვენს პარტნიორებთან, ჩვენს ამერიკელ და ევროპელ მეგობრებთან — ღარიბაშვილი
-
გადახედვაქეთი მესხიშვილი: კი, ყველა რეფორმას, რომელიც ევროკავშირთან გვაახლოებს და არა, ძალადობას, მუქარას, შანტაჟს, დევნას! ქეთი მესხიშვილი: კი, ყველა რეფორმას, რომელიც ევროკავშირთან გვაახლოებს და არა, ძალადობას, მუქარას, შანტაჟს, დევნას!
-
გადახედვასაპატრიარქო: 17 მაისს ქაშუეთიდან სამებამდე მსვლელობა მოწყობა საპატრიარქო: 17 მაისს ქაშუეთიდან სამებამდე მსვლელობა მოწყობა
-
გადახედვაუჩა აბაშიძის ცოლი, მარი იაშვილი დააკავეს უჩა აბაშიძის ცოლი, მარი იაშვილი დააკავეს
-
გადახედვაშვედეთის საგარეო უწყება: საქართველოს ხელისუფლებამ აირჩია ევროპული მომავლის შემაფერხებელი ტრაექტორია, მოვუწოდებთ, გადახედონ კანონპროექტის მიღებას შვედეთის საგარეო უწყება: საქართველოს ხელისუფლებამ აირჩია ევროპული მომავლის შემაფერხებელი ტრაექტორია, მოვუწოდებთ, გადახედონ კანონპროექტის მიღებას
-
გადახედვაპოლიციელების მხრიდან მოქალაქის ჯგუფურად ცემის ფაქტზე შსს ამბობს, რომ დაზარალებულმა მათი ავტობუსი არ გაატარა პოლიციელების მხრიდან მოქალაქის ჯგუფურად ცემის ფაქტზე შსს ამბობს, რომ დაზარალებულმა მათი ავტობუსი არ გაატარა
-
კომენტარები