როგორ გარდაიქმნება ჰოლივუდური რომანი ნამდვილ სიყვარულის ისტორიად
არცთუ ისე იშვიათია შემთხვევა, როდესაც ეკრანულ წყვილებს ერთმანეთისადმი ლტოლვა რეალურ ცხოვრებაშიც გადაჰყვებათ ხოლმე და რომანს კამერების მიღმა აგრძელებენ. როდესაც ორ კაშკაშა ვარსკვლავს ერთმანეთი უყვარდებათ, ეს ამბავი ყოველთვის ექცევა მედიისა და საზოგადოების ყურადღების ცენტრში, მით უმეტეს, თუ მათ ახლახანს ითამაშეს ერთ ფილმში.
საკითხავი ისაა, მსახიობებს გადასაღებ მოედანზე ერთმანეთისადმი უბრალო შემთხვევითობის გამო უჩნდებათ რომანტიკული გრძნობები თუ რამე კანონზომიერებასთან გვაქვს საქმე; ეს იმიტომ ხდება, რომ მსახიობები შეყვარებულებს თამაშობენ და მათი ემოციები რეალურ ემოციებში ირევა თუ იმიტომ, რომ, უბრალოდ, გადაღებებზე დიდ დროს ატარებენ ერთად: საუბრობენ შესვენებაზე, სამუშაო დღის მერე ერთად მიდიან განსატვირთად... ერთი სიტყვით, იქცევიან ისევე, როგორც ყველა სხვა საქმიანობით დაკავებული თანამშრომლები მოიქცეოდნენ.
ფსიქოლოგიის პროფესორი ნიუ ჰემფშირის უნივერსიტეტში, ჯონ დ. მეიერი ამბობს, რომ როლის თამაში მსახიობების თვითაღქმაში მნიშვნელოვან ცვლილებებს იწვევს: "ისინი ცდილობენ, განიცადონ და იფიქრონ ისე, როგორც პერსონაჟები, რომლებსაც თამაშობენ. ინდივიდის ხასიათი მენტალური სისტემების ერთობლიობაა; ამაში შედის ჩვენი მოტივები და ემოციები, აზრები და ცოდნა, თვითკონტროლი და საკუთარი თავის გამოხატვა. როდესაც მსახიობები როლს ასრულებენ, ისინი ხშირად ცვლიან საკუთარი თავის ამ ნაწილებს, რაც მათ შინაგან სამყაროს სიღრმისეულად უცვლის სახეს".
აქედან გამომდინარე შეიძლება ჩავთვალოთ, რომ მსახიობები იმდენად შედიან ხოლმე როლში, რომ ის სიყვარული, რაც მათ პერსონაჟებს აკავშირებთ, რეალობაშიც ვითარდება. თუმცა ჰოლივუდის ვარსკვლავთა ურთიერთობას მათ მიერ ნათამაშები პერსონაჟებისგან სრულიად დამოუკიდებელი და განსხვავებული ტრაექტორია აქვს ხოლმე. ამის საილუსტრაციოდ იმ სამი წყვილის ისტორიას შეგახსენებთ, რომელთა სიყვარულიც სწორედ სცენარის ფურცლებიდან დაიწყო, თუმცა ფილმის უკანასკნელი სცენის გადაღების შემდეგ დამოუკიდებლად განაგრძო არსებობა.
1. რეიჩელ მაკადამსი და რაიან გოსლინგი
არის შემთხვევები, როდესაც მსახიობები მათთვის შერჩეულ როლებს ისე უხდებიან, რომ მაყურებლები მათ განსახიერებულ პერსონაჟებთან აიგივებენ. ასე მოხდა ნიკოლას სპარკსის რომანის, დღიურის 2004 წლის ეკრანიზაციის კინოთეატრებში გამოჩენის დროსაც.
თუმცა რეიჩელ მაკადამსისა და რაიან გოსლინგის სიყვარულის ისტორია ნათამაშები პერსონაჟების რომანისგან სრულიად განსხვავებული აღმოჩნდა. ამის შესახებ რაიან გოსლინგმა GQ-სთან ინტერვიუში აღნიშნა: "ღმერთმა დალოცოს დღიური. მან შემახვედრა ჩემი ცხოვრების ერთ-ერთ უდიდეს სიყვარულს. თუმცა ხალხი მე და რეიჩელს სათანადოდ არ გვაფასებს, რადგან დაასკვნეს, რომ ფილმში განსახიერებული პერსონაჟების მსგავსნი ვართ. სინამდვილეში, ჩვენი სიყვარულის ისტორია ამაზე გაცილებით რომანტიკულია".
ამ ორი მსახიობის რომანი მართლაც სავსე იყო დრამით. ამაზე ის ფაქტიც მეტყველებს, რომ დღიურის გადაღებების დროს მათ დაძაბული ურთიერთობა ჰქონდათ; იმდენად დაძაბული, რომ რეჟისორის თქმით, რაიან გოსლინგმა მოითხოვა, მაკადამსი როლის შესრულებისგან გაეთავისუფლებინათ და ის სხვა მსახიობით ჩაენაცვლებინათ.
თუმცა სხვაობა რეალურ და გამოგონილ ურთიერთობას შორის ამ შემთხვევით არ დასრულებულა. ფილმში ნოასა და ელის სიყვარულმა ყველა განსაცდელს და დროსაც გაუძლო. მათგან განსხვავებით, გოსლინგისა და მაკადამსის რომანტიკული ურთიერთობა მხოლოდ და მხოლოდ ორ წელს გაგრძელდა. თუმცა, მართალია, მათი გზები გაიყო და ახლა მათ სხვა პარტნიორები ჰყავთ, მაგრამ ისინი დღემდე კარგ ურთიერთობას ინარჩუნებენ.
აღსანიშნავია, რომ რაიან გოსლინგმა თავისი ამჟამინდელი მეორე ნახევარი, ევა მენდესი, ასევე ფილმის — ამჯერად, ადგილი ფიჭვნარის მიღმას — გადაღებებზე გაიცნო.
2. ბრედ პიტი და ანჯელინა ჯოლი
ფილმის გადაღებებზე ხანდახან შეიძლება, ათწლეულის წყვილის ურთიერთობასაც კი ჩაეყაროს საფუძველი. მართლაც, ძნელია, გადასაღებ მოედანზე დაწყებულ ურთიერთობებზე საუბრისას ანჯელინა ჯოლი და ბრედ პიტი არ გაგახსენდეს. ახლახან ამ უკანასკნელმა ოსკარი აიღო კვენტინ ტარანტინოს ფილმში შესრულებული მეორეხარისხოვანი როლისთვის; ერთადერთი, რაც პიტს ოსკარის დაჯილდოების ცერემონიალზე აკლდა, მეწყვილე იყო. წლების განმავლობაში მას გვერდს სწორედ ანჯელინა ჯოლი უმშვენებდა. ამ პერიოდში ბრედი და ანჯელინა ერთ-ერთ ყველაზე პოპულარულ ჰოლივუდურ წყვილად ითვლებოდა და ისინი ხშირად ხვდებოდნენ პრესის ყურადღების ცენტრში.
მათ ერთმანეთი 2005 წელს, მისტერ და მისის სმიტების გადასაღებ მოედანზე გაიცნეს. იმ დროისთვის პიტი ჯერ კიდევ დაქორწინებული იყო ჯენიფერ ენისტონზე თუმცა, როგორც ჩანს, ეს არ აღმოჩნდა დამაბრკოლებელი გარემოება ახალი ურთიერთობის განვითარებისთვის. "ბრანჯელინას" ურთიერთობა მთელი ათწლეული გაგრძელდა და 2016 წელს გახმაურებული განქორწინებით დასრულდა.
გოსლინგის არ იყოს, ბრედ პიტსაც არაერთხელ გაუბამს რომანი ეკრანულ თანამეწყვილესთან; 90-იან წლებში ის გვინეტ პელტროუს ხვდებოდა, რომელიც ასევე ფილმის გადაღებებზე გაიცნო.
3. ბლეიკ ლაივლი და რაიან რეინოლდსი
გადასაღებ მოედანზე ურთიერთობები, შეიძლება, მეგობრობითაც დაიწყოს. დღეს რაიან რეინოლდსი და ბლეიკ ლაივლი ჰოლივუდის ერთ-ერთი ყველაზე პოპულარული წყვილია, რომელიც ხალხისგან განსაკუთრებულ სიყვარულს იმსახურებს. ისინი ხშირად ეხუმრებიან ერთმანეთს სოციალური ქსელების საშუალებით და ამ ხუმრობებზე მთელ მსოფლიოს აცინებენ.
წყვილმა ერთმანეთი 2011 წელს, მწვანე ლამპრის გადაღებებზე გაიცნო. ფილმი იმდენად წარუმატებელი გამოდგა, რომ მის ერთადერთ დადებით მხარედ თამამად შეიძლება ის მივიჩნიოთ, რომ მან ბლეიკი და რაიანი ერთმანეთს შეახვედრა.
როგორც აღვინშნეთ, მათი ურთიერთობა მეგობრობით დაიწყო. "ჩვენ დიდი ხნის განმავლობაში მეგობრები ვიყავით. მეგობრობით დაწყება, ვფიქრობ, საუკეთესო გზაა ურთიერთობის გასაბმელად", — ამბობს რეინოლდსი.
ახალ საფეხურზე მათი ურთიერთობა კი მას მერე გადავიდა, რაც მწვანე ლამპრის გამოსვლიდან ერთი წლის შემდეგ ისინი ორმაგ პაემანზე იყვნენ: "ის პაემანზე სხვა ბიჭთან ერთად იყო, მე კი სხვა გოგოსთან ერთად", — იხსენებს რეინოლდსი, — "ეს იყო ჩემს ცხოვრებაში ყველაზე უხერხული პაემანი".
რა თქმა უნდა, აღარავისთვისაა უცნობი, რომ ისინი სამუდამოდ მეგობრებად არ დარჩენილან. წყვილმა 2012 წელს იქორწინა და უკვე თითქმის ერთი ათწლეულია, რაც ერთად არიან. ამ ხნის განმავლობაში მათ სამი შვილიც შეეძინათ.
როგორც ამ სტატიაში მოყვანილი მაგალითებიდან ჩანს, ზოგჯერ ფილმში ასახული სიყვარულის ისტორია ეკრანულ წყვილს რეალობად აქცევს ხოლმე. თუმცა ყველასთვის უმჯობესი იქნება, თუ გავაცნობიერებთ, რომ ჰოლივუდის მიერ დახატული სიყვარულის ისტორიები შორსაა რეალობისგან. და იმის მიუხედავად, რომ რეალური ურთიერთობები არასდროსაა იდეალური, ზოგიერთი მათგანი, შეიძლება — ყოველთვის ხანგრძლივი არა, მაგრამ იმაზე გაცილებით რომანტიკული არის ხოლმე, ვიდრე თვით ჰოლივუდურ ფანტაზიებშია.
-
-
გადახედვამეცნიერებმა მაღალი IQ მემარცხენე იდეოლოგიის ქონას დაუკავშირეს — კვლევა მეცნიერებმა მაღალი IQ მემარცხენე იდეოლოგიის ქონას დაუკავშირეს — კვლევა
-
გადახედვაზურა ჯაფარიძე: პოლიციამ სახლიდან წაიყვანა გიორგი მოსიაშვილი, გირჩი ტვ-ს თანამშრომელი, არ ვიცით სად ჰყავთ, რას ედავებიან ზურა ჯაფარიძე: პოლიციამ სახლიდან წაიყვანა გიორგი მოსიაშვილი, გირჩი ტვ-ს თანამშრომელი, არ ვიცით სად ჰყავთ, რას ედავებიან
-
გადახედვაზურაბ ჯაფარიძის თქმით, მასზე თავდასხმა სცადეს ზურაბ ჯაფარიძის თქმით, მასზე თავდასხმა სცადეს
-
გადახედვაბრიტანეთის საელჩო: მიიღეთ ზომები, რათა აღიკვეთოს პროტესტის მხარეს მდგომი ადამიანების მიმართ უკანონო დაშინება ბრიტანეთის საელჩო: მიიღეთ ზომები, რათა აღიკვეთოს პროტესტის მხარეს მდგომი ადამიანების მიმართ უკანონო დაშინება
-
გადახედვაწუხელ, ჭავჭავაძის გამზირზე, ადმინისტრაციული წესით, 11 ადამიანი დააკავეს წუხელ, ჭავჭავაძის გამზირზე, ადმინისტრაციული წესით, 11 ადამიანი დააკავეს
-
გადახედვაგახარიას პარტიის დეპუტატებმა, მუქარის ფაქტის გამოძიებისთვის, პროკურორს მიმართეს გახარიას პარტიის დეპუტატებმა, მუქარის ფაქტის გამოძიებისთვის, პროკურორს მიმართეს
-
გადახედვახაზარაძე აცხადებს, რომ შეიქმნება ფონდი იმ ადამიანის დასახმარებლად, ვისაც ღია პოზიციის დაფიქსირების გამო, საჯარო სამსახურიდან გაათავისუფლებენ ხაზარაძე აცხადებს, რომ შეიქმნება ფონდი იმ ადამიანის დასახმარებლად, ვისაც ღია პოზიციის დაფიქსირების გამო, საჯარო სამსახურიდან გაათავისუფლებენ
-
გადახედვა15 აპრილიდან 9 მაისის ჩათვლით, 134 დაკავებული პირის შესახებ შემოვიდა შეტყობინება — საია 15 აპრილიდან 9 მაისის ჩათვლით, 134 დაკავებული პირის შესახებ შემოვიდა შეტყობინება — საია
-
გადახედვასერიალ Baby Reindeer-ის რეალური სტალკერი ნეტფლიქსისთვის ჩივილს აპირებს სერიალ Baby Reindeer-ის რეალური სტალკერი ნეტფლიქსისთვის ჩივილს აპირებს
-
გადახედვარატი ბრეგაძეს თავისი გერმანელი პროფესორი სწერს, გაიწვიონ რუსული კანონი რატი ბრეგაძეს თავისი გერმანელი პროფესორი სწერს, გაიწვიონ რუსული კანონი
-
გადახედვაუჩა აბაშიძე პოლიციელების მხრიდან ფსიქოლოგიურ ზეწოლასა და სიტყვიერ შეურაცხყოფაზე საუბრობს — სახალხო დამცველის აპარატი უჩა აბაშიძე პოლიციელების მხრიდან ფსიქოლოგიურ ზეწოლასა და სიტყვიერ შეურაცხყოფაზე საუბრობს — სახალხო დამცველის აპარატი
-
გადახედვაბეჭდების მბრძანებლის ახალი ფილმების მთავარი გმირი გოლუმი იქნება ბეჭდების მბრძანებლის ახალი ფილმების მთავარი გმირი გოლუმი იქნება
-
გადახედვა"ახალგაზრდების და ბერბიჭაშვილის შორის ტოლობის ნიშნის დასმა ნებისმიერ ადამიანისთვის სირცხვილი იქნებოდა" — ზურაბიშვილი "ახალგაზრდების და ბერბიჭაშვილის შორის ტოლობის ნიშნის დასმა ნებისმიერ ადამიანისთვის სირცხვილი იქნებოდა" — ზურაბიშვილი
-
გადახედვა"გოჩა ჯავახიშვილმა, შეურაცხყოფა მიაყენა როგორც სახელმწიფოს, ისე უწყებას, რომელშიც მრავალი წელი იმსახურა" — დარჩიაშვილი "გოჩა ჯავახიშვილმა, შეურაცხყოფა მიაყენა როგორც სახელმწიფოს, ისე უწყებას, რომელშიც მრავალი წელი იმსახურა" — დარჩიაშვილი
-
გადახედვადემონსტრანტებისთვის ზიანის შემცირების მიზნით, თბილისის დინამოს გულშემატკივართა გაერთიანება მოძრაობას აფუძნებს დემონსტრანტებისთვის ზიანის შემცირების მიზნით, თბილისის დინამოს გულშემატკივართა გაერთიანება მოძრაობას აფუძნებს
-
გადახედვამშვენიერაძე: Airsoft ვისაც უთამაშია, ხომ ყველა ხვდება რა არის ფოტოზე? სათამაშო იარაღები, რომლებიც პატარა პლასტმასის ბურთებს ისვრის მშვენიერაძე: Airsoft ვისაც უთამაშია, ხომ ყველა ხვდება რა არის ფოტოზე? სათამაშო იარაღები, რომლებიც პატარა პლასტმასის ბურთებს ისვრის
-
გადახედვაუჩა აბაშიძის სახლში ამოღებული იარაღი, ძირითადად, სათამაშოა, ტყვიები კი პლასტმასის — ლია თოდუა უჩა აბაშიძის სახლში ამოღებული იარაღი, ძირითადად, სათამაშოა, ტყვიები კი პლასტმასის — ლია თოდუა
-
გადახედვაყველას ვაფრთხილებ, ცეცხლს ეთამაშებიან, ძალიან ფრთხილად იყვნენ — კალაძე ყველას ვაფრთხილებ, ცეცხლს ეთამაშებიან, ძალიან ფრთხილად იყვნენ — კალაძე
-
გადახედვაათონელის ქუჩაზე, ევროპის დღის აღსანიშნავი კონცერტი, ჭავჭავაძის გამზირზე განვითარებული პროცესების გამო შეწყდა — პრეზიდენტის ადმინისტრაცია ათონელის ქუჩაზე, ევროპის დღის აღსანიშნავი კონცერტი, ჭავჭავაძის გამზირზე განვითარებული პროცესების გამო შეწყდა — პრეზიდენტის ადმინისტრაცია
-
გადახედვასახალხო დამცველის აპარატის განცხადება ბლოგერ და ჟურნალისტ უჩა აბაშიძის დაკავებასთან დაკავშირებით სახალხო დამცველის აპარატის განცხადება ბლოგერ და ჟურნალისტ უჩა აბაშიძის დაკავებასთან დაკავშირებით
კომენტარები