ტყუილია თუ არა — რას ამბობს კალაძესთან შეხვედრაზე გახარია და რას ამბობენ მის პარტიაში
"ტყუილია-მეთქი, გეუბნებით", — ასე უპასუხა დღეს ექსპრემიერმა გიორგი გახარიამ ჟურნალისტების კითხვას იმის შესახებ, ადასტურებს თუ არა კახა კალაძესთან შეხვედრას.
შეხვედრის შესახებ ინფორმაცია ქართული ოცნების ლიდერებმა მას შემდეგ გაავრცელეს, რაც გახარიამ თქვა, რომ თბილისის მერობისთვის იბრძოლებს. ირაკლი კობახიძემ, მამუკა მდინარაძემ და კახა კალაძემ თქვეს, რომ გახარიას კალაძესთან კომუნიკაციის რამდენიმე მცდელობა ჰქონდა და საბოლოოდ, შეხვედრა პირველ სექტემბერს, თბილისის მერიაში შედგა. მეტიც, კობახიძე და მდინარაძე საუბრობენ იმაზე, თითქოს გახარია მზად იყო, ქართული ოცნების მხრიდან ფინანსური დახმარების სანაცვლოდ საკუთარი კანდიდატურა არ დაეყენებინა. ამ თემაზე საუბარი არ ისურვა კალაძემ.
თავად გახარიამ ქართული ოცნების ლიდერების ამ განცხადებებს ტყუილი უწოდა და თქვა, რომ მათ სიტყვას ფასი არ აქვს.
"არანაირ კომენტარს ამაზე არ გავაკეთებ. აგიხსნით რატომ. აზრი არ აქვს. საერთოდ არანაირი მნიშვნელობა არ აქვს ჩემთვის, ორგანიზაცია ქართული ოცნების ზოგიერთი დღევანდელი ბოსი რას ლაპარაკობს, იმიტომ, რომ მათ სიტყვას ფასი არ აქვს, შეუძლიათ ხვალ გამოვიდნენ და სრულიად საპირისპირო თქვან. ადამიანები, რომელთა სიტყვასაც ფასი აღარ აქვს აღარც ქვეყნის შიგნით, აღარც ქვეყნის გარეთ, იმაზე კომენტარი როგორ უნდა გავაკეთო.
ეს ადამიანები ზუსტად ერთი წლის წინ ქება-დიდებას და ხოტბას მასხამდნენ, მაშინაც მათი ქების ფასი იყო ნოლი, დღესაც მათი ლანძღვის ფასი არის ნოლი. მე ნერვი არ გამიტოკდება".
ექსპრემიერის განცხადებით, ეს ადამიანები ყველაფერს აკეთებენ იმისთვის, რომ ოპონენტის დისკრედიტაცია მოახდინონ. მეტიც, გიორგი გახარიას თქმით, ისინი შეპყრობილნი არიან "უაღრესად დიდი შიშით, რომ არ დაკარგონ ძალაუფლება" და ძალაუფლების ჟინი მათ "უბნელებს აზროვნებასაც და აკარგვინებს გონივრულობას".
ამასთან, გახარიამ თქვა ისიც, რომ დღეს კახა კალაძეს არ შეაფასებს, მაგრამ იტყვის, რომ "კახა კალაძე რომ იყოს მარტო კახა კალაძე, ეს ერთი შეფასება იქნებოდა". ექსპრემიერის განცხადებით, მის უკან დგას ქართული ოცნების "ბოსების" უზარმაზარი რაზმი, რომლებსაც წარმოდგენა არ აქვთ "რა არის ღირსება, რა არის სამართლიანობა, რა არის ტყუილი, რა არის ღალატი, რა არის ბოროტება, რა არის სიკეთე".
გახარიას ამ კომენტარის შემდეგ, მისი პარტიის წევრები სხვადასხვა ტელეეთერში იმყოფებოდნენ და ერთმანეთისგან განსხვავებული განცხადებები გააკეთეს. მაგალითად, ლევან დოლიძე ამბობს, რომ კალაძესა და გახარიას შორის შეხვედრა შედგა, მაგრამ საუბარი არ ყოფილა ფინანსებზე.
"ეს არის ჩვეულებრივად ღირსეული ადამიანის გადაწყვეტილება იმის შესახებ, რომ ოპონენტს შეხვდეს, ესაუბროს თავის გეგმებზე. ასევე, გიორგი გახარიას ჰქონდა გადაწყვეტილი, რომ კახი კალაძე ჩაეყენებინა საქმის კურსში და ეთქვა, როგორც ღირსეული ადამიანი იქცევა, რომ მას არ უნდა შეეტყო ეს ინფორმაცია ტელევიზიის მეშვეობით. მას უნდოდა ეთქვა ამის შესახებ. ბუნებრივია, მას კიდევ ერთხელ უნდოდა ხაზი გაესვა იმ წითელი ხაზების არაერთხელ გადაკვეთაზე, რასაც სამწუხაროდ მმართველი ძალა აკეთებს. მაგრამ ახლა საუბარი იმაზე, რომ დღისით, მზისით გიორგი გახარია მივიდა მერიაში და კახი კალაძეს ფინანსური რესურსების გამოყოფაზე ესაუბრა, არის სრული აბსურდი".
დაახლოებით იგივეს ამბობს კახაბერ ქემოკლიძე. მის კომენტარს საზოგადოებრივი მაუწყებელი ავრცელებს, რომლის მიხედვით, შეხვედრა ნამდვილად შედგა, "დღისით, მზისით ქალაქ თბილისის მერიაში". ქემოკლიძე აღნიშნავს, რომ რამე დასამალი რომ ყოფილიყო, "ბატონი გახარია თბილისის მერიაში მივიდოდა კალაძესთან შესახვედრად, სადაც შესასვლელში და ყველა სართულზე მგონი, 18 კამერაზე ნაკლები არსად არ არის დაყენებული?!".
გახარიას თანაგუნდელის განცხადებით, კალაძესთან გახარიას შეხვედრა იყო ღირსეული პოლიტიკოსის საქციელი. რაც შეეხება ექსპრემიერის მიერ შეხვედრის უარყოფას, ქემოკლიძე ამბობს, მისი აზრით, ჟურნალისტებმა გახარიას ფულთან დაკავშირებით ჰკითხეს და მან მხოლოდ ეს უარყო.
ამასთან, უკვე TV პირველის ეთერში ქემოკლიძემ თქვა, რომ გახარია-კალაძის შეხვედრის შესახებ მას შემდეგ გაიგო, რაც მისი პარტიის ლიდერს ამის შესახებ ჟურნალისტებმა ჰკითხეს და ქართული ოცნების ლიდერებმა განცხადებები გააკეთეს. მისი ინფორმაციით, შეხვედრა ექსპრემიერის ინიციატივა იყო. რაც შეეხება თარიღს, ქემოკლიძე კონკრეტულ დროს არ ასახელებს, თუმცა აცხადებს, რომ თუ სწორად ახსოვს, შეხვედრა "გუშინ ან გუშინწინ" იყო.
ამავე ტელევიზიის ეთერში განსხვავებული განცხადება გააკეთა პარტიის სხვა წარმომადგენელმა. ნათია მეზვრიშვილის თქმით, მისი ინფორმაციით, შეხვედრა არ ყოფილა, მაგრამ ამის შესახებ ჭორები რამდენიმე დღეა ვრცელდება.
"მე ვიცი, რომ ასეთი შეხვედრა არ ყოფილა, ვადასტურებ, რომ ასეთი შეხვედრა არ ყოფილა და აქვე ვამატებ, რომ თუ მართალია კალაძე, გიორგი გახარია მოქცეულა ღირსეულად, რასაც ვერ ვიტყვით კალაძეზე ამ განცხადების შემდეგ", — თქვა მეზვრიშვილმა.
-
გადახედვაროგორ მოქმედებს მხატვრული ლიტერატურის კითხვა ტვინზე როგორ მოქმედებს მხატვრული ლიტერატურის კითხვა ტვინზე
-
გადახედვამეცნიერების თქმით, ხელით წერა სწავლის უნარებს აუმჯობესებს მეცნიერების თქმით, ხელით წერა სწავლის უნარებს აუმჯობესებს
-
გადახედვარა ვიცით კობახიძის ვიზიტზე თურქეთში, სადაც ის ხუთ მინისტრთან და კიდევ ორ მაღალჩინოსანთან ერთად ჩავიდა რა ვიცით კობახიძის ვიზიტზე თურქეთში, სადაც ის ხუთ მინისტრთან და კიდევ ორ მაღალჩინოსანთან ერთად ჩავიდა
-
გადახედვაბოლო 50 000 წელთან შედარებით, ნახშირორჟანგის დონე ახლა ყველაზე სწრაფად იმატებს ბოლო 50 000 წელთან შედარებით, ნახშირორჟანგის დონე ახლა ყველაზე სწრაფად იმატებს
-
გადახედვა17 მაისს დაგეგმილი მსვლელობის გამო, გარკვეულ ქუჩებზე შეზღუდვები დაწესდება — დეტალები 17 მაისს დაგეგმილი მსვლელობის გამო, გარკვეულ ქუჩებზე შეზღუდვები დაწესდება — დეტალები
-
გადახედვარუსულ კანონზე კრიტიკული კომენტარის გამო, POST TV-ის თანამშრომელი გაათავისუფლეს რუსულ კანონზე კრიტიკული კომენტარის გამო, POST TV-ის თანამშრომელი გაათავისუფლეს
-
გადახედვასპორტული ჟურნალისტების განცხადება: ვგმობთ რუსული კანონის მიღებით, ქვეყნის საგარეო კურსის შეცვლას სპორტული ჟურნალისტების განცხადება: ვგმობთ რუსული კანონის მიღებით, ქვეყნის საგარეო კურსის შეცვლას
-
გადახედვაანა სუბელიანის მამაზე თავდასხმის ფაქტზე, ერთ პირს ბრალდება წარედგინა ანა სუბელიანის მამაზე თავდასხმის ფაქტზე, ერთ პირს ბრალდება წარედგინა
-
გადახედვაგოჩა სურგულაძემ, ბსუ-ს ადმინისტრაციის თანამშრომელმა, სამსახური დატოვა გოჩა სურგულაძემ, ბსუ-ს ადმინისტრაციის თანამშრომელმა, სამსახური დატოვა
-
გადახედვატვინის ახალი ჩიპი ფიქრებს მაღალი სიზუსტით შიფრავს და სიტყვებად აქცევს ტვინის ახალი ჩიპი ფიქრებს მაღალი სიზუსტით შიფრავს და სიტყვებად აქცევს
-
გადახედვასაქართველოს ეროვნული პლატფორმა მე-10 მოწვევის პარლამენტთან თანამშრომლობის მემორანდუმს საბოლოოდ წყვეტს საქართველოს ეროვნული პლატფორმა მე-10 მოწვევის პარლამენტთან თანამშრომლობის მემორანდუმს საბოლოოდ წყვეტს
-
გადახედვაირაკლი ფავლენიშვილი: მინისტრების მოსვლა აქციაზე არის გაგრძელება მხარდაჭერის, რომელსაც გრძნობს ქართველი ხალხი დასავლური ინტეგრაციის გზაზე ირაკლი ფავლენიშვილი: მინისტრების მოსვლა აქციაზე არის გაგრძელება მხარდაჭერის, რომელსაც გრძნობს ქართველი ხალხი დასავლური ინტეგრაციის გზაზე
-
-
გადახედვა120 ორგანიზაცია: პუტინის წესების დამკვიდრების ეს მცდელობა ღალატია ყველასი, ვინც 200 წელზე მეტია, გარუსების წინააღმდეგ იბრძოდა და იბრძვის 120 ორგანიზაცია: პუტინის წესების დამკვიდრების ეს მცდელობა ღალატია ყველასი, ვინც 200 წელზე მეტია, გარუსების წინააღმდეგ იბრძოდა და იბრძვის
-
გადახედვასტუ-ს რექტორი: არ არის ეს რუსული კანონპროექტი, მე ესე ვთვლი. სტუდენტების გაფიცვას არ შევუწყობ ხელს სტუ-ს რექტორი: არ არის ეს რუსული კანონპროექტი, მე ესე ვთვლი. სტუდენტების გაფიცვას არ შევუწყობ ხელს
-
გადახედვაHBO Max დიუნის სამყაროს შესახებ სერიალს უშვებს — ნახე ტრეილერი HBO Max დიუნის სამყაროს შესახებ სერიალს უშვებს — ნახე ტრეილერი
-
გადახედვაპაპუაშვილი მინისტრებზე: რუსეთმა, თავის ყველაზე მწვავე ოპონენტებს, მსოფლმხედველობის ნაწილი გადასდო პაპუაშვილი მინისტრებზე: რუსეთმა, თავის ყველაზე მწვავე ოპონენტებს, მსოფლმხედველობის ნაწილი გადასდო
-
გადახედვაშსს-მ რუსული კანონის მოწინააღმდეგე კიდევ 2 პირი დააკავა და აცხადებს, რომ მათ 6 წლამდე ვადით პატიმრობა ემუქრებათ შსს-მ რუსული კანონის მოწინააღმდეგე კიდევ 2 პირი დააკავა და აცხადებს, რომ მათ 6 წლამდე ვადით პატიმრობა ემუქრებათ
-
გადახედვამდინარაძე: მოვითხოვ, რომ თუ სანქციები ამოქმედდება, სხვებს თავი დაანებონ და მე დამასანქცირონ! მდინარაძე: მოვითხოვ, რომ თუ სანქციები ამოქმედდება, სხვებს თავი დაანებონ და მე დამასანქცირონ!
-
გადახედვარუსთაველიდან აქციის მონაწილეები ორთაჭალაში, შსს-ს შენობასთან გადაინაცვლებენ რუსთაველიდან აქციის მონაწილეები ორთაჭალაში, შსს-ს შენობასთან გადაინაცვლებენ
-
გადახედვალანდსბერგისი აქციის მონაწილეებს: ჩვენ არასოდეს მიგატოვებთ ლანდსბერგისი აქციის მონაწილეებს: ჩვენ არასოდეს მიგატოვებთ
კომენტარები