Twitter-ზე საეჭვო ქართული ანგარიშები გამოჩნდა
ანტიდასავლურმა ქართველმა აქტორებმა ტვიტერზე გადაინაცვლეს და უამრავი საეჭვო ანგარიში უკვე შექმნეს.
მას შემდეგ, რაც აშშ-ს რესპუბლიკური პარტიის წარმომადგენელმა ადამ კინზინგერმა საქართველოს ხელისუფლება დემოკრატიული ღირებულებების დაუცველობისთვის გააკრიტიკა, ტვიტერის საეჭვო ანგარიშებმა კონგრესმენი ქვეყნის საშინაო საქმეებში ჩარევაში დაადანაშაულა. ერთ-ერთი ანგარიში დიდი ალბათობით დაკავშირებულია ფეისბუქ გვერდთან, ანტილიბერალური დოქტრინა, რომელიც თავის მხრივ ანტი დასავლურ, ანტი ოპოზიციურ და პრორუსულ ნარატივს ავრცელებს.
DFRLab-მა აქამდე უკვე განიხილა საქართველოში არსებული რადიკალური მემარჯვენე და პროსახელისუფლებო აქტორების გავლენა ფეისბუქზე, რომელიც ქვეყანაში ყველაზე პოპულარული სოციალური ქსელია. როგორც ჩანს, აღნიშნული აქტორები სტრატეგიას აფართოებენ და ტვიტერზეც გადადიან. იმის მიუხედავად, რომ პლატფორმა საქართველოში მომხმარებლების ნაკლებობას განიცდის, ტვიტერს ქვეყნის საჯარო დისკურსში რელევანტურობა ეზრდება. საერთაშორისო საზოგადოება სწორედ მისი საშუალებით აკრიტიკებს საქართველოს ხელისუფლებას და დემოკრატიული ღირებულებების დაცვას მოუწოდებს. აღნიშნული ანტიდასავლური აქტორების სამიზნეს საქართველოს ნაცვლად საერთაშორისო აუდიტორია წარმოადგენს, რათა მსოფლიო ასპარეზზე საქართველოში მიმდინარე პროცესები დადებითად წარმოაჩინონ და შექმნან წარმოდგენა, თითქოს ოპოზიცია სიტუაციას ხელოვნურად აზვიადებს.
აღნიშნული ანგარიშების გამოჩენა, რომელთა ნაწილი აშკარად ყალბია, წინ უძღვის საქართველოს საპარლამენტო არჩევნებს, რომელიც 2020 წლის ოქტომბერშია ჩანიშნული. მაშინ, როცა ქვეყანა უკვე ისედაც საკმარისად პოლარიზებულია, რადიკალური მემარჯვენეების გამოჩენა დაპირისპირების რისკს ზრდის.
ქართული ანგარიშების გააქტიურება ტვიტერზე
StatCounter-ის მიხედვით, საქართველოში ტვიტერს მოსახლეობის 10% იყენებს. ფეისბუქის შემთხვევაში, ეს მაჩვენებელი 50%-ს სცდება. DFRLab-მა დეზინფორმაციის კამპანიის სხვადასხვა შემთხვევები, როცა სამიზნე ფეისბუქზე საქართველოს მოსახლეობა როგორც ქვეყნის შიგნით, ისე გარეთ იყო, უკვე მიმოიხილა.
იმის მიუხედავად, რომ ქართველები ტვიტერს ფეისბუქზე უფრო ხშირად იყენებენ, ამერიკელი პოლიტიკოსები და ევროპელი ოფიციალური პირები საქართველოში განვითარებულ ბოლოდროინდელ პოლიტიკურ მოვლენებს სწორედ ტვიტერის პლატფორმით ეხმიანებიან და შეშფოთებას გამოთქვამენ. მათ გააკრიტიკეს საქართველოს მთავრობა დაპირებული დემოკრატიული რეფორმების შეუსრულებლობაში, აქედან მიმართავენ ისინი პოლიტიკურ ოპონენტებს, მედიასა და საერთაშორისო თანამეგობრობებს. ტვიტერზე გაჟღერდა საერთაშორისო საზოგადოების კრიტიკა მშვიდობიანი მომიტინგეების წინააღმდეგ ძალადობაზე, პლატფორმაზე განიხილავდნენ Facebook-ის გადაწყვეტილებას ქართულ ოცნებასთან დაკავშირებული ყალბი ანგარიშების წაშლაზე.
21 იანვარს, აშშ-ს კონგრესმენმა და საქართველოს მეგობართა ჯგუფის თანათავმჯდომარე ადამ კინზინგერმა ტვიტერზე შეშფოთება გამოთქვა საქართველოს მთავრობის "პოლიტიკურ მიზნებსა" და "ეკონომიკური განვითარების ტენდენციის დაცემის" შესახებ. მან აღნიშნა, რომ კონგრესის დეპუტატთა ორმხრივმა ჯგუფმა საქართველოს პრემიერმინისტრს, გიორგი გახარიას წერილი გაუგზავნა.
ტვიტის გამოქვეყნებიდან მალევე, ანგარიშებმა, რომლებსაც ქართული სახელები ჰქონდა, კონგრესმენი საქართველოს შიდა საქმეებში ჩარევასა და საქართველოს ოპოზიციურ პარტიებთან კავშირში დაადანაშაულა.
ერთ-ერთი ანგარიში, რომელიც ამ შინაარსის ტვიტებს ავრცელებდა, წარმოდგენილი იყო, როგორც ბაქარი (ბექა) ვარდოსანიძე, რომელიც MDF-ის მიხედვით ასევე არის ანტილიბერალური დაჯგუფების, ქართული მარშის წევრი და დემოკრატიის კვლევის ინსტიტუტის მიხედვით, რადიკალური მემარჯვენე აქტივისტი. ის საკმაოდ აქტიურია ფეისბუქზე და ცნობილია თავისი ანტილიბერალური განცხადებებითა და სიძულვილის ენის გამოყენებით.
კინზინგერის ტვიტთან ინტერაქციის შემდეგ, ვარდოსანიძის ანგარიშზე დაიწერა, რომ ის პლატფორმაზე კიდევ უფრო აქტიური გახდება. მისი ანგარიში 2010 წელსაა შექმნილი, მაგრამ იგი 2020 წლის დასაწყისამდე მას აქტივობები არ ჰქონია. ვარდოსანიძის ფეისბუქის პირადი პროფილი ასევე დაკავშირებულია აღნიშნულ ტვიტერის ანგარიშთან.
დანარჩენი ორი ანგარიში, რომლითაც კინზინგერი გააკრიტიკეს, ქალებად იდენტიფიცირდება და 8-ნიშნა რიცხვი მოჰყვება. ისინი 2020 წლის იანვარშია შექმნილი და ძალიან ცოტა გამომწერი ჰყავს.
ერთ-ერთმა ანგარიშმა, @Pikria99437631, შექმნიდან მხოლოდ სამჯერ დატვიტა, სამივე ტვიტი კინზინგერის კრიტიკას ეხმაურებოდა.
ხოლო მეორე, @ninonin56919210, უმეტესად ანტიოპოზიციურ და პროსახელისუფლებო კონტენტს ავრცელებს.
ასევე საინტერესოა ტვიტერზე 2020 წელს დარეგისტრირებული ანგარიში @IRAKLI22414771, რომელსაც ე.წ. ქავერ ფოტოზე მწვანე ასოებით ქართულად აწერია ანტილიბერალური დოქტრინა.
ანტილიბერალური დოქტრინა ტვიტერზე გადადის
@IRAKLI22414771-ის ტვიტები ორ სხვა ტვიტერის ანგარიშს აქტიურად გადააქვს თავის ტვიტერზე. ერთი ინგლისურენოვანია, ხოლო მეორე — ქართული. ორივეს სახელი ანტილიბერალური დოქტრინაა და ორივე მათგანი 2020 წლის იანვარშია შექმნილი.
ტვიტერის ეს ანგარიშები, როგორც ჩანს, უკავშირდება ფეისბუქის იმავე სახელწოდების გვერდს, რომელიც, თავის მხრივ, უკავშირდებოდა @IRAKLI22414771-ს. ფეისბუქგვერდი ანტილიბერალური დოქტრინა ჩვეულებრივ ანტიდასავლური შინაარსის განცხადებებს ავრცელებს და არც ქართული ოპოზიციური პარტიების "გაშავებას" ერიდება. ისევე როგორც შინაარსს, რომელიც მიზნად ისახავს ოპოზიციურ პარტიებს საქართველოში. ფეისბუქგვერდის გარეკანი და @IRAKLI22414771-ის ტვიტერის ე.წ. ქავერ ფოტო ერთმანეთის ანალოგიურია, წარწერით ანტილიბერალური დოქტრინა და ფონზე ფოტოთი, რომელშიც მერკელი და პუტინი ერთმანეთს ხელებს ართმევენ.
ფეისბუქგვერდმა ასევე გამოაქვეყნა ვიდეო, რომელშიც მოქალაქე ირაკლი ჯანყარაშვილი საკუთარ თავს გვერდის ავტორად ასახელებს.
როგორც ტვიტერზე გამოქვეყნებული პროფილის ფოტოდან ირკვევა, იგივე ადამიანია @IRAKLI22414771-ც.
როგორც ჩანს, ფეისბუქის მომხმარებელი, რომელიც აქტიურად ავრცელებდა ანტიდასავლურ და ანტილიბერალურ ნარატივს, ტვიტერზე მინიმუმ სამი განსხვავებული ანგარიშით გადავიდა.
უმოქმედო ანგარიშები
როგორც ტვიტერის ანალიტიკის ხელსაწყო Tweetbeaver-მა აჩვენა, @IRAKLI22414771 დაახლოებით 70 საეჭვო ანგარიშის გამომწერია. ანგარიში ასევე მიჰყვება რამდენიმე პოლიტიკოსსა და ახალი ამბების გამოცემებს.
ამ ანგარიშების დიდი ნაწილი 2020 წლის იანვარსა და თებერვალშია შექმნილი. მათ იუზერნეიმებს რვანიშნა რიცხვები მოჰყვებათ, რაც ბოტებისთვის დამახასიათებელი ქცევაა. უფრო მეტიც, ტვიტერზე მათი აქტივობის მაჩვენებელი თითქმის ნულს უტოლდება, ასევე ნულთან მიახლოებულია მათი გამომწერების რაოდენობაც.
იმის გამო, რომ ამ ანგარიშებს უკიდურესად მინიმალური აქტივობები აქვთ, რთულია იმის განსჯა, თუ რა იყო მათი შექმნის მიზანი. თუმცა, შექმნის თარიღების ანალოგია, არააქტიურობა და ტვიტერის სახელების პატერნი ვარაუდის შესაძლებლობას გვაძლევს, რომ ისინი ბოტების ახალი ქსელის "წარმომადგენლები" არიან.
გავლენის სურვილის მქონე ანგარიშების მიმდევრებად ბოტების ყოლა ტვიტერზე ჩვეულებრივი ამბავია, რომლებიც შემდეგ თავადაც ხდებიან მათი გამომწერები. ქმედება ცნობილია, როგორც ე.წ. followback. თეორიულად, ეს შეიძლება ხსნიდეს, თუ რატომ არის @IRAKLI22414771 ამ საეჭვო და უმოქმედო ანგარიშების გამომწერი. ამ დროისთვის, აღნიშნული ანგარიშები @IRAKLI22414771-ის ტვიტერის ანგარიშს არ იწერენ, რაც კიდევ უფრო აჩენს კითხვას, თუ რატომაა თავად @IRAKLI22414771 მათი გამომწერი.
ატლანტიკური საბჭო მიუკერძოებელი ორგანიზაციაა, რომლის მისიაც "გლობალური მომავლის ჩამოყალიბებაა". ატლანტიკური საბჭო მსოფლიო მოვლენებში აშშ-ის ჩართულობის გაზრდითა და პარტნიორებთან მუშაობის გზით გლობალური გამოწვევებისთვის გამოსავალს ეძებს.
ატლანტიკური საბჭოს ციფრული კვლევის ლაბორატორია იდენტიფიცრებას უკეთებს და ააშკარავებს დეზინფორმაციას მსოფლიოს გარშემო, რითაც ღია კვლევის მნიშვნელობას უსვამს ხაზს.
სტატია მოამზადა DFRLab-მა აღმოსავლეთ-დასავლეთის მართვის ინსტიტუტის (EWMI) ACCESS-ის პროექტის ფარგლებში. მასალის დამზადება შესაძლებელი გახდა ამერიკელი ხალხის მხარდაჭერის შედეგად ამერიკის შეერთებული შტატების საერთაშორისო განვითარების სააგენტოს (USAID) დაფინანსებით. თარგმანი ეკუთვნის On.ge-ს. სტატიის შინაარსზე პასუხისმგებლები არიან DFRLab და On.ge. ის შესაძლოა არ გამოხატავდეს EWMI-ს, USAID-ის ან/და ამერიკის შეერთებული შტატების შეხედულებებს.
თუ გინდა, რომ ნამდვილი და ყალბი ამბები ერთმანეთისგან მარტივად განასხვავო და დეზინფორმაციისგან სხვებიც დაიცვა, შემოგვიერთდი ჯგუფში – ერთად ვებრძოლოთ დეზინფორმაციას.
-
გადახედვარუსთაველის გამზირიდან სპეცრაზმი გავიდა — პარლამენტის მიმდებარე ტერიტორიას აქციის მონაწილეები იკავებენ რუსთაველის გამზირიდან სპეცრაზმი გავიდა — პარლამენტის მიმდებარე ტერიტორიას აქციის მონაწილეები იკავებენ
-
გადახედვაო'ბრაიენის ავტომობილი ქართული ოცნების სათავო ოფისში შევიდა — ტვ პირველი ო'ბრაიენის ავტომობილი ქართული ოცნების სათავო ოფისში შევიდა — ტვ პირველი
-
გადახედვამოვუწოდებთ სპეციალური დანიშნულების რაზმის თანამშრომლებს, არ შეასრულონ უკანონო ბრძანებები — საია მოვუწოდებთ სპეციალური დანიშნულების რაზმის თანამშრომლებს, არ შეასრულონ უკანონო ბრძანებები — საია
-
გადახედვასაერთაშორისო ზეწოლის მთელი არსენალია განხილვაში, ამბობს გვარამია ო'ბრაიენთან შეხვედრის შემდეგ საერთაშორისო ზეწოლის მთელი არსენალია განხილვაში, ამბობს გვარამია ო'ბრაიენთან შეხვედრის შემდეგ
-
გადახედვალელო: უნდა შეიქმნას ეროვნული წინააღმდეგობის ევროპული პლატფორმა,სალომე ზურაბიშვილთან მჭიდრო კოორდინაციით ლელო: უნდა შეიქმნას ეროვნული წინააღმდეგობის ევროპული პლატფორმა,სალომე ზურაბიშვილთან მჭიდრო კოორდინაციით
-
გადახედვააქციაზე ინტერპრესნიუსის ფოტორეპორტიორს სამართალდამცველებმა სცემეს აქციაზე ინტერპრესნიუსის ფოტორეპორტიორს სამართალდამცველებმა სცემეს
-
გადახედვამოვუწოდებ შსს-ს, არ გამოიყენოს სპეციალური საშუალებები, აქციის მთლიანად დაშლის აუცილებლობა არ არის საჭირო — სახალხო დამცველი მოვუწოდებ შსს-ს, არ გამოიყენოს სპეციალური საშუალებები, აქციის მთლიანად დაშლის აუცილებლობა არ არის საჭირო — სახალხო დამცველი
-
გადახედვაო'ბრაიენთან შეხვედრის შემდეგ ბოკუჩავა ამბობს, რომ აშშ განიხილავს დაასანქციროს ივანიშვილი, მისი გარემოცვა და რუსული კანონის მხარდამჭერი დეპუტატები ო'ბრაიენთან შეხვედრის შემდეგ ბოკუჩავა ამბობს, რომ აშშ განიხილავს დაასანქციროს ივანიშვილი, მისი გარემოცვა და რუსული კანონის მხარდამჭერი დეპუტატები
-
გადახედვასენატორი რიში რუსული კანონის მიღებაზე: ეს არის სილის გაწვნა საქართველოს მოსახლეობის 80%-ისთვის სენატორი რიში რუსული კანონის მიღებაზე: ეს არის სილის გაწვნა საქართველოს მოსახლეობის 80%-ისთვის
-
გადახედვასპეცრაზმმა აქციის მონაწილეებისგან პარლამენტის მიმდებარე ტერიტორია ძალის გამოყენებით გაწმინდა სპეცრაზმმა აქციის მონაწილეებისგან პარლამენტის მიმდებარე ტერიტორია ძალის გამოყენებით გაწმინდა
-
გადახედვასტუდენტები ევროპული მომავლისთვის: სტუდენტები მაინც ერთიანად შევიკრიბებით იმავე დღის წესრიგით და კიდევ უფრო გაბრაზებულები გავალთ რუსთაველისკენ სტუდენტები ევროპული მომავლისთვის: სტუდენტები მაინც ერთიანად შევიკრიბებით იმავე დღის წესრიგით და კიდევ უფრო გაბრაზებულები გავალთ რუსთაველისკენ
-
გადახედვამეცოლა: თბილისო, ჩვენ გვესმის შენი! ჩვენ გხედავთ! მეცოლა: თბილისო, ჩვენ გვესმის შენი! ჩვენ გხედავთ!
-
გადახედვალაზარე გრიგორიადისი დააკავეს ლაზარე გრიგორიადისი დააკავეს
-
გადახედვაპარლამენტის წინ საპოლიციო ძალები განლაგდნენ — ისმის გამაფრთხილებელი სიგნალი პარლამენტის წინ საპოლიციო ძალები განლაგდნენ — ისმის გამაფრთხილებელი სიგნალი
-
გადახედვააქცია გასცდა კანონით დადგენილ ნორმებს, გამოვიყენეთ სპეციალური საშუალებები — შსს-ს განცხადება აქცია გასცდა კანონით დადგენილ ნორმებს, გამოვიყენეთ სპეციალური საშუალებები — შსს-ს განცხადება
-
-
გადახედვაპარტია ლელო და ენმ-ს დეპუტატები ბოიკოტის რეჟიმში გადადიან პარტია ლელო და ენმ-ს დეპუტატები ბოიკოტის რეჟიმში გადადიან
-
გადახედვაკახა შენგელია: სოსო ბერიკაშვილი იყო ყველაზე ზარმაცი თანამშრომელი უნივერსიტეტში კახა შენგელია: სოსო ბერიკაშვილი იყო ყველაზე ზარმაცი თანამშრომელი უნივერსიტეტში
-
გადახედვა84 დეპუტატის სია, რომლებმაც ხმა მისცეს რუსულ კანონს, მესამე მოსმენით 84 დეპუტატის სია, რომლებმაც ხმა მისცეს რუსულ კანონს, მესამე მოსმენით
-
გადახედვაშსს განცხადებას ავრცელებს: ყველა სამართალდარღვევას პოლიციის მხრიდან შესაბამისი რეაგირება მოჰყვება შსს განცხადებას ავრცელებს: ყველა სამართალდარღვევას პოლიციის მხრიდან შესაბამისი რეაგირება მოჰყვება
-
გადახედვა"კავკასიის უნივერსიტეტის” მმართველთა საბჭო ხმათა უმრავლესობით არ იზიარებს დღეს გამოქვეყნებული განცხადების სულისკვეთებასა და ხედვას — განცხადება "კავკასიის უნივერსიტეტის” მმართველთა საბჭო ხმათა უმრავლესობით არ იზიარებს დღეს გამოქვეყნებული განცხადების სულისკვეთებასა და ხედვას — განცხადება
კომენტარები