რა აფეთქდა ბეირუთში და რა ხდება ახლა
4 აგვისტოს ღამით, ლიბანის დედაქალაქ ბეირუთში ძლიერი აფეთქება მოხდა. ლიბანის ჯანდაცვის მინისტრის განცხადებით, გარდაცვლილია სულ მცირე 100 ადამიანი, უსახლკაროდ დარჩა 300 000 ადამიანი, დაშავებულთა რიცხვი კი 4 000-ს აჭარბებს.
აფეთქების გამომწვევ მიზეზად თავდაპირველად რამდენიმე ვერსია გავრცელდა. საუბარი იყო პიროტექნიკის აფეთქებაზე, სხვა ადვილად ფეთქებად ნივთიერებებზეც, თუმცა ოფიციალური პირები საწყობში 6 წლის მანძილზე შენახულ ძლიერ ფეთქებად ნივთიერებებზე საუბრობენ. ლიბანის პრეზიდენტის განცხადებით, "დაუშვებელია", რომ 2 750 ტონა ამონიუმის ნიტრატი უსაფრთხოების ზომების დაცვის გარეშე იყო შენახული.
აფეთქების ხმა იმდენად ძლიერი იყო, რომ 240 კილომეტრის რადიუსში, აღმოსავლეთ ხმელთაშუა ზღვის კვიპროსის კუნძულზეც გაისმა.
ტვირთი საწყობში 2013 წლიდან ინახებოდა და მანამდე ბათუმის პორტშიც იყო — 2013 წლის 23 სექტემბერს m/v Rhosus, რომელიც მოლდოვის დროშით ოპერირებდა, ბათუმის პორტიდან მოზამბიკისკენ 2,750 ტონა ამონიუმის ნიტრატის გადასატანად გავიდა. უცნობია, სად დაიტვირთა გემი ამ ნივთიერებით. ცნობილია, რომ გემის მფლობელი კვიპროსში მცხოვრები რუსი მოქალაქე იგორ გრეჩუშკინი იყო. გემს გადაადგილების პერიოდში ტექნიკური და სამართლებრივი პრობლემები შეექმნა და ბეირუთში ჩასულმა გზა ვეღარ განაგრძო, რის გამოც თავისი ტვირთით ბეირუთის პორტში გაჩერდა. სამართლებრივი პროცედურების გავლის შემდეგ, მთლიანი ტვირთი იმ საწყობში ინახებოდა, სადაც 4 აგვისტოს აფეთქება მოხდა.
ამონიუმის ნიტრატი მრავალნაირად გამოიყენება, მაგრამ მათ შორის მთავარი ფუნქციაა ასაფეთქებელი ან სასოფლო სამეურნეო საქმიანობაში მიწის გამანოყიერებელი. ის ხდება ძლიერ ფეთქებადი, როცა ცეცხლთან აქვს კავშირი. აფეთქების შემდეგ ამონიუმის ნიტრატი ისეთ ტოქსიკურ აირებს გამოყოფს, როგორიცაა აზოტის ოქსიდები ან ამონიუმის აირები. გამომდინარე იქიდან, რომ ნივთიერება ფეთქებადსაშიშია, მის შენახვაზე განსაკუთრებული ზომები მოქმედებს — ადგილი, სადაც ის ინახება, ცეცხლგამძლე უნდა იყოს, არ უნდა იყოს მილები და სადინარები.
ბეირუთში აფეთქების საკითხზე გამოძიება დაიწყო. ლიბანის უმაღლესი თავდაცვის საბჭოს განცხადებით, პასუხისმგებელი პირები "მაქსიმალური სიმკაცრით დაისჯებიან".
ლიბანის პრემიერმინისტრმა საერთაშორისო დახმარება ითხოვა, რასაც ბორის ჯონსონი, ბრიტანეთის პრემიერმინისტრი, ტვიტერის საშუალებით გამოეხმაურა:
"აფეთქების ამსახველი ფოტოები და ვიდეოები შოკისმომგვრელია. გაერთიანებული სამეფო მზადაა ნებისმიერი შესაძლო საშუალებით დახმარება აღმოუჩინოს ბეირუთს".
ტრაგედიას გამოეხმაურა დონალდ ტრამპიც და მომხდარს "საშინელი თავდასხმა" უწოდა. შესაბამისი ზომები მიიღეს საფრანგეთმა, ისრაელმა და გერმანიამაც.
ბეირუთი პრეზიდენტმა 3-დღიანი სამგლოვიარო პერიოდი გამოაცხადა და თქვა, რომ მთავრობა აფეთქებით გამოწვეული გადაუდებელი საჭიროებებისთვის 100 მილიარდ ლირას გამოყოფს. (დაახლოებით 66 მილიონი დოლარი).
აფეთქება ლიბანში საკმაოდ მძიმე პერიოდს დაემთხვა. ქვეყანა 1975-1990 წლების სამოქალაქო ომის შემდეგ ყველაზე ღრმა პოლიტიკურ და ეკონომიკურ კრიზისშია. იქამდეც კი, სანამ მსოფლიოში Covid-19 გავრცელდებოდა, ლიბანში მდგომარეობა უკიდურესად მძიმე იყო. უმუშევრობის დონე 25%-ია, მოსახლეობის 1/3 კი უკიდურეს სიღარიბეში ცხოვრობს, აქვთ სასმელი წყლის დეფიციტი, შეზღუდული საზოგადო ჯანდაცვა და მსოფლიოში ერთ-ერთი ყველაზე გაუმართავი ინტერნეტ-წვდომა. 2019 წლის ოქტომბერში უცხოური ვალუტის სიმცირემ ლიბანური ფულის ერთეულის ღირებულების შემცირება გამოიწვია. შუა პერიოდში მთავრობამ თამბაქოსა და ნავთობზე ახალი გადასახადები დაამტკიცა.
ეკონომიკურ და სოციალურ პრობლემებს ქვეყანაში მასობრივი პროტესტი მოჰყვა. ათობით ათასი ლიბანელი პრემიერმინისტრის გადადგომის მოთხოვნით ქუჩებში გამოვიდა. ახალი პრემიერი ჰასან დიაბი გახდა.
ვირუსის გავრცელების შემდეგ, მთავრობამ სპეციალური გეგმა შეიმუშავა, რითაც ეკონომიკური კრიზისის დასრულებას და საერთაშორისო მონეტარული ფონდიდან დახმარების მოძიებას ისახავდა მიზნად. ლიბანის რელიგიური მრავალფეროვნება უცხოური ძალების გავლენებისადმი ქვეყნის მოწყვლადობას ზრდის. ჰეზბოლას შიიტური მოძრაობა ქვეყანაში ყველაზე ძლიერი სამხედრო და პოლიტიკური ჯგუფია.
ბეირუთში ამ დრომდე გრძელდება ნანგრევებში დაკარგული ადამიანების ძებნა და შესაბამისად, გარდაცვლილთა რაოდენობა იმატებს. საავადმყოფოები დაშავებული ადამიანების ჰოსპიტალიზაციას ვეღარ ახერხებენ. ჯანდაცვის სფეროს გაუმართავობის გამო, ქვეყანას სამედიცინო პერსონალის სახით დახმარება სხვადასხვა ქვეყნებმა გაუგზავნეს.
-
გადახედვამიუხედავად დაპირისპირებისა და რთული ვითარებისა, უნდა გვაერთიანებდეს სამშობლოს სიყვარული და შეგვეძლოს მშვიდობიანი თანაცხოვრება — ეპისტოლედან მიუხედავად დაპირისპირებისა და რთული ვითარებისა, უნდა გვაერთიანებდეს სამშობლოს სიყვარული და შეგვეძლოს მშვიდობიანი თანაცხოვრება — ეპისტოლედან
-
გადახედვარუსეთმა ვოლოდიმირ ზელენსკი ძებნილად გამოაცხადა რუსეთმა ვოლოდიმირ ზელენსკი ძებნილად გამოაცხადა
-
გადახედვასალომე ზურაბიშვილი ელჩებს: დაძაბულ ვითარებაში ვართ... ჩემი თხოვნაა, განხორციელდეს მაღალი დონის ვიზიტები მაისის ბოლომდე სალომე ზურაბიშვილი ელჩებს: დაძაბულ ვითარებაში ვართ... ჩემი თხოვნაა, განხორციელდეს მაღალი დონის ვიზიტები მაისის ბოლომდე
-
გადახედვააზერბაიჯანში დაკავებულ მედია ადვოკატს და ტელეკომპანიის დამფუძნებელს, არ აძლევენ საშუალებას, სასწრაფო ბიოფსია ჩაიტაროს აზერბაიჯანში დაკავებულ მედია ადვოკატს და ტელეკომპანიის დამფუძნებელს, არ აძლევენ საშუალებას, სასწრაფო ბიოფსია ჩაიტაროს
-
გადახედვააქცია ქართული ოცნების ოფისთან — სანაპირო გადაკეტილია აქცია ქართული ოცნების ოფისთან — სანაპირო გადაკეტილია
-
გადახედვაქართველი სტარტაპერები რუსული კანონის წინააღმდეგ ერთობლივ განცხადებას ავრცელებენ ქართველი სტარტაპერები რუსული კანონის წინააღმდეგ ერთობლივ განცხადებას ავრცელებენ
-
გადახედვაპრეზიდენტმა ე.წ ოფშორების კანონს ვეტო დაადო პრეზიდენტმა ე.წ ოფშორების კანონს ვეტო დაადო
-
გადახედვაჟურნალისტური ეთიკის ქარტიის განცხადება კახა კალაძის მიერ, ჟურნალისტის შეურაცხყოფის ფაქტზე ჟურნალისტური ეთიკის ქარტიის განცხადება კახა კალაძის მიერ, ჟურნალისტის შეურაცხყოფის ფაქტზე
-
გადახედვადღეს, კობახიძემ, ამ ქვეყნის ისტორიაში უპრეცედენტო და უდიდესი თავდასხმა განახორციელა აშშ-ზე — გრიგოლ გეგელია დღეს, კობახიძემ, ამ ქვეყნის ისტორიაში უპრეცედენტო და უდიდესი თავდასხმა განახორციელა აშშ-ზე — გრიგოლ გეგელია
-
გადახედვარა უნდა ვიცოდეთ დღევანდელ პროტესტზე, რომელიც 18:30-ზე დაიწყება სასტუმრო პარაგრაფთან, თავისუფლების მოედანზე რა უნდა ვიცოდეთ დღევანდელ პროტესტზე, რომელიც 18:30-ზე დაიწყება სასტუმრო პარაგრაფთან, თავისუფლების მოედანზე
-
გადახედვაკობახიძე აშშ-ს "ორ რევოლუციურ მცდელობაში" ადანაშაულებს — რა გავიგეთ მისი და აშშ-ის სახელმწიფო მდივნის მრჩევლის პოსტებიდან X-ზე კობახიძე აშშ-ს "ორ რევოლუციურ მცდელობაში" ადანაშაულებს — რა გავიგეთ მისი და აშშ-ის სახელმწიფო მდივნის მრჩევლის პოსტებიდან X-ზე
-
გადახედვაკალაძე სპორტსმენებზე, რომელმაც ხელისუფლების ძალადობა დაგმეს: "მეც ვუერთდები "არა რუსულ კანონს", ამ სუფთა ქართულ კანონს კი აუცილებლად მივიღებთ" კალაძე სპორტსმენებზე, რომელმაც ხელისუფლების ძალადობა დაგმეს: "მეც ვუერთდები "არა რუსულ კანონს", ამ სუფთა ქართულ კანონს კი აუცილებლად მივიღებთ"
-
გადახედვამინდა, მივმართო ჩვენი ქვეყნის აკრედიტებულ ელჩებს მეგობარ ქვეყნებში... საკითხი ეხება ჩვენი ქვეყნის მომავალს! — მამუკა ხაზარაძე მინდა, მივმართო ჩვენი ქვეყნის აკრედიტებულ ელჩებს მეგობარ ქვეყნებში... საკითხი ეხება ჩვენი ქვეყნის მომავალს! — მამუკა ხაზარაძე
-
გადახედვაპარლამენტში 3 და 4 მაისს უსაფრთხოების ყვითელი დონე იმოქმედებს — ვიზიტორებს ეზღუდებათ პარლამენტის სასახლეში შესვლა პარლამენტში 3 და 4 მაისს უსაფრთხოების ყვითელი დონე იმოქმედებს — ვიზიტორებს ეზღუდებათ პარლამენტის სასახლეში შესვლა
-
გადახედვა11 მაისს, ევროპის დღეს, რუსული კანონის საწინააღმდეგო მანიფესტაცია დაანონსდა 11 მაისს, ევროპის დღეს, რუსული კანონის საწინააღმდეგო მანიფესტაცია დაანონსდა
-
გადახედვაცირკთან აქციის მონაწილეებს, უცნობი პირები, ფიზიკურად გაუსწორდნენ ცირკთან აქციის მონაწილეებს, უცნობი პირები, ფიზიკურად გაუსწორდნენ
-
გადახედვასაფრანგეთში მცხოვრები ქართველი სტუდენტები რუსული კანონის გაწვევას მოითხოვენ და აქციის მონაწილეებზე ძალადობას გმობენ საფრანგეთში მცხოვრები ქართველი სტუდენტები რუსული კანონის გაწვევას მოითხოვენ და აქციის მონაწილეებზე ძალადობას გმობენ
-
გადახედვაგზის გადაკეტვა შეკრების თავისუფლების ფორმაა — საია გზის გადაკეტვა შეკრების თავისუფლების ფორმაა — საია
-
გადახედვაკობახიძე აშშ-ში მიიწვიეს დათქმით, რომ ვიზიტამდე უნდა შეჩერებულიყო კანონპროექტის განხილვა — საგარეო აშშ-ის ელჩის განცხადებაზე კობახიძე აშშ-ში მიიწვიეს დათქმით, რომ ვიზიტამდე უნდა შეჩერებულიყო კანონპროექტის განხილვა — საგარეო აშშ-ის ელჩის განცხადებაზე
-
-
გადახედვაპოლიციამ გმირთა მოედანზე, რამდენიმე წუთის წინ, სამი ადამიანი დააკავა პოლიციამ გმირთა მოედანზე, რამდენიმე წუთის წინ, სამი ადამიანი დააკავა
კომენტარები