5 შემთხვევა, როდესაც ქართულმა მარშმა თავი სასაცილო მდგომარეობაში ჩაიგდო
პრორუსული, ჰომოფობიური, ქსენოფობიური და ძალადობრივი დაჯგუფება ქართული მარში ხშირად ჩნდება, სადაც დემოკრატიული პროცესების გაუმჯობესებაზე მუშაობენ. მათი როლი ასეთ დროს სიტუაციის დაძაბვა და ხელის შეშლის მცდელობაა. ახლა საკანონმდებლო ორგანოში მოხვედრა სურს ჯგუფს, რომელიც ბოლო რამდენიმე წელი აქტიურად აჟღერებდა ანტიდასავლურ ნარატივებს, ემუქრებოდა ომბუდსმენს, ფიზიკურად უსწორდებოდა ჟურნალისტებსა და აქტივისტებს.
მეტიც, ქართულ მარშში დარწმუნებული არიან, რომ საკმარისი მხარდამჭერი ჰყავთ და ხალხს ახსოვს "მათი წვლილი ქვეყნისთვის ბრძოლაში".
სინამდვილეში, ქართული მარშისგან ყველაზე მეტად ღია კარის მტვრევა, არაფრისგან პრობლემების შექმნა და ის სიტუაციები გვახსოვს, როცა მშვიდობიანი შეკრებები დაარბიეს და ადამიანებზე იძალადეს. თუმცა, ამ სიტუაციაშიც კი მოახერხეს და ფეისბუქ მიმების მთავარი გმირები გახდნენ, რადგან თავი სასაცილო მდგომარეობაში ჩაიგდეს. გთავაზობთ 5 ამბავს, როცა ქართულმა მარშმა საკუთარ თავს გადააჭარბა და ქართული ინტერნეტი გაამხიარულა.
1. ლიდერის "დაცემა"
ამ ისტორიებს შორის უპირობო ლიდერი სანდრო ბრეგაძის "შეუძლოდ ყოფნაა". 2018 წელს, როცა ძალადობრივმა ჯგუფებმა რუსთავი 2-ის ჟურნალისტებს ფიზიკური შეურაცხყოფა მიაყენეს და შსს-ში დაკითხვის სკამზე აღმოჩნდნენ, სანდრო ბრეგაძემ თავის დაძვრენა გადაწყვიტა და განაცხადა, რომ პოლიციელებმა მასზე იძალადეს. შსს-მ ამას მტკნარი სიცრუე უწოდა და ბრეგაძე ისევ გამოკითხვაზე დაიბარა, თუმცა მარშის ლიდერი ამ დროს ღუდუშაურის კლინიკაში იყო წამოწოლილი.
ექიმები ამბობდნენ, რომ ბრეგაძემ მათ გულისყრის ჩივილებით მიმართა, რაც გამოკვლევებმა არ დაადასტურა. შეუმოწმეს ნევროლოგიური მდგომარეობა და დამაკმაყოფილებელი აღმოჩნდა, ვერც გარეგანი დაზიანებები იპოვეს, მაგრამ ბრეგაძე ჯიუტად უარს ამბობდა სახლში წასვლაზე და გამოკვლევებს განაგრძობდა. სუბიექტური ჩივილებით თავის დაძვრენის მცდელობებმა საღამომდე გასტანა, თუმცა ბოლოს მას დანებება მოუწია და შსს-ში გამოკითხვაზე მივიდა.
სანამ ბრეგაძე თავს ტყუილი ჩივილებით ირთობდა და მისი თანაგუნდელები კლინიკიდან ფოტოებს ავრცელებდნენ, გასართობი ქართულმა ინტერნეტმაც იპოვა.
2. "საშიში" ცისარტყელა
ქართულ მარშს განსაკუთრებით სასაცილო მდგომარეობაში აგდებს მრავალფეროვნების შიში. აგრესიული ჯგუფები ებრძვიან ფერებს, ცისარტყელას და თავს იხვევენ აზრს, თითქოს ლგბტ თემის სიმბოლოს ხშირად დანახვა შელოცვის ეფექტს იქონიებს და მათ გენდერს "შეუცვლის".
ამ მოტივით ისინი ხან ფერად ფარდებს უცხადებენ ბრძოლას და გაოცებულ მოქალაქეებს მათ ჩამოხსნას აიძულებენ, ხან გაფერადებულ ნაჭრებს წვავენ (რომლებსაც არაფერი აქვს საერთო ლგბტ სიამაყის დროშასთან), ხან კი დრონზე ჩამოკიდებულ დროშას ეპოტინებიან და უმისამართოდ დასდევენ.
ფერადი ნაჭერი, რომელიც ქართულ მარშს ლგბტ სიამაყის დროშა ეგონა და დაწვა
ფოტო: ანა ვახტანგაძე / On.ge
ეს უსაფუძვლო "შიში" მარშს განსაკუთრებით გაუმძაფრდა მაშინ, როცა პარლამენტის მიმდებარე ტერიტორიის ოკუპაცია სცადეს და #სირცხვილიასა და პრაიდის აქტივისტებს აქციის ჩატარების საშუალებას არ აძლევდნენ. იყო დაძაბულობა და მოხდა არაერთი დაპირისპირება, თუმცა სანამ შეკრებილები გულზე მჯიღს იცემდნენ, რომ ლგბტ პრაიდი ვერ ჩატარდებოდა, მათ თავზე ფერადი დროშა დაფრინავდა, ღირსების მარში კი სხვა ლოკაციაზე გაიმართა.
ფოტო: თამუნა გეგიძე / On.ge
მარშმა და სხვა დაჯგუფებებმა არც აქ დააყოვნეს და უფრო სასაცილო მდგომარეობაში აღმოჩნდნენ, როცა ყვითელი სამარშრუტო ტაქსებით სცადეს პრაიდისთვის მისწრება. საბოლოოდ, ისინი პიკაპზე წამოსკუპებულები მივიდნენ შსს-სთან, სადაც მსვლელობა უკვე დასრულებული იყო.
ფოტო: სალომე ჩადუნელი / On.ge
ხელმოცარულები უკან პარლამენტთან დაბრუნდნენ და როცა ტყუილი ყიჟინა მობეზრდათ, ერთმანეთში დაიწყეს კამათი იმაზე, დარჩენილიყვნენ, თუ დაშლილიყვნენ. საბოლოოდ, "დაღლილი" ლიდერები სახლებში წავიდნენ და "ბრძოლა" რამდენიმე ათეულ აქტივისტს გადააბარეს, რომლებიც გვიან ღამით დაიშალნენ.
3. ბაქი-ბუქი და ჩაფლავებული მცდელობა
სასაცილო ნამდვილად არ არის, როცა მარში ძალადობრივი გზებით სხვადასხვა ღონისძიების ჩაშლით იმუქრება. მართალია, ხშირად ეს არ გამოსდით, მაგრამ პროცესს ნამდვილად აფერხებენ. პარალელურად კი, ინტერნეტსაც ახალისებენ. ასე იყო მაშინაც, როცა ეროვნული ნაკრების ვიცე-კაპიტანს, გურამ კაშიას ლგბტ სამკლაურის გამო გამოუცხადეს ომი და ნაკრების მატჩის ჩაშლით დაიმუქრნენ.
მარში ბობოქრობდა, რომ მოედანზე ყველა ბილეთს იყიდდა, ან სექტორებში გადანაწილდებოდა და თამაშს ჩაშლიდა, შსს კი აცხადებდა, რომ რეაგირება ექნებოდა. მარშელები ამტკიცებდნენ, რომ ათასობით შეიკრიბებოდნენ და მოედანთან მისასვლელ გზას ჩაკეტავდნენ, თუმცა მატჩის დღეს დინამოს სტადიონთან რამდენიმე ათეული ადამიანი მივიდა. ჰომოფობიური მოწოდებების გაჟღერების შემდეგ, ისინი მალევე დაიშალნენ, ლიდერები კი ამ დროს დაკითხვაზე აღმოჩნდნენ.
ფოტო: გვანცა ნემსაძე / On.ge
ექსცესების და რამდენიმე დაძაბული მომენტის მიუხედავად, მატჩი ჩატარდა და კაშიას გულშემატკივარმა მხარდაჭერა გამოუცხადა.
4. "... და მათ ნახეს"
ჩაშლით, გაკოჭვით, ქამრებით გატყეპვით და სხვა სახის ძალადობებით იმუქრებოდა მარში მაშინაც, როცა ოსკარზე წარდგენილი ფილმის, And Then We Danced-ის პრემიერა დაიგეგმა. სხვა ძალადობრივ ჯგუფებთან გაერთიანებულები, აქტიურად ამტკიცებდნენ, რომ ფილმში გეი ქორწინება, ქართული ჩოხის შეურაცხყოფა და სცენართან სრულად აცდენილი სხვა სცენებიც იყო, რომელიც მნახველს სექსუალურ ორიენტაციას შეუცვლიდა.
ფოტო: French Quarter Film
სანამ მხარდამჭერებში უსაფუძვლო შიშს თესავდნენ, აღმოჩნდა, რომ თავად სანდრო ბრეგაძეს და სხვა ლიდერებს ფილმი უკვე ნანახი ჰქონდათ. აქ მეტს აღარ გავაგრძელებთ.
5. დასაკოცნი ქვები
და ბოლო, მაგრამ არა მნიშვნელობის მიხედვით — სანდრო ბრეგაძემ დავით გარეჯის ქვები დაკოცნა. თუმცა, მეტი სიზუსტისთვის სჯობს ვთქვათ, რომ ბრეგაძემ ქვების მაგივრად საკუთარ ცერა თითს აკოცა, რის გამოც ფეისბუქზე ივენთიც კი მიუძღვნეს, სადაც მოითხოვდნენ მართლა ქვებისთვის ეკოცნა.
მიუხედავად ამისა, რომ მარში ხშირად ახალისებს ქართულ ინტერნეტს, მათი აგრესიული ქმედებები საშიში და საფრთხილოა, ისევე, როგორც პროპრუსული და ანტიდასავლური ნარატივები, რომელსაც ეს დაჯგუფება ხშირად ავრცელებს.
გაიგეთ მეტი ქართულ მარშზე:
- ბრეგაძეს ჩანაწერში რუსეთის ნდობას ჰპირდებიან, ის საუბარს ადასტურებს, თუმცა დამონტაჟებულს უწოდებს
- მუქარა და დამწვარი ფიტული — ქართული მარშის მორიგი ანტიდასავლური აქცია
- პრორუსული და ჰომოფობიური ქართული მარში პარტიის ყრილობას ილია ჭავჭავაძის მუზეუმში მართავს
- სანდრო ბრეგაძის მხრიდან სახალხო დამცველზე ზემოქმედების საქმეზე შსს-მ გამოძიება დაიწყო
- ათას კაცთან ერთად მოვალ, გამოგიყვანთ, პოლიტიკურ სანაგვეზე მიგიჩენთ ადგილს — ბრეგაძის მუქარა ლომჯარიას
- ულტრანაციონალიზმი — რუსული იარაღი ევროპის წინააღმდეგ
სტატია მოამზადა On.ge-მ აღმოსავლეთ-დასავლეთის მართვის ინსტიტუტის (EWMI) ACCESS-ის პროექტის ფარგლებში. მასალის დამზადება შესაძლებელი გახდა ამერიკელი ხალხის მხარდაჭერის შედეგად ამერიკის შეერთებული შტატების საერთაშორისო განვითარების სააგენტოს (USAID) დაფინანსებით. სტატიის შინაარსზე პასუხისმგებელია On.ge. ის შესაძლოა არ გამოხატავდეს EWMI-ს, USAID-ის ან/და ამერიკის შეერთებული შტატების შეხედულებებს.
თუ გინდა, რომ ნამდვილი და ყალბი ამბები ერთმანეთისგან მარტივად განასხვავო და დეზინფორმაციისგან სხვებიც დაიცვა, შემოგვიერთდი ჯგუფში – ერთად ვებრძოლოთ დეზინფორმაციას.
-
გადახედვააქცია ქართული ოცნების ოფისთან — სანაპირო გადაკეტილია აქცია ქართული ოცნების ოფისთან — სანაპირო გადაკეტილია
-
გადახედვაქართველი სტარტაპერები რუსული კანონის წინააღმდეგ ერთობლივ განცხადებას ავრცელებენ ქართველი სტარტაპერები რუსული კანონის წინააღმდეგ ერთობლივ განცხადებას ავრცელებენ
-
გადახედვასასტუმრო პარაგრაფთან აქციის მონაწილე დააკავეს სასტუმრო პარაგრაფთან აქციის მონაწილე დააკავეს
-
გადახედვაპრეზიდენტმა ე.წ ოფშორების კანონს ვეტო დაადო პრეზიდენტმა ე.წ ოფშორების კანონს ვეტო დაადო
-
გადახედვაკლუბი KHIDI: ვაუქმებთ 3 და 4 მაისის ივენთებს. არა რუსულ კანონს! შევხვდებით რუსთაველზე! კლუბი KHIDI: ვაუქმებთ 3 და 4 მაისის ივენთებს. არა რუსულ კანონს! შევხვდებით რუსთაველზე!
-
გადახედვასაქართველოს რეიტინგი, პრესის თავისუფლების მსოფლიო ინდექსში, 26 ადგილით დაეცა საქართველოს რეიტინგი, პრესის თავისუფლების მსოფლიო ინდექსში, 26 ადგილით დაეცა
-
გადახედვაჟურნალისტური ეთიკის ქარტიის განცხადება კახა კალაძის მიერ, ჟურნალისტის შეურაცხყოფის ფაქტზე ჟურნალისტური ეთიკის ქარტიის განცხადება კახა კალაძის მიერ, ჟურნალისტის შეურაცხყოფის ფაქტზე
-
გადახედვადღეს, კობახიძემ, ამ ქვეყნის ისტორიაში უპრეცედენტო და უდიდესი თავდასხმა განახორციელა აშშ-ზე — გრიგოლ გეგელია დღეს, კობახიძემ, ამ ქვეყნის ისტორიაში უპრეცედენტო და უდიდესი თავდასხმა განახორციელა აშშ-ზე — გრიგოლ გეგელია
-
გადახედვაკობახიძე აშშ-ს "ორ რევოლუციურ მცდელობაში" ადანაშაულებს — რა გავიგეთ მისი და აშშ-ის სახელმწიფო მდივნის მრჩევლის პოსტებიდან X-ზე კობახიძე აშშ-ს "ორ რევოლუციურ მცდელობაში" ადანაშაულებს — რა გავიგეთ მისი და აშშ-ის სახელმწიფო მდივნის მრჩევლის პოსტებიდან X-ზე
-
გადახედვაკალაძე სპორტსმენებზე, რომელმაც ხელისუფლების ძალადობა დაგმეს: "მეც ვუერთდები "არა რუსულ კანონს", ამ სუფთა ქართულ კანონს კი აუცილებლად მივიღებთ" კალაძე სპორტსმენებზე, რომელმაც ხელისუფლების ძალადობა დაგმეს: "მეც ვუერთდები "არა რუსულ კანონს", ამ სუფთა ქართულ კანონს კი აუცილებლად მივიღებთ"
-
გადახედვამინდა, მივმართო ჩვენი ქვეყნის აკრედიტებულ ელჩებს მეგობარ ქვეყნებში... საკითხი ეხება ჩვენი ქვეყნის მომავალს! — მამუკა ხაზარაძე მინდა, მივმართო ჩვენი ქვეყნის აკრედიტებულ ელჩებს მეგობარ ქვეყნებში... საკითხი ეხება ჩვენი ქვეყნის მომავალს! — მამუკა ხაზარაძე
-
გადახედვაპოლიციის უმოქმედობა აქციის მონაწილეებზე ძალადობას ახალისებს — DRI პოლიციის უმოქმედობა აქციის მონაწილეებზე ძალადობას ახალისებს — DRI
-
გადახედვაპარლამენტში 3 და 4 მაისს უსაფრთხოების ყვითელი დონე იმოქმედებს — ვიზიტორებს ეზღუდებათ პარლამენტის სასახლეში შესვლა პარლამენტში 3 და 4 მაისს უსაფრთხოების ყვითელი დონე იმოქმედებს — ვიზიტორებს ეზღუდებათ პარლამენტის სასახლეში შესვლა
-
გადახედვაცირკთან აქციის მონაწილეებს, უცნობი პირები, ფიზიკურად გაუსწორდნენ ცირკთან აქციის მონაწილეებს, უცნობი პირები, ფიზიკურად გაუსწორდნენ
-
გადახედვასაფრანგეთში მცხოვრები ქართველი სტუდენტები რუსული კანონის გაწვევას მოითხოვენ და აქციის მონაწილეებზე ძალადობას გმობენ საფრანგეთში მცხოვრები ქართველი სტუდენტები რუსული კანონის გაწვევას მოითხოვენ და აქციის მონაწილეებზე ძალადობას გმობენ
-
გადახედვაგზის გადაკეტვა შეკრების თავისუფლების ფორმაა — საია გზის გადაკეტვა შეკრების თავისუფლების ფორმაა — საია
-
გადახედვაკობახიძე აშშ-ში მიიწვიეს დათქმით, რომ ვიზიტამდე უნდა შეჩერებულიყო კანონპროექტის განხილვა — საგარეო აშშ-ის ელჩის განცხადებაზე კობახიძე აშშ-ში მიიწვიეს დათქმით, რომ ვიზიტამდე უნდა შეჩერებულიყო კანონპროექტის განხილვა — საგარეო აშშ-ის ელჩის განცხადებაზე
-
-
გადახედვაპოლიციამ გმირთა მოედანზე, რამდენიმე წუთის წინ, სამი ადამიანი დააკავა პოლიციამ გმირთა მოედანზე, რამდენიმე წუთის წინ, სამი ადამიანი დააკავა
-
გადახედვაჩაკვეტაძე: არაფერი არ დგას ჩვენს ხალხზე მაღლა, გაიწვიეთ ეს კანონი ჩაკვეტაძე: არაფერი არ დგას ჩვენს ხალხზე მაღლა, გაიწვიეთ ეს კანონი
-
გადახედვაპოლიცია ცდილობს, გმირთა მოედანზე მოძრაობა გახსნას — სამართალდამცველები აქციის მონაწილეების მიმართ ძალას იყენებენ პოლიცია ცდილობს, გმირთა მოედანზე მოძრაობა გახსნას — სამართალდამცველები აქციის მონაწილეების მიმართ ძალას იყენებენ
კომენტარები