10 ცხოვრებისეული გაკვეთილი ჰარი პოტერიდან, რომელიც ყველა მაგლს გამოადგება
31 ივლისი ჯადოქრებისა და ჯადოქრობით აღტაცებული მაგლების ცხოვრებაში განსაკუთრებული თარიღია — ამ დღეს დაიბადა ბიჭი, რომელიც გადარჩა და ჩვენი ცხოვრება სამუდამოდ შეცვალა.
გამოგონილმა ჯადოსნურმა სამყარომ რეალური ცხოვრების შესახებ ძალიან ბევრი გაკვეთილი მასწავლა. მიუხედავად იმისა, რომ ხშირად ჰარი პოტერი საბავშვო სერიად მიიჩნევა, წლებთან ერთად, ჩემ თვალწინ რამდენჯერმე გაზრდილი ჰარისგან (წიგნების ერთხელ წაკითხვით არ შემოვფარგლულვარ) კიდევ უფრო მეტს ვსწავლობ პრობლემებით სავსე მაგლური ცხოვრების შესახებ.
ეს სტატია ეძღვნება ყველას, ვისაც ერთხელ მაინც უოცნებია, ჰოგვორტსიდან წერილის მიღებაზე
"და შენ,
თუკი
მზადა ხარ,
ჰარისთან
ბოლომდე
დარჩე."
1. ჩვენს პიროვნებას ჩვენი არჩევანი განსაზღვრს
ჰარი პოტერში ისტორიას ბედისწერა კი არა — არჩევანი განსაზღვრავს. მაგალითად, ჰარიმ თავად სთხოვა გამნაწილებელ ქუდს გრიფინდორში მოხვედრა, ვოლდემორმა ნევილსა და ჰარის შორის თავად აირჩია ჰარი და ა.შ.
მთელი სერიის ერთ-ერთი გამორჩეული მომენტი სირიუსისა და ჰარის დიალოგია, რომლის დროსაც სირიუსი ნათლულს არჩევანის მნიშვნელობას უხსნის. მისი თქმით, სამყარო სიკვდილის მხვრელებად და კარგ ადამიანებად არ იყოფა. თითოეულ ჩვენგანს აქვს როგორც კარგი, ისე — ცუდი მხარე. ის, რაც საბოლოოდ ადამიანის პიროვნებას განსაზღვრავს — არჩევანია.
ვფიქრობ, ეს ის გაკვეთილია, რომელიც მაგლურ ცხოვრებაში გვაიძულებს, საკუთარ თავს ვკითხოთ, ვინ გვინდა, რომ ვიყოთ, რის შემდეგაც სწორი გადაწყვეტილების მიღება უფრო მარტივია.
2. ოჯახი ნათესაურ კავშირზე მეტია
მხიარული და მოსიყვარული უისლები, ჰერმიონი და უსაყვარლესი ჰაგრიდი საკმარისი მაგალითია იმისა, რომ ოჯახი ნათესაურ კავშირზე ბევრად მეტია და მისი აღმოჩენა ყველაზე მოულოდნელ დროსა და სიტუაციებში შეგვიძლია. ჰარი პოტერმა კიდევ ერთხელ შეგვახსენა, რომ ადგილს, სადაც თავს დაცულად გრძნობ და ადამიანებს, რომელთაც უანგაროდ უყვარხარ თამამად შეგიძლია ოჯახი უწოდო.
3. მეგობრებისთვის დახმარების თხოვნა სისუსტე არაა
7 წიგნის განმავლობაში ჰარი უამრავი დაბრკოლების წინაშე აღმოჩნდება და თითქმის ყოველთვის ცდილობს, მათ დამოუკიდებლად გაუმკლავდეს. ამის მიუხედავად, ჰარის თითოეული გამარჯვების მიღმა სწორედ მისი მეგობრები დგანან, რომელთა გარეშეც ის ვოლდემორსაც კი ვერ დაამარცხებდა. ჰარი პოტერის სამყარომ ერთგული მეგობრობის ფასის გარდა ისიც გვასწავლა, რომ ხანდახან მარტომ არ უნდა იბრძოლო და მძიმე ტვირთი სხვებსაც გაუნაწილო.
4. არასდროს შეგრცხვეს საკუთარი უნიკალურობის
მახსოვს, სანამ ჰარი პოტერს წავიკითხავდი და ჰერმიონ გრეინჯერს გავიცნობდი, ყოველთვის ვცდილობდი, რომ ჩემი ინტერესები სხვებისთვის დამემალა და ფეხი უმრავლესობის გემოვნებისთვის ამეწყო. ჰერმიონ გრეინჯერი პირველი პერსონაჟი იყო, რომელმაც მასწავლა, რომ გოგოც შეიძლება იყოს ჭკვიანი, მიზანდასახული, ძლიერი, გაბედული და, რაც მთავარია, — გმირი. სხვებს რაც არ უნდა ეთქვათ, ჰერმიონს კითხვების დასმის, საკუთარი ცოდნის წყურვილის, ბიბლიოთეკაში სირბილისა და ელფების უფლებებისთვის ბრძოლის არასდროს ერიდებოდა.
კიდევ ერთი პერსონაჟი, რომელმაც საკუთარი თავის სიყვარული მასწავლა, ლუნაა. ლუნა ლავგუდმა დამარწმუნა, რომ რაც არ უნდა უცნაურად გთვლიდნენ ადამიანები, თუ შენი საქმიანობა და ინტერესები გაბედნიერებს, სხვების აზრი ნაკლებად მნიშვნელოვანია. თითოეული ადამიანი უნიკალურია და ეს უნიკალურობა არავის ხათრით არ უნდა დამალო.
5. ცხოვრება უმძიმესი დანაკარგის შემდეგაც გრძელდება
ისტორია დანაკარგით იწყება — პატარა ჰარი ობლდებდა. ისტორიის განმავლობაში ჰარი კიდევ უამრავ ტკივილსა და დანაკარგს განიცდის, მათ შორის ერთ-ერთი ყველაზე სევდიანი სირიუსის სიკვდილია. როგორც ყველას, ჰარისაც უჭირს ამ თემაზე საუბარი, ტკივილს გაურბის და ემალება, სხვების თანაგრძნობა აღიზიანებს, თუმცა ფენიქსის ორდენის ბოლოს ლუნასგან მნიშვნელოვან გაკვეთილს სწავლობს: ჩვენი საყვარელი ადამიანები არასდროს გვტოვებენ, მათ უბრალოდ ვერ ვხედავთ. ცხოვრება დანაკარგის შემდეგ განსხვავებულად, თუმცა მაინც გრძელდება. მთავარია, გახსოვდეს, რომ მარტო არ ხარ.
6. უსამართლობის წინააღმდეგ ყოველთვის უნდა იბრძოლო — მაშინაც კი, როცა ეს შენ, ერთი შეხედვით, არ გეხება
ერთ-ერთი საუკეთესო გაკვეთილი, რომელიც ჩვენს პრობლემებით სავსე მაგლურ ყოველდღიურობაში გვჭირდება, უსამართლობის წინააღმდეგ ბრძოლის აუცილებლობაა. ჰარი პოტერის გამორჩეული პერსონაჟები კრიტიკული თვალითა და დაუმორჩილებლობით გამოირჩევიან, რისი მშვენიერი მაგალითიც ფენიქსის ორდენი და ჰარის მიერ ჩამოყალიბებული დამბლდორის არმიაა. მაშინაც კი, როდესაც ჰოგვორტსში ძალაუფლებას ხელში დოლორეს ამბრიჯი იგდებს, მოსწავლეები ყველა ღონეს ხმარობენ, რომ ამბრიჯის დიქტატურას წინ აღუდგნენ.
უსამართლობის წინააღმდეგ ბრძოლის კიდევ ერთი კარგი მაგალითი ჰერმიონია, რომელმაც ცეცხლოვან თასში ელფების მონობის შესახებ გაიგო და მიუხედავად იმისა, რომ მისი იდეა ბევრს სასაცილოდაც არ ჰყოფნიდა, ელფების უფლების დასაცავად თავისებური გზებითა და ხერხებით იბრძოდა. ეს მაშინ, როცა ელფების გასაჭირი თავად ჰერმიონს არაფერს ვნებდა.
7. იბრძოლე შენი ოცნებებისთვის
ზრდასრული მაგლებისთვის ოცნებებზე უარის თქმა და ყოველდღიური ცხოვრების დინებისთვის მორჩილად მიყოლა, სამწუხაროდ, უცხო არაა. ამ საკითხზე რჩევა ფრედ და ჯორჯ უისლებს უნდა ვკითხოთ. ერთი შეხედვით, უისლების ოინების მაღაზია წიგნში თითქოს მხოლოდ გასართობად გვხვდება, თუმცა ვფიქრობ, ყველაზე მნიშვნელოვანი რამ, რაც ტყუპებისგან უნდა ვისწავლოთ, ჩვენი ოცნებების დაფასება და მათთვის ბრძოლაა. მიუხედავად სხვების კომენტარებისა და ეჭვებისა, ფრედსა და ჯორჯს საკუთარი ოცნებისთვის ზურგი არასდროს უქცევიათ და ოინების მაღაზიის გახსნა მაინც მოახერხეს.
8. ოცნებებში გადასახლება და რეალობაზე უარის თქმა გამოსავალი არაა
ოცნებების ახდენაზე საუბრისას ისიც უნდა გვახსოვდეს, რომ ფუჭ ნატვრას აყოლა და რეალობაზე უარის თქმა პრობლემების გადაჭრის გზა ნამდვილად არაა. ამის მშვენიერი მაგალითი მაგიური ნივთი — სილივრუს სარკეა, რომელიც ოცნებებში ცხოვრების საშუალებას გაძლევს. სილივრუს სარკის წინ ჰარი საათებს ატარებდა გარდაცვლილ მშობლებთან ერთად და რეალობისთვის თვალის გასწორება თანდათანობით უფრო უჭირდა. სილივრუს სარკემ გვასწავლა, რომ მიღწევადი ოცნებებისთვის უნდა იბრძოლო, ფუჭ ნატვრას კი რეალობისგან გასაქცევად არასდროს უნდა მიმართო.
9. არასდროს დაკარგო მომავლის იმედი
თუ დამბლდორს დავუჯერებთ (და უნდა დავუჯეროთ კიდეც), ბედნიერება ყველაზე შავბნელ დროებაშიც შეიძლება იპოვო — მთავარია, შუქის ანთება არ დაგავიწყდეს. მიუხედავად იმისა, რომ ისტორიის განმავლობაში ჰარი და მისი მეგობრები გამოუვალ სიტუაციებში ხშირად აღმოჩენილან, ერთმანეთს ყოველთვის აძლევდნენ იმედს, რომ მათი ქმედებებით სამყაროს უკეთესობისკენ შეცვლიდნენ. სანამ არსებობენ ადამიანები, რომელთაც ჩვენთვის და ჩვენ მაგივრად შუქის ანთება არ ეზარებათ, იმედი არ უნდა დავკარგოთ.
10. სიყვარული ყველაზე ძლიერი მაგიაა
მიუხედავად უამრავი საოცარი შელოცვისა, ჰარი პოტერში ყველაზე ძლიერი მაგია სიყვარულია. სიყვარულმა ჰარი უამრავჯერ გადაარჩინა: მშობლებმა ჰარისთვის თავი გასწირეს, დედის სიყვარულმა ფილოსოფიურ ქვაში ჰარის სიცოცხლე იხსნა, სევერუს სნეიპის ლილისადმი სიყვარული უამრავჯერ დაეხმარა, მეგობრების სიყვარულმა ოჯახი აპოვნინა, საბოლოოდ კი ვოლდემორის დამარცხების ძალაც მისცა. ეს მაგალითები საკმარისია იმისათვის, რომ დამბლდორის ცნობილ ფრაზას დავეთანხმოთ: "მკვდრები ნუ გეცოდება, ჰარი. ცოცხლები შეიცოდე, ყველაზე მეტად კი ისინი, ვინც უსიყვარულოდ ცხოვრობს".
ამავე თემაზე:
-
გადახედვაო'ბრაიენი: თუ საქართველოს ხელისუფლება ე.წ. რუსულ კანონს მიიღებს, ვითარება ჩვენთვის ნათელი გახდება [ინტერვიუ] ო'ბრაიენი: თუ საქართველოს ხელისუფლება ე.წ. რუსულ კანონს მიიღებს, ვითარება ჩვენთვის ნათელი გახდება [ინტერვიუ]
-
გადახედვამიუხედავად დაპირისპირებისა და რთული ვითარებისა, უნდა გვაერთიანებდეს სამშობლოს სიყვარული და შეგვეძლოს მშვიდობიანი თანაცხოვრება — ეპისტოლედან მიუხედავად დაპირისპირებისა და რთული ვითარებისა, უნდა გვაერთიანებდეს სამშობლოს სიყვარული და შეგვეძლოს მშვიდობიანი თანაცხოვრება — ეპისტოლედან
-
გადახედვარუსეთმა ვოლოდიმირ ზელენსკი ძებნილად გამოაცხადა რუსეთმა ვოლოდიმირ ზელენსკი ძებნილად გამოაცხადა
-
გადახედვასალომე ზურაბიშვილი ელჩებს: დაძაბულ ვითარებაში ვართ... ჩემი თხოვნაა, განხორციელდეს მაღალი დონის ვიზიტები მაისის ბოლომდე სალომე ზურაბიშვილი ელჩებს: დაძაბულ ვითარებაში ვართ... ჩემი თხოვნაა, განხორციელდეს მაღალი დონის ვიზიტები მაისის ბოლომდე
-
გადახედვააზერბაიჯანში დაკავებულ მედია ადვოკატს და ტელეკომპანიის დამფუძნებელს, არ აძლევენ საშუალებას, სასწრაფო ბიოფსია ჩაიტაროს აზერბაიჯანში დაკავებულ მედია ადვოკატს და ტელეკომპანიის დამფუძნებელს, არ აძლევენ საშუალებას, სასწრაფო ბიოფსია ჩაიტაროს
-
გადახედვადერეკ შოლე: მრავალწლიანი პარტნიორობის შემდეგ, ვწუხვართ, რომ საქართველოს ევროატლანტიკური მისწრაფებები სასწორზე დევს დერეკ შოლე: მრავალწლიანი პარტნიორობის შემდეგ, ვწუხვართ, რომ საქართველოს ევროატლანტიკური მისწრაფებები სასწორზე დევს
-
გადახედვააქცია ქართული ოცნების ოფისთან — სანაპირო გადაკეტილია აქცია ქართული ოცნების ოფისთან — სანაპირო გადაკეტილია
-
გადახედვაქართველი სტარტაპერები რუსული კანონის წინააღმდეგ ერთობლივ განცხადებას ავრცელებენ ქართველი სტარტაპერები რუსული კანონის წინააღმდეგ ერთობლივ განცხადებას ავრცელებენ
-
გადახედვასასტუმრო პარაგრაფთან აქციის მონაწილე დააკავეს სასტუმრო პარაგრაფთან აქციის მონაწილე დააკავეს
-
გადახედვაპრეზიდენტმა ე.წ ოფშორების კანონს ვეტო დაადო პრეზიდენტმა ე.წ ოფშორების კანონს ვეტო დაადო
-
გადახედვაკლუბი KHIDI: ვაუქმებთ 3 და 4 მაისის ივენთებს. არა რუსულ კანონს! შევხვდებით რუსთაველზე! კლუბი KHIDI: ვაუქმებთ 3 და 4 მაისის ივენთებს. არა რუსულ კანონს! შევხვდებით რუსთაველზე!
-
გადახედვაჟურნალისტური ეთიკის ქარტიის განცხადება კახა კალაძის მიერ, ჟურნალისტის შეურაცხყოფის ფაქტზე ჟურნალისტური ეთიკის ქარტიის განცხადება კახა კალაძის მიერ, ჟურნალისტის შეურაცხყოფის ფაქტზე
-
გადახედვადღეს, კობახიძემ, ამ ქვეყნის ისტორიაში უპრეცედენტო და უდიდესი თავდასხმა განახორციელა აშშ-ზე — გრიგოლ გეგელია დღეს, კობახიძემ, ამ ქვეყნის ისტორიაში უპრეცედენტო და უდიდესი თავდასხმა განახორციელა აშშ-ზე — გრიგოლ გეგელია
-
გადახედვარა უნდა ვიცოდეთ დღევანდელ პროტესტზე, რომელიც 18:30-ზე დაიწყება სასტუმრო პარაგრაფთან, თავისუფლების მოედანზე რა უნდა ვიცოდეთ დღევანდელ პროტესტზე, რომელიც 18:30-ზე დაიწყება სასტუმრო პარაგრაფთან, თავისუფლების მოედანზე
-
გადახედვაკობახიძე აშშ-ს "ორ რევოლუციურ მცდელობაში" ადანაშაულებს — რა გავიგეთ მისი და აშშ-ის სახელმწიფო მდივნის მრჩევლის პოსტებიდან X-ზე კობახიძე აშშ-ს "ორ რევოლუციურ მცდელობაში" ადანაშაულებს — რა გავიგეთ მისი და აშშ-ის სახელმწიფო მდივნის მრჩევლის პოსტებიდან X-ზე
-
გადახედვაკალაძე სპორტსმენებზე, რომელმაც ხელისუფლების ძალადობა დაგმეს: "მეც ვუერთდები "არა რუსულ კანონს", ამ სუფთა ქართულ კანონს კი აუცილებლად მივიღებთ" კალაძე სპორტსმენებზე, რომელმაც ხელისუფლების ძალადობა დაგმეს: "მეც ვუერთდები "არა რუსულ კანონს", ამ სუფთა ქართულ კანონს კი აუცილებლად მივიღებთ"
-
გადახედვამინდა, მივმართო ჩვენი ქვეყნის აკრედიტებულ ელჩებს მეგობარ ქვეყნებში... საკითხი ეხება ჩვენი ქვეყნის მომავალს! — მამუკა ხაზარაძე მინდა, მივმართო ჩვენი ქვეყნის აკრედიტებულ ელჩებს მეგობარ ქვეყნებში... საკითხი ეხება ჩვენი ქვეყნის მომავალს! — მამუკა ხაზარაძე
-
გადახედვაპოლიციის უმოქმედობა აქციის მონაწილეებზე ძალადობას ახალისებს — DRI პოლიციის უმოქმედობა აქციის მონაწილეებზე ძალადობას ახალისებს — DRI
-
გადახედვა11 მაისს, ევროპის დღეს, რუსული კანონის საწინააღმდეგო მანიფესტაცია დაანონსდა 11 მაისს, ევროპის დღეს, რუსული კანონის საწინააღმდეგო მანიფესტაცია დაანონსდა
-
გადახედვაცირკთან აქციის მონაწილეებს, უცნობი პირები, ფიზიკურად გაუსწორდნენ ცირკთან აქციის მონაწილეებს, უცნობი პირები, ფიზიკურად გაუსწორდნენ
-
გადახედვასაფრანგეთში მცხოვრები ქართველი სტუდენტები რუსული კანონის გაწვევას მოითხოვენ და აქციის მონაწილეებზე ძალადობას გმობენ საფრანგეთში მცხოვრები ქართველი სტუდენტები რუსული კანონის გაწვევას მოითხოვენ და აქციის მონაწილეებზე ძალადობას გმობენ
კომენტარები