ლუკაშენკოს მხარდამჭერი ბენდის ევროვიზიაზე გაგზავნას ფანების პროტესტი მოჰყვა
ევროვიზია 2021-ის გარშემო შექმნილი ხმაური კვიპროსის შემდეგ ბელარუსით გრძელდება.
9 მარტს ბელარუსის საზოგადოებრივმა მაუწყებელმა, BTRC-მა, ევროვიზიის წლევანდელ კონკურსზე ქვეყნის წარმომადგენლად ჯგუფი Galasy ZMesta დაასახელა. ბენდმა როტერდამში დაგეგმილ სიმღერის კონკურსზე სიმღერა Ya Nauchu Tebya ("მე შენ გასწავლი") უნდა შეასრულოს. მიუხედავად ამისა, ინტერნეტსივრცეში ბენდის და ამ სიმღერის საერთაშორისო მუსიკალურ ფესტივალზე წარდგენას კონკურსის ფანებისგან პროტესტი მოჰყვა.
ბენდი მათი პოლიტიკური პოზიციის გამო გააკრიტიკეს, რომელიც, ევროვიზიის მიმომხილველი მედიაგამოცემების თქმით, სიმღერაშიც აისახა. Galasy ZMesta-ს წევრი მუსიკოსები ათი წლის წინ შეიკრიბნენ, თუმცა, ახალი პროექტი 2020 წლის აგვისტოში დაიწყეს, როცა ბელარუსში საპროტესტო აქციები მიმდინარეობდა.
ახალი პროექტის ფარგლებში შექმნილი სიმღერები სარკასტულია. Deutsche Welle-ს ცნობით, კომპოზიციების ტექსტები "პირდაპირ ან ირიბად აკრიტიკებს ბელარუსის ხელისუფლების ოპონენტებს, მათ შორის სვეტლანა ტიხანოვსკაიას და ოპოზიციის სხვა ლიდერებს. სარკაზმნარევი კრიტიკა ეხება საპროტესტო მოძრაობასა და აქციებს, ევროპის უნივერსიტეტებში სასწავლებლად მიმავალ სტუდენტებს და პოლიტიკური პატიმრების მხარდაჭერასაც".
აღსანიშნავია, რომ საკუთარ პოლიტიკურ ორიენტაციას მუსიკალური ჯგუფი ოფიციალურადაც იცავს. ბენდის იუთუბარხზე აღნიშნულია, რომ "შეუძლებელია, ინდიფერენტულად განეწყონ, მაშინ, როცა ქვეყანას, რომელიც უყვართ და რომელშიც ცხოვრობენ, სხვები ანადგურებენ".
ბენდის მონაწილეობა ამ სიმღერით რომ ევროვიზიის წესებს არღვევს, კონკურსის მიმომხილველმა ვებგამოცემებმა ევროპის მაუწყებელთა კავშირს შეახსენეს, რომელიც მუსიკალური ფესტივალის ორგანიზატორია.
განახლება: სტატია გამოქვეყნდა მაუწყებელთა კავშირის ოფიციალურ განცხადებამდე სამი საათით ადრე. როგორც ბოლო ინფორმაციით გახდა ცნობილი, ორგანიზატორებმა ბელარუსის საზოგადოებრივ მაუწყებელს მისწერეს და სთხოვეს, შესაბამისი ღონისძიებები მიეღოთ: შეცვალონ უკვე არსებული სიმღერა, ან აირჩიონ ახალი. წინააღმდეგ შემთხვევაში, ქვეყანა, შესაძლოა, წლევანდელ კონკურსს გამოეთიშოს. მაუწყებელთა კავშირის თქმით, სიმღერა, იმ ფორმით, რომლითაც ახლა არსებობს კითხვის ნიშნის ქვეშ აყენებს ევროვიზიის არაპოლიტიკურობას. საკონკურსო სიმღერის ვიდეო წაშლილია ევროვიზიის ოფიციალური იუთუბარხიდანაც.
ერთ-ერთმა ყველაზე ცნობილმა ევროვიზიის მიმომხილველმა გამოცემამ, Eurovoix-მა, ოფიციალურ განცხადებაში აღნიშნა, რომ, თუმცაღა მათი, როგორც ჟურნალისტების ვალდებულება ბელარუსის კონკურსზე მონაწილეობის გაშუქებაა, ისინი უარს ამბობენ ამის გაკეთებაზე, მანამ, სანამ მაუწყებელთა კავშირი შესაბამის ზომებს არ მიიღებს.
"ბელარუსი ხალხი არ იმსახურებს ისეთი სიმღერით წარდგენას, რომელიც მათ ძალადობრივი დიქტატურის 'დაკრულზე ცეკვისკენ' მოუწოდებს", — წერია მედიაგამოცემის განცხადებაში, — "ასევე დაუშვებელია, ქვეყნის სახელით იმღეროს ტრანსფობიურმა ჯგუფმა, რომელიც უკანონო პრეზიდენტს მხარს უჭერს".
პროტესტს გამოეხმაურა ევროვიზიის კიდევ ერთი მიმომხილველი ვებგამოცემა, Escxtra და მაუწყებელთა კავშირს წესების აღსრულებისკენ მოუწოდა.
"რადგან საკონკურსო სიმღერის ტექსტი იდიომატური მინიშნებაა ქვეყანაში არსებულ პოლიტიკურ კრიზისზე, პროტესტსა და 2020 წლის გაყალბებულ არჩევნებზე, ჩვენ გვჯერა, რომ ევროპის მაუწყებელთა კავშირმა დისკვალიფიკაცია უნდა მისცეს ბელარუსს წლევანდელ ევროვიზიაზე, ზუსტად ისე, როგორც ეს საქართველოს შემთხვევაში მოხდა 2009 წელს", — აღნიშნულია განცხადებაში.
"საქართველოს შემთხვევაში" 2009 წელს, ქართველი კონკურსანტების — სტეფანე და 3G-ის — მონაწილეობა იგულისხმება, რომელსაც მოსკოვში გასამართავ ევროვიზიაზე სიმღერა We don't wanna put in უნდა შეესრულებინა. მაშინ საქართველოს დისკვალიფიკაცია არ მიუღია — მაუწყებელთა კავშირმა საქართველოს საზოგადოებრივ მაუწყებელს სიმღერის ტექსტის შეცვლა სთხოვა, რადგან მისამღერში გაჟღერებული ფრაზა რუსეთის მაშინდელი პრემიერმინისტრის, ვლადიმერ პუტინის გვარს ჰგავდა. საქართველომ ამ შეთავაზებაზე უარით უპასუხა და კონკურსი დატოვა.
მედიაგამოცემების პოზიციას, როგორც ჩანს, ევროვიზიის ფანების უმეტესობაც იზიარებს. კონკურსის იუთუბარხზე განთავსებულ ვიდეოს წაშლამდე 46 ათასი "დისლაიქი" ჰქონდა, 7 ათასამდე "მოწონების" საპირწონედ. ქვეყანა ბოლო ადგილს იკავებს ფანების აპლიკაციის რეიტინგშიც.
რიგით 65-ე ევროვიზიის სიმღერის კონკურსი წელს 18, 20 და 22 მაისს, როტერდამში გაიმართება.
ყოველწლიურ მასშტაბურ მუსიკალურ შეჯიბრებაში, რომელსაც 180 მილიონი მაყურებელი ადევნებს თვალს, წელს 40 ქვეყანა მიიღებს მონაწილეობას. მათ შორისაა საქართველოც. ჩვენს ქვეყანას კონკურსზე თორნიკე ყიფიანი წარადგენს, საკუთარი სიმღერით You.
სიმღერისა და მასზე შექმნილი ვიდეოკლიპის პრემიერა მარტის შუა რიცხვებშია დაგეგმილი, თუმცა, კომპოზიციის თიზერის მოსმენა უკვე შეგიძლიათ იუთუბზე.
-
გადახედვაროგორ მოქმედებს მხატვრული ლიტერატურის კითხვა ტვინზე როგორ მოქმედებს მხატვრული ლიტერატურის კითხვა ტვინზე
-
გადახედვააზერბაიჯანელი ოპოზიციონერი, სავარაუდოდ, მისმა თანამშრომელმა მოკლა აზერბაიჯანელი ოპოზიციონერი, სავარაუდოდ, მისმა თანამშრომელმა მოკლა
-
გადახედვამეცნიერების თქმით, ხელით წერა სწავლის უნარებს აუმჯობესებს მეცნიერების თქმით, ხელით წერა სწავლის უნარებს აუმჯობესებს
-
გადახედვარა ვიცით კობახიძის ვიზიტზე თურქეთში, სადაც ის ხუთ მინისტრთან და კიდევ ორ მაღალჩინოსანთან ერთად ჩავიდა რა ვიცით კობახიძის ვიზიტზე თურქეთში, სადაც ის ხუთ მინისტრთან და კიდევ ორ მაღალჩინოსანთან ერთად ჩავიდა
-
გადახედვაბოლო 50 000 წელთან შედარებით, ნახშირორჟანგის დონე ახლა ყველაზე სწრაფად იმატებს ბოლო 50 000 წელთან შედარებით, ნახშირორჟანგის დონე ახლა ყველაზე სწრაფად იმატებს
-
გადახედვა17 მაისს დაგეგმილი მსვლელობის გამო, გარკვეულ ქუჩებზე შეზღუდვები დაწესდება — დეტალები 17 მაისს დაგეგმილი მსვლელობის გამო, გარკვეულ ქუჩებზე შეზღუდვები დაწესდება — დეტალები
-
გადახედვარუსულ კანონზე კრიტიკული კომენტარის გამო, POST TV-ის თანამშრომელი გაათავისუფლეს რუსულ კანონზე კრიტიკული კომენტარის გამო, POST TV-ის თანამშრომელი გაათავისუფლეს
-
გადახედვასპორტული ჟურნალისტების განცხადება: ვგმობთ რუსული კანონის მიღებით, ქვეყნის საგარეო კურსის შეცვლას სპორტული ჟურნალისტების განცხადება: ვგმობთ რუსული კანონის მიღებით, ქვეყნის საგარეო კურსის შეცვლას
-
გადახედვააჭარის საკრებულოს ერთიანი ნაციონალური მოძრაობის წევრები ბოიკოტის რეჟიმზე გადადიან აჭარის საკრებულოს ერთიანი ნაციონალური მოძრაობის წევრები ბოიკოტის რეჟიმზე გადადიან
-
გადახედვაანა სუბელიანის მამაზე თავდასხმის ფაქტზე, ერთ პირს ბრალდება წარედგინა ანა სუბელიანის მამაზე თავდასხმის ფაქტზე, ერთ პირს ბრალდება წარედგინა
-
გადახედვაგოჩა სურგულაძემ, ბსუ-ს ადმინისტრაციის თანამშრომელმა, სამსახური დატოვა გოჩა სურგულაძემ, ბსუ-ს ადმინისტრაციის თანამშრომელმა, სამსახური დატოვა
-
გადახედვაივანიშვილის ცოლი: გვერდში ვუდგავარ ჩემს მეუღლეს და აბსოლუტურად ვიზიარებ მის შეხედულებებს ივანიშვილის ცოლი: გვერდში ვუდგავარ ჩემს მეუღლეს და აბსოლუტურად ვიზიარებ მის შეხედულებებს
-
გადახედვატვინის ახალი ჩიპი ფიქრებს მაღალი სიზუსტით შიფრავს და სიტყვებად აქცევს ტვინის ახალი ჩიპი ფიქრებს მაღალი სიზუსტით შიფრავს და სიტყვებად აქცევს
-
გადახედვასაქართველოს ეროვნული პლატფორმა მე-10 მოწვევის პარლამენტთან თანამშრომლობის მემორანდუმს საბოლოოდ წყვეტს საქართველოს ეროვნული პლატფორმა მე-10 მოწვევის პარლამენტთან თანამშრომლობის მემორანდუმს საბოლოოდ წყვეტს
-
გადახედვაირაკლი ფავლენიშვილი: მინისტრების მოსვლა აქციაზე არის გაგრძელება მხარდაჭერის, რომელსაც გრძნობს ქართველი ხალხი დასავლური ინტეგრაციის გზაზე ირაკლი ფავლენიშვილი: მინისტრების მოსვლა აქციაზე არის გაგრძელება მხარდაჭერის, რომელსაც გრძნობს ქართველი ხალხი დასავლური ინტეგრაციის გზაზე
-
გადახედვა120 ორგანიზაცია: პუტინის წესების დამკვიდრების ეს მცდელობა ღალატია ყველასი, ვინც 200 წელზე მეტია, გარუსების წინააღმდეგ იბრძოდა და იბრძვის 120 ორგანიზაცია: პუტინის წესების დამკვიდრების ეს მცდელობა ღალატია ყველასი, ვინც 200 წელზე მეტია, გარუსების წინააღმდეგ იბრძოდა და იბრძვის
-
გადახედვასტუ-ს რექტორი: არ არის ეს რუსული კანონპროექტი, მე ესე ვთვლი. სტუდენტების გაფიცვას არ შევუწყობ ხელს სტუ-ს რექტორი: არ არის ეს რუსული კანონპროექტი, მე ესე ვთვლი. სტუდენტების გაფიცვას არ შევუწყობ ხელს
-
გადახედვაHBO Max დიუნის სამყაროს შესახებ სერიალს უშვებს — ნახე ტრეილერი HBO Max დიუნის სამყაროს შესახებ სერიალს უშვებს — ნახე ტრეილერი
-
გადახედვაპაპუაშვილი მინისტრებზე: რუსეთმა, თავის ყველაზე მწვავე ოპონენტებს, მსოფლმხედველობის ნაწილი გადასდო პაპუაშვილი მინისტრებზე: რუსეთმა, თავის ყველაზე მწვავე ოპონენტებს, მსოფლმხედველობის ნაწილი გადასდო
-
გადახედვაშსს-მ რუსული კანონის მოწინააღმდეგე კიდევ 2 პირი დააკავა და აცხადებს, რომ მათ 6 წლამდე ვადით პატიმრობა ემუქრებათ შსს-მ რუსული კანონის მოწინააღმდეგე კიდევ 2 პირი დააკავა და აცხადებს, რომ მათ 6 წლამდე ვადით პატიმრობა ემუქრებათ
-
გადახედვა17 მაისი დასვენების დღედ გამოცხადდა 17 მაისი დასვენების დღედ გამოცხადდა
კომენტარები