ნეტფლიქსმა ცოტა ხნის წინ სერიალ ბანქოს სახლის ახალი პრომო პოსტერი გაავრცელა, სადაც კევინ სპეისის პერსონაჟი ამოშალეს. ახალ ფოტოზე კი მხოლოდ რობინ რაითის პერსონაჟი, კლერ ანდერვუდია გამოსახული.

შეგახსენებთ, რომ მსახიობმა და მუსიკოსმა ენტონი რეპმა კევინ სპეისის სექსუალურ შევიწროებაში დასდო ბრალი. მსახიობის თქმით, ეს შემთხვევა 1986 წელს მოხდა, როცა ის 14, ხოლო კევინ სპეისი კი 26 წლის იყო. ბრალდების შემდეგ ოსკაროსანმა მსახიობმა თავის ტვიტერზე დაწერა, რომ ამ შემთხვევის შესახებ არაფერი ახსოვს, თუმცა ბოდიში მაინც მოიხადა. ამავე განცხადებაში სპეისმა ქამინგ აუთი გააკეთა და თქვა, რომ გეია.

ამ ამბის შემდეგ, საერთაშორისო სატელევიზიო აკადემიამ ოფიციალური განცხადება გაავრცელა, სადაც ამბობდნენ, რომ დაგეგმილი ღონისძიება, რომელზეც კევინ სპეისის საპატიო ემის გადასცემდნენ, აღარ გაიმართება.

გუშინ კი სპეისის პრეს-აგენტმა New York Times-ს მისწერა, "კევინ სპეისის სჭირდება დრო სიტუაციის შესაფასებლად და სამკურნალოდ. ამ ეტაპზე სხვა ინფორმაცია ხელმისაწვდომი არ არის."

ცნობილი გახდა ისიც, რომ კევინ სპეისი სექსუალურ შევიწროებაში House of Cards-ის რვა თანამშრომელმა და ორმა სხვა პირმა დაადანაშაულა. მას დაუხურეს სალექციო კურსი, მიატოვა აგენტმა და CAA-დანავ გამოუშვეს.

გაიგეთ მეტი: კევინ სპეისის საქმე