რუსთავი 2-ის გენერალური დირექტორის მოადგილესა და კურიერის წამყვანს, ზაალ უდუმაშვილს ნაციონალური მოძრაობა თბილისის მერობის კანდიდატად განიხილავს. ამის შესახებ On.ge-ს ნაციონალური მოძრაობის პოლიტსაბჭოს წევრმა, ზაზა ბიბილაშვილმა განუცხადა.

"მსჯელობა, რა თქმა უნდა, მიმდინარეობდა, მაგრამ არამხოლოდ მასზე [ზაალ უდუმაშვილი]. ოფიციალურად თქვენთვის რამდენიმე დღეში გახდება ცნობილი, ვინ იქნება ჩვენი კანდიდატი," - აღნიშნა ბიბილაშვილმა.

On.ge-მ ინფორმაციის გადამოწმება სცადა უდუმაშვილთან. მან სატელეფონო ზარებს არ უპასუხა.

ზაალ უდუმაშვილი წლებია რუსთავი 2-ის მთავრი საინფორმაციო გამშვების წამყვანია. ბოლო რამდენიმე წელია კი წამყვანობის პარალელურად გენერალური დირექტორის მოადგილეა.

უდუმაშვილის მერობის კანდიდატობის შესახებ ინფორმაცია დღეს რამდენიმე მედიასაშუალებამ გაავრცელა.