ჟურნალი ლიბერალის ინფორმაციით, თბილისის საქალაქო სასამართლომ, 14 ოქტომბერს, ტრანსგენდერ ქალზე თავდასხმისთვის, მის განზრახ მკვლელობის მცდელობაში ბრალდებულს წინასწარი პატიმრობა შეუფარდა.

ლიბერალის ცნობით, მოსამართლემ ბრალდებულ გიორგი მურჯიკნელის ქცევა "საზოგადოებისთვის მომატებულ საფრთხედ" შეაფასა და მისი იზოლირება მიიჩნია საჭიროდ.

საუბარია 14 ოქტომბერს მომხდარ ინციდენტზე, როდესაც ორთაჭალაში ტრანსგენდერ ქალს ყელი გამოჭრეს. დაზიანებები დაზარალებულს ცივი იარაღითა და ბლაგვი საგნით აქვს მიყენებული. იგი ამ დროისთვის მძიმე მდგომარეობაშია.

16 ოქტომბერს, შსს-მ ტრანსგენდერი ქალის მკვლელობის მცდელობაში ბრალდებული დააკავა.