იურიდიულ საკითხთა კომიტეტმა ეკა ბესელიასა და კიდევ 8 დეპუტატის კანონპროექტს მოსამართლეების უვადოდ დანიშვნის დროებით შეჩერებაზე მხარი არ დაუჭირა. კანონპროექტის განხილვა კომიტეტზე დაახლოებით ხუთი საათის განმავლობაში სიტყვიერი დაპირისპირებისა და ხმაურის ფონზე მიმდინარეობდა.

მიუხედავად იმისა, რომ კანონპროექტი იურიდიულ საკითხთა კომიტეტის სხდომაზე ჩავარდა, მას ხვალ, 19 თებერვლის პლენარულ სხდომაზე მაინც განიხილავენ.

კანონპროექტის მიხედვით, რაიონულ და სააპელაციო სასამართლოებში მოსამართლეთა უვადოდ გამწესება 2024 წლის 31 დეკემბრამდე უნდა შეჩერდეს.

პროექტის ავტორებმა საკითხის დაჩქარებულ ვადებში განხილვა ბიუროს სხდომაზე მოითხოვეს.