სკარლეტ იოჰანსონი ფორბსის ყველაზე მაღალანაზღაურებად მსახიობ ქალთა სიაში $56 მილიონით ლიდერობს.

ამ თანხის ძალიან დიდი ნაწილი მარველისგან მიღებული ფულია. Avengers: Endgame-დან ბლექ ვიდოუს შემსრულებელმა $35 მილიონი მიიღო, ფილმმა კი მსოფლიოს მასშტაბით $2,8 მილიარდი მოაგროვა. ამ თანხას კი პერსონაჟზე სოლო ფილმის ჰონორარიც უნდა დავუმატოთ, რომელიც ჯერ ეკრანებზე არ გამოსულა.

სკარლეტ იოჰანსონს სიაში ახალწვეულები ელიზაბეტ მოსი და მარგო რობიც შეუერთდნენ, ასევე სიას დაუბრუნდნენ ძველი წევრები, სოფია ვერგარა და რიზ უიზერსპუნი. ჯამში მსოფლიოს ათმა ყველაზე მაღალანაზღაურებადმა ქალმა მსახიობმა 2018 წლის 1 ივნისიდან 2019 წლის 1 ივნისამდე $314,6 მილიონი გამოიმუშავა. ამ ჯამურ თანხაში საშემოსავლო გადასახადები გათვალისწინებული არ არის.

მსოფლიოს ყველაზე მაღალანაზღაურებადი მსახიობი ქალების ათეული კი ასე გამოიყურება:

  • სკარლეტ იოჰანსონი - $56 მილიონი
  • სოფია ვერგარა - $44,1 მილიონი
  • რიზ ვიზერსპუნი - 35 მილიონი
  • ნიკოლ კიდმანი - 34 მილიონი
  • ჯენიფერ ენისტონი - 28 მილიონი
  • კელი კუოკო - 25 მილიონი
  • ელიზაბეტ მოსი - $24 მილიონი
  • მარგო რობი - $23,5 მილიონი
  • შარლიზ სტერონი - $23 მილიონი
  • ელენ პომპეო - $22 მილიონი

შეგახსენებთ, რომ სკარლეტ იოჰანსონი ყველაზე მაღალ ანაზღაურებად ქალ მსახიობებში შარშანაც ლიდერობდა.