კემნიცის ტექნოლოგიური უნივერსიტეტის მეცნიერებმა შექმნეს მსოფლიოში ყველაზე პატარა ბატარეა —მოწყობილობა, რომელიც შეიძლება გამოიყენონ ადამიანის სხეულში მცირე სენსორების გასაძლიერებლად. კვლევა Advanced Energy Materials-ში გამოქვეყნდა.

მკვლევრებმა პოლიმერების, მეტალისა და დიელექტრიკული მასალებისგან დამზადებული დენის კოლექტორები და ელექტროდების ზოლები წყლის ზედაპირზე მოათავსეს. მათ მიღებული მოწყობილობა აღწერეს, როგორც "თვითდახვეული ცილინდრიანი მიკრო-ბატარეა".

მტვრის ნაწილაკივით პატარა ბატარეა

მიკრო-ბატარეა დაახლოებით მტვრის ნაწილაკის ზომისაა — ერთი კვადრატული მილიმეტრის სიგანე — და აქვს მინიმალური ენერგიის სიმკვრივე 100 მიკროვატი კვადრატულ სანტიმეტრზე.

"ამ ტექნოლოგიას განვიტარების უდიდესი პოტენციალი აქვს და ჩვენ კიდევ უფრო მძლავ მიკრო-ბატარეებს უნდა ველოდოთ", — თქვა კვლევის ხელმძღვანელმა ოლივერ შმიდტმა.

ახალი მოწყობილობის მხარდამჭერი გუნდი ამბობს, რომ მათ ქმნილებას საბოლოოდ ადამიანის სხეულში ბიოსენსორების პატარა ჩიპებში გამოიყენებენ. ამასთან, ისინი აცხადებენ, რომ მიკრო-ბატარეას შეუძლია მსოფლიოს ყველაზე პატარა კომპიუტერის ჩიპებს ენერგია დაახლოებით 10 საათის განმავლობაში მიაწოდოს. ეს ბევრ ახალ შესაძლებლობას გააჩენს, მათ შორის ბიოსენსორულ მოწყობილობებში.