ორეგონის სახელმწიფო უნივერსიტეტის (OSU) მეცნიერებმა შეიმუშავეს ვაქცინა, რომელიც დაიცავს მზისგან გამოწვეული კანის კიბოსგან. ეს ყველაზე გავრცელებული კიბოა შეერთებულ შტატებში, დაავადებათა კონტროლისა და პრევენციის ცენტრების მიხედვით.

ახალი ვაქცინა მესეჯნერ რნმ-ზე იქნება, როგორიცაა Moderna და Pfizer-ის კორონავირუსის საწინააღმდეგო ვაქცინები.

"მელანომანას გამაფრთხილებელი ნიშნებისა და ულტრაიისფერი გამოსხივების გადაჭარბებული ზემოქმედების საშიშროების შესახებ საზოგადოების ინფორმირებულობის მიუხედავად, მელანომის შემთხვევები კვლავ იზრდება", — განაცხადა არუპ ინდრამ, OSU-ს პროფესორმა და კვლევის ლიდერმა განცხადებაში.

კვლევა ეფუძნებოდა თიორედოქსინის ანტიოქსიდანტურ სისტემაში არსებულ ცილას, სახელწოდებით TR1. მიიჩნევა, რომ ამ ცილას შეუძლია თავიდან აგვაცილოს ოქსიდაციური სტრესი მელანოციტებზე — კანის უჯრედებზე, რომლებიც გამოწვეულია მზის ულტრაიისფერი გამოსხივებით.

თაგვებზე ჩატარებულ კვლევაში მათგან TR1 ცილა ამოიღეს. ეს იმისთვის რათა შეეფასებინათ როგორ მოქმედებდა ცილა მელანოციტების დაცვის მხრივ. მკვლევრებმა აღმოაჩინეს, რომ TR1-ის გარეშე მელანოციტების პროლიფერაცია მნიშვნელოვნად შემცირდა.

შესაბამისად, მკვლევრებმა დაასკვნეს, რომ TR1 ცილა პირდაპირ გავლენას ახდენს მელანოციტებზე, რომლებიც პასუხისმგებელნი არიან კანის კიბოს პრევენციაზე. ანუ, თუ ვაქცინას შეუძლია მეტი TR1-ის გამომუშავება, მას შეუძლია დაიცვას მზისგან გამოწვეული უჯრედული დაზიანებისგან.

მკვლევრების თქმით, კანის კიბოს გაზრდილი რისკის მქონე ადამიანებს ვაქცინაცია წელიწადში ერთხელ უნდა ჩაუტარდეთ. კვლევა ჟურნალ Investigative Dermatology-ში გამოქვეყნდა.