რას კითხულობდნენ საქართველოში 2021 წელს — სულაკაურის გამომცემლობის 10 ბესტსელერი
ქართველ მკითხველს სულაკაურის გამომცემლობა მუდმივად ანებივრებს საინტერესო, მრავალფეროვანი და ახალ-ახალი გამოცემებით, რომელთა შორისაც თავისთვის საინტერესო საკითხავს ნებისმიერი ასაკისა და გემოვნების ადამიანი მარტივად იპოვის.
ამ მხრივ გამონაკლისი არც გასული წელი იყო და გამომცემლობამ არაერთი მნიშვნელოვანი თარგმანი თუ ქართველი ავტორის ნაწარმოები შემოგვთავაზა. თუმცა რომელი წიგნებით დაინტერესდნენ მკითხველები ყველაზე მეტად?
ამ კითხვაზე პასუხს ქვემოთ მოცემულ სიაში იპოვით, რომელშიც ზრდადობის მიხედვითაა დალაგებული სულაკაურის გამომცემლობის 2021 წლის ბესტსელერი წიგნები:
10. თამაში რიოში მარგალიტებით — ჰერმან ჰესე
მთარგმნელი: ნანა გოგოლაშვილი
წლის ყველაზე პოპულარული წიგნების ათეულში საპატიო ადგილს იკავებს ისეთი კლასიკოსისა და დიდი გერმანელი ავტორის რომანი, როგორიც ჰერმან ჰესეა. ამ მწერალს ჩვენთან კარგად იცნობენ და სულაკაურის გამომცემლობასაც გამოცემული აქვს მისი ისეთი მნიშვნელოვანი ნაწარმოებები, როგორებიცაა ზიდჰარტა, ნარცისი და გოლდმუნდი, ტრამალის მგელი და 33 ზღაპარი. თუმცა გასულ წელს მკითხველების განსაკუთრებული ფავორიტი თამაში რიოში მარგალიტებით აღმოჩნდა, რომლის ქართულად წაკითხვისაც ბევრი დიდხანს ელოდა.
9. ჩვეულებრივი ადამიანები — სალი რუნი
მთარგმნელი: გურამ ღონღაძე
სალი რუნი თანამედროვე მსოფლიო ლიტერატურის ერთ-ერთი ყველაზე იმედისმომცემი ახალგაზრდა ავტორია. ამ ირლანდიელ მწერალს სახელი ყველაზე მეტად რომანმა ჩვეულებრივი ადამიანები გაუთქვა, რომლის მიხედვითაც ამავე სახელწოდების მქონე ასევე ძალიან წარმატებული სერიალიც გადაიღეს.
აღსანიშნავია, რომ ქართველმა მკითხველმა პირველად სალი რუნი სწორედ ამ წიგნით გაიცნო და ფაქტია, რომ დიდი მოწონებაც დაიმსახურა: ბესტსელერების სიაში მოხვდა და გამომცემლობამაც არ დააყოვნა მისი კიდევ ერთი ცნობილი რომანის საუბრები მეგობრებთან გამოცემა.
8. არსთა მესნევი (წიგნი პირველი) — ჯალალ ედ-დინ რუმი
მთარგმნელი: გიორგი ლობჟანიძე
ქართულ ენაზე ითარგმნა და გამოიცა არა მხოლოდ სპარსული, არამედ მსოფლიო ლიტერატურის ნამდვილი საგანძური — არსთა მესნევი, რომელსაც ხშირად სუფიზმის ენციკლოპედიასაც უწოდებენ. რაც მთავარია, ეს უმნიშვნელოვანესი საქმე შეუმჩნეველი არ დარჩენიათ არც ლიტერატურათმცოდნეებს და არც მკითხველებს: რუმის პოემა ბესტსელერად იქცა, გიორგი ლობჟანიძეს კი საბა გადაეცა ამ ეპოქალური თარგმანისთვის.
სულაკაურის გამომცემლობამ უკვე გამოსცა მესნევის მეორე წიგნიც.
7. რეკვიემი — ზაირა არსენიშვილი
მას შემდეგ, რაც ქართველი მკითხველების ფართო წრემ აღმოაჩინა ზაირა არსენიშვილი რომანით ვა, სოფელო, სულაკაურის გამომცემლობამ განიზრახა, რომ ამ თავის დროზე სათანადოდ ვერშემჩნეული მწერლის შემოქმედება სრულად გამოეცა ხელახლა. ასე მიეცა ხელახალი სიცოცხლე მოთხრობების კრებულს კენჭები და არსენიშვილის სადებიუტო რომანს რეკვიემი, რომელიც თურმე არანაკლები პოპულარობით სარგებლობს, ვიდრე ვა, სოფელო.
6. კოსმოსი — კარლ სეიგანი
მთარგმნელი: ნოდარ მანჩხაშვილი
მხატვრულ ლიტერატურასთან ერთად სულაკაურის გამომცემლობა ბოლო პერიოდში აქტიურ პოპულარიზაციას უწევს სამეცნიერო ტექსტებსაც, რომლებიც ქართულ ენაზე ძალიან იშვიათად ან საერთოდ არ ითარგმნება ხოლმე. სწორედ ამ დანაკლისის ამოსავსებად გამოუშვეს სერია აკადემია, რომლის ფარგლებშიც გამოიცა კარლ სეიგანის მსოფლიოში ცნობილი და აღიარებული წიგნი კოსმოსი.
ქართული გამოცემა მნიშვნელოვანია იმათაც, რომ ის გაფორმებულია ქართველი ასტროფოტოგრაფების შთამბეჭდავი ნამუშევრებით.
5. საპიენსი — იუვალ ნოახ ჰარარი
მთარგმნელი: ნიკა სამუშია
იუვალ ნოახ ჰარარიმ მოახერხა, რომ არამხატვრული ტექსტი ბოლო პერიოდის ერთ-ერთი ყველაზე დიდი მსოფლიო ბესტსელერი გამხდარიყო: საპიენსი: კაცობრიობის მოკლე ისტორია 50-მდე ენაზე ითარგმნა და 15 მილიონ ეგზემპლარზე მეტი გაიყიდა. როგორც ხედავთ, თარგმნის შემდეგ ეს წიგნი საქართველოშიც ბესტსელერად იქცა, რაც იმის დამსახურებაა, რომ ავტორი ძალიან მნიშვნელოვან და მწვავე საკითხებზე ყველასთვის გასაგები ენით ამომწურავად და საინტერესოდ წერს.
4. ვა, სოფელო — ზაირა არსენიშვილი
თანამედროვე ქართულ ლიტერატურაში ზაირა არსენიშვილი განსაკუთრებული ფენომენია: ის ერთადერთი თუ არა, ერთ-ერთი იშვიათთაგანია, ვინც საბჭოთა კავშირის ყველაზე სისხლიანი ეპიზოდები შეულამაზებლად აღწერა, ამ სიმამაცისთვის კი დამსახურებული აღიარება მხოლოდ გარდაცვალების შემდეგ მიიღო. მართალია, გვიან, მაგრამ ფაქტია, რომ ქართველმა მკითხველმა მისი რომანი ვა, სოფელო უზომოდ შეიყვარა და ამიერიდან ნამდვილად აღარ მიეცემა დავიწყებას მისი სახელი.
3. სიცოცხლე ოცდახუთჯერ წამში — მაია ასათიანი
შესაძლოა, ბევრი არ ელოდა, მაგრამ მაია ასათიანმა შეძლო, რომ ქართველ აუდიტორიას კიდევ ერთ ამპლუაში წარმატებით წარდგენოდა — როგორც მწერალი. შედეგმა კი მოლოდინებს ნამდვილად გადააჭარბა: ცნობილმა ტელეჟურნალისტმა თავის ავტობიოგრაფიულ წიგნში იმდენად ემოციურად მოუთხრო პირადი ცხოვრებისა თუ კარიერის ქარტეხილებით სავსე განვლილი გზის შესახებ მკითხველს, რომ გულგრილი არავინ დატოვა.
2. მზე, მთვარე და პურის ყანა — თემურ ბაბლუანი
ეს წიგნი 2018 წელს გამოიცა, მაგრამ დღემდე არავის უთმობს პოპულარობას. ბევრისთვის კარგად ნაცნობმა რეჟისორმა სადებიუტო ნაწარმოებით შეძლო, რომ არანაკლებ წარმატებული მწერალი გამხდარიყო: სათავგადასავლო რომანი მზე, მთვარე და პურის ყანა ყველა ასაკის მკითხველს თანაბრად აღაფრთოვანებს და მის მიმართ ინტერესი არა თუ ნელდება, არამედ პირიქით — სულ უფრო და უფრო იზრდება.
1. შაშვი შაშვი მაყვალი — თამთა მელაშვილი
წლის მთავარი ბესტსელერის ტიტული კი თამთა მელაშვილის რომანმა შაშვი შაშვი მაყვალი მოიპოვა, რომელიც გამოსვლის დღიდან მკითხველებში უზომო პოპულარობით სარგებლობს. თანამედროვე ქართული ლიტერატურის ამ უმნიშვნელოვანეს ავტორს ბევრი კარგად იცნობდა წიგნით გათვლა, თუმცა მისი ეს რიგით მესამე რომანი კიდევ უფრო მეტი მკითხველისთვის გახდა ნამდვილი აღმოჩენა და ცოტა ხნის წინ პრემია საბაც გადაეცა, როგორც წლის საუკეთესო რომანს.
აღსანიშნავია, რომ რომანის მიხედვით მალე სრულმეტრაჟიან ფილმსაც გადაიღებენ.
-
გადახედვაკინოცენტრმა დაფინანსება შეგვიწყვიტა — თბილისის საერთაშორისო კინოფესტივალი კინოცენტრმა დაფინანსება შეგვიწყვიტა — თბილისის საერთაშორისო კინოფესტივალი
-
გადახედვაGPBA: კონსოლიდაცია რუსეთის დამპყრობლურ პოლიტიკასთან ბრძოლის აუცილებელი პირობაა GPBA: კონსოლიდაცია რუსეთის დამპყრობლურ პოლიტიკასთან ბრძოლის აუცილებელი პირობაა
-
გადახედვასააკაშვილი ენმ-ს პარტიის ბორდის შექმნას და თავმჯდომარედ მისი კანდიდატურის განხილვას სთხოვს სააკაშვილი ენმ-ს პარტიის ბორდის შექმნას და თავმჯდომარედ მისი კანდიდატურის განხილვას სთხოვს
-
გადახედვაშესაძლოა, არამიწიერი სიცოცხლე იისფერი ბაქტერიების სახით არსებობდეს შესაძლოა, არამიწიერი სიცოცხლე იისფერი ბაქტერიების სახით არსებობდეს
-
გადახედვაოზურგეთის საკრებულოს თავმჯდომარის, დავით დარჩიას შვილი: არა რუსულ კანონს! ოზურგეთის საკრებულოს თავმჯდომარის, დავით დარჩიას შვილი: არა რუსულ კანონს!
-
გადახედვაკვლევის თანახმად, მელიები ადამიანების "საუკეთესო მეგობრები" იყვნენ კვლევის თანახმად, მელიები ადამიანების "საუკეთესო მეგობრები" იყვნენ
-
გადახედვალაზარეს განაჩენის სარეზოლუციო ნაწილი პრეზიდენტს ჯერ არ მიუღია — მის მოსამზადებლად, მოსამართლემ 14-დღიანი ვადა აიღო ლაზარეს განაჩენის სარეზოლუციო ნაწილი პრეზიდენტს ჯერ არ მიუღია — მის მოსამზადებლად, მოსამართლემ 14-დღიანი ვადა აიღო
-
გადახედვადეა მელაძე: არა რუსულ კანონს! გელით რუსთაველზე დეა მელაძე: არა რუსულ კანონს! გელით რუსთაველზე
-
გადახედვავახტანგ გომელაური: აქციის მონაწილეები სიტყვიერ შეურაცხყოფას აყენებდნენ პოლიციას, ამის შემდეგ მოხდა დაპირისპირება ვახტანგ გომელაური: აქციის მონაწილეები სიტყვიერ შეურაცხყოფას აყენებდნენ პოლიციას, ამის შემდეგ მოხდა დაპირისპირება
-
გადახედვახაბეიშვილი: ელისაშვილის ცემა იყო მიზანმიმართული, საზოგადოებას უთხრეს — თუ პარლამენტარს ასე ვექცევით, თქვენ უარესად მოგექცევით ხაბეიშვილი: ელისაშვილის ცემა იყო მიზანმიმართული, საზოგადოებას უთხრეს — თუ პარლამენტარს ასე ვექცევით, თქვენ უარესად მოგექცევით
-
გადახედვაოცნების დეპუტატის, გია ცაგარეიშვილის შვილი: მედვედევს რაც მოსწონს, დუგინს რაც მოსწონს — ჩვენ ავტომატურად არ მოგვწონს, 2x2 ოცნების დეპუტატის, გია ცაგარეიშვილის შვილი: მედვედევს რაც მოსწონს, დუგინს რაც მოსწონს — ჩვენ ავტომატურად არ მოგვწონს, 2x2
-
გადახედვაახალგაზრდების ორგანიზებით, პარლამენტთან საპროტესტო აქცია დღეს 19 საათზე იგეგმება ახალგაზრდების ორგანიზებით, პარლამენტთან საპროტესტო აქცია დღეს 19 საათზე იგეგმება
-
-
გადახედვატაბიძეზე მომხდარი დაჭრის ფაქტზე ერთ პირს ბრალი წარუდგინეს ტაბიძეზე მომხდარი დაჭრის ფაქტზე ერთ პირს ბრალი წარუდგინეს
-
გადახედვარატომ გაუჩინარდნენ ევროპის მონადირე-შემგროვებლები რატომ გაუჩინარდნენ ევროპის მონადირე-შემგროვებლები
-
გადახედვასაფრანგეთმა აზერბაიჯანიდან კონსულტაციებისთვის ელჩი გაიწვია საფრანგეთმა აზერბაიჯანიდან კონსულტაციებისთვის ელჩი გაიწვია
-
გადახედვაოცნება ოფშორებთან დაკავშირებულ კანონს ივანიშვილს არგებს, იზრდება კრიმინალური და რუსული კაპიტალის შემოდინების რისკიც — TI ოცნება ოფშორებთან დაკავშირებულ კანონს ივანიშვილს არგებს, იზრდება კრიმინალური და რუსული კაპიტალის შემოდინების რისკიც — TI
-
გადახედვასადგური, რომელსაც ჩინეთის მთავრობა აშენებს, ინტერნეტმა ჰიგიენურ საფენს მიამსგავსა სადგური, რომელსაც ჩინეთის მთავრობა აშენებს, ინტერნეტმა ჰიგიენურ საფენს მიამსგავსა
-
გადახედვაპარლამენტში გომელაურის მოსმენისას ხმაური იყო — პაპუაშვილმა სალომე სამადაშვილს დარბაზი დაატოვებინა პარლამენტში გომელაურის მოსმენისას ხმაური იყო — პაპუაშვილმა სალომე სამადაშვილს დარბაზი დაატოვებინა
-
გადახედვაევროკავშირს კი არა, ყველანაირ დასავლეთს დაგვავიწყებენ, არც ვიზალიბერალიზაცია შეგვრჩება — რას ამბობს ოპოზიცია ოფშორების კანონზე ევროკავშირს კი არა, ყველანაირ დასავლეთს დაგვავიწყებენ, არც ვიზალიბერალიზაცია შეგვრჩება — რას ამბობს ოპოზიცია ოფშორების კანონზე
-
გადახედვაპარლამენტმა ე.წ. ოფშორების შესახებ კანონი დაამტკიცა პარლამენტმა ე.წ. ოფშორების შესახებ კანონი დაამტკიცა
კომენტარები