მაკოლეი კალკინს მარტო სახლში ყოფნა მობეზრდა და Gucci-ის ჩვენებაზე შეირბინა

ცოტა ხნის წინ გამართული ცნობილი მოდის სახლის, გუჩის ჩვენება, ტრადიციულად, ვარსკვლავებით იყო დატვირთული. მაყურებელთა რიგებში მოკალათებულ და პოდიუმზე მოსიარულე ცნობილ ადამიანებს შორის საზოგადოების ყურადღება ყველაზე მეტად მაინც მსახიობმა მაკოლეი კალკინმა მიიპყრო.

მარტო სახლშის ვარსკვლავი დამსწრე საზოგადოების წინაშე ხასხასა პერანგსა და მოსაცმელში გამოწყობილი წარსდგა და პოდიუმი ჯიბეებში ხელებჩაწყობილმა ლაღად გაიარა. გუჩის ჩვენებები ვარსკვლავების ნაკლებობას არასდროს უჩივის, თუმცა საზოგადოებისთვის მაკოლეის დანახვა მაინც მოულოდნელი იყო, რადგან მსახიობი საჯაროდ გამოჩენასა და აქტიურობას ერიდება.

70-იანი წლების პრინტებითა და მკვეთრი სილუეტებით დატვირთულ ჩვენებაზე, ტრადიციულად, გუჩის სახედ ქცეული ვარსკვლავები — ჯარედ ლეტომ და ჯოდი ტერნერ-სმიტმაც გაიარეს.

ბოლო ამბები:

გირჩევთ