6 გავრცელებული აზრი გაციების შესახებ — მითი თუ ფაქტი?
ზამთრის მოახლოებასთან ერთად გაციების შემთხვევებიც მატულობს, რაც პანდემიის პერიოდში ერთიორად ანგარიშგასაწევი ხდება — თანაც მაშინ, როცა ადამიანები აქტიურ სოციალურ ცხოვრებას უბრუნდებიან. ამიტომ გასაკვირი არაა, რომ ბოლო დროს TikTok-ზე ვირუსულად გავრცელდა ტრენდი, რომელშიც ნივრის ცხვირში მოთავსება გაციებასთან საბრძოლველ გზად არის წარმოჩენილი. აღნიშნული მეთოდი ერთ-ერთია იმ გრძელი სიიდან, რომელსაც გაციების სამკურნალოდ ხშირად მიმართავენ.
ამ სტატიაში წარმოგიდგენთ ორი ექსპერტის შეფასებებს, თუ რამდენადაა მეცნიერულად დამტკიცებული ზოგიერთი გავრცელებული შეხედულება გაციების შესახებ.
1. შეიძლება თუ არა, გავცივდეთ სიცივის გამო?
გაციების შემთხვევები, როგორც წესი, ზამთარში უფრო ხშირია. ზედა სასუნთქი გზების სხვა ინფექციების მსგავსად, გაციებასაც, ჩვეულებრივ, ვირუსი იწვევს. არის სიმართლის მარცვალი იმ მოსაზრებაში, რომ სიცივეში უფრო სავარაუდოა გაციება, ვინაიდან ტემპერატურის ცვლილება მოქმედებს ჩვენი ყელისა და სასუნთქი გზების ლორწოვან გარსზე, რამაც ვირუსებს უჯრედების ინფიცირება შეიძლება გაუადვილოს. თუმცა, ზამთარში გაციების მთავარი მიზეზი სხვა ადამიანებთან ერთად დახურულ სივრცეში დიდი დროის გატარებაა, რაც ვირუსების გადასაცემად ზედგამოჭრილი გარემოა.
2. გვეხმარება თუ არა ცხვირში ნივრის მოთავსება?
TikTok-ის ამ ტრენდს აყოლილები ნივრის კბილს თავიანთი ცხვირის ნესტოში ათავსებენ, რადგან გავრცელებული მოსაზრების თანახმად, ნიორი ანტიკონგესანტია. ნებისმიერი რამის ნესტოში მოთავსება ბლოკავს ლორწოს დინებას, ამიტომ მისი გამოღებისას ნაკადი ხელახლა იწყება და სითხე ცხვირიდანაც შეიძლება გამოიდევნოს. ლორწო ხელს უწყობს ვირუსის მსგავსი პათოგენების გამომწყვდევასა და მოშორებას. ის, ამასთან, შეიცავს ანტისხეულებს, რაც ვირუსების ინფექციურობის და გადამდებობის ხარისხს ამცირებს. ასე რომ, მისი ნესტოებიდან გამოდევნა კარგი იდეა ნამდვილად არ არის.
გარდა ამისა, ნიორი ისეთ ნაერთებს შეიცავს, რამაც შეიძლება ცხვირი გააღიზიანოს. და ესეც რომ არ იყოს, დაიმახსოვრეთ, რომ ცხვირში ნებისმიერი რამის მოთავსება არცთუ ისე კარგი იდეაა. ამან, შეიძლება, დააზიანოს ლორწოვანი გარსი, გამოიწვიოს სისხლდენა ან, უბრალოდ, არის შანსი, რომ ნივთი ნესტოში გაგეჭედოთ. ასე რომ, ეს მეთოდი გაციებასთან ბრძოლაში ნამდვილად არ დაგეხმარებათ და პირიქით, შეიძლება, საზიანოც კი იყოს.
3. შეუძლია თუ არა მცენარეულ საშუალებებს თავიდან აგვარიდოს გაციება?
მიჩნეულია, რომ სხვადასხვა მცენარეული საშუალება გვიცავს გაციებისაგან ან აჩქარებს გამოჯანმრთელების პროცესს. ასეთ დროს ადამიანები ხშირად ახსენებენ ექინაცეას — მცენარეთა ოჯახს, რომელიც ჩრდილოეთ ამერიკაში იზრდება. მართალია, ზოგიერთმა კვლევამ მცირე პროფილაქტიკური ეფექტი აჩვენა, თუმცა მისი დახმარებით ავადობის დონის სტატისტიკურად მნიშვნელოვანი შემცირება არ შეინიშნება. გაციების პრევენციულ საშუალებად ასევე მიჩნეულია კურკუმა, თუმცა მისი ეფექტიანობის დამადასტურებელი მყარი მტკიცებულებაც არ გვაქვს ხელთ.
4. გვეხმარება თუ არა C-ვიტამინი?
ნობელის პრემიის ლაურეატი მეცნიერის, ლაინუს პოლინგის ვარაუდით, დიდი დოზით მიღებული C-ვიტამინი, შესაძლოა, მრავალი ვირუსული ინფექციის მკურნალობისთვის ეფექტიანი საშუალება იყოს. ბრიტანული სამედიცინო კვლევითი ცენტრის, Cochrane-ის მკვლევრებმა, რომლებიც ნაცადი სისტემით აფასებენ მტკიცებულებებს, დაადგინეს, რომ C-ვიტამინი არ იცავს გაციებისგან, თუმცა მას ზოგიერთ ადამიანში გაციების ხანგრძლივობის შემცირება შეუძლია. ვინაიდან დღეში დაახლოებით 200 მილიგრამი C-ვიტამინის საკვებ დანამატად მიღება ჯანმრთელობისთვის დიდად სარისკოდ არ მიიჩნევა, ზოგიერთი ადამიანისთვის მისი გამოყენება გაციების ეფექტების ხანგრძლივობის შესამცირებლად გონივრული სტრატეგიაა.
5. გვიცავს თუ არა D-ვიტამინი გაციებისგან?
D-ვიტამინს, რომლის ხსენებაც მზის სხივებთან და ჯანსაღ ძვლებთან ასოცირდება, დღეს ლამის ყველანაირი რისკის შემცირებას უკავშირებენ — გულის დაავადებებითა და დიაბეტით დაწყებული, ვირუსებით დამთავრებული. ამ სიაში გრიპიც შედის და უკვე COVID-19-თან დაკავშირებითაც გაჩნდა კითხვები.
ლაბორატორიულმა კვლევებმა აჩვენა, რომ D-ვიტამინი მნიშვნელოვანია იმუნიტეტის გასაძლიერებლად და ვირუსებთან საბრძოლველად. პრობლემა შეიძლება იყოს ის, რომ ზოგიერთ ადამიანს ორგანიზმში D-ვიტამინის არაადეკვატური დონე აქვს. მზის სინათლე ჩვენს სხეულს ეხმარება, თავად შექმნას D-ვიტამინი — რაც ნაკლებად ხდება ზამთარში. ამგვარად, წლის უმზეო თვეებში მისი საჭირო ოდენობით მიღება გარკვეულ შემთხვევებში გონივრულია და, შესაძლოა, გაციების თავიდან აცილებაშიც კი დაგეხმაროთ.
6. და ქათმის წვნიანთან დაკავშირებით რა ხდება?
ქათმის წვნიანს საუკუნეების განმავლობაში იყენებდნენ გაციებასთან საბრძოლველად და მას — ისევე, როგორც თაფლს — შეიძლება, სიმპტომების მართვაში გარკვეული სარგებელი ჰქონდეს. თუმცა ნაკლებად სავარაუდოა, რომ ქათმის წვნიანს ორგანიზმიდან ინფექციის განდევნა შეეძლოს.
წვნიანი ჩვენს ორგანიზმს სითხით ამარაგებს და თუ გავითვალისწინებთ, რომ გაციების დროს სხეულის დეჰიდრატაცია ხშირი სიმპტომია, მისი მიღება ნამდვილად კარგი იდეაა. ცხელი სასმელების უმეტესობის მსგავსად, წვნიანს სასუნთქი ღრუების დაამება შეუძლია. არსებობს კვლევები, რომლებიც ჩვენი იმუნური სისტემის უჯრედებზე ქათმის ნახარშის გავლენას სწავლობს, თუმცა კვლევის შედეგები ჯერჯერობით საბოლოო დასკვნების გამოტანის საშუალებას არ გვაძლევს.
სამწუხაროდ, გაციების სამკურნალოდ სასწაულმოქმედი საშუალება არ არსებობს. ზოგიერთი მეთოდი შეიძლება გამოსადეგი იყოს — მაგალითად, C და D ვიტამინის საკმარისი ოდენობით მიღება. თუმცა ზოგი სხვა საშუალების ცდა ნამდვილად არ ღირს და ისეთი რამ, როგორიცაა ცხვირში ნივრის მოთავსება, შეიძლება სარისკოც კი იყოს. საუკეთესო რამ, რაც გაციებისას შეგვიძლია გავაკეთოთ, ეს არის დასვენება და ბევრი სითხის დალევა.
-
გადახედვაბასიანი: კანონი სრულად ზღუდავს გამოხატვისა და შეკრების თავისუფლებას, აწესებს ცენზურას ფაქტობრივად ყველა სფეროზე ბასიანი: კანონი სრულად ზღუდავს გამოხატვისა და შეკრების თავისუფლებას, აწესებს ცენზურას ფაქტობრივად ყველა სფეროზე
-
გადახედვასაქართველოს 10 საუკეთესო გამოსვლა ევროვიზიაზე საქართველოს 10 საუკეთესო გამოსვლა ევროვიზიაზე
-
გადახედვამასშტაბური კვლევის თანახმად, ვიაგრა ალცჰაიმერის განვითარების რისკებს 50%-ით ამცირებს მასშტაბური კვლევის თანახმად, ვიაგრა ალცჰაიმერის განვითარების რისკებს 50%-ით ამცირებს
-
გადახედვაახალი რობოტი ადამიანის სახის გამომეტყველებას იმეორებს ახალი რობოტი ადამიანის სახის გამომეტყველებას იმეორებს
-
-
გადახედვამედიაკოალიცია სამართალდამცავ უწყებებს მოუწოდებს, ჟურნალისტ ნატო გოგელიას სახლში შეღწევისა და ქონების დაზიანების ფაქტი დროულად გამოიძიონ მედიაკოალიცია სამართალდამცავ უწყებებს მოუწოდებს, ჟურნალისტ ნატო გოგელიას სახლში შეღწევისა და ქონების დაზიანების ფაქტი დროულად გამოიძიონ
-
გადახედვაროგორ აისახება ყინულის დნობა დღის ხანგრძლივობაზე? — ახალი კვლევა როგორ აისახება ყინულის დნობა დღის ხანგრძლივობაზე? — ახალი კვლევა
-
გადახედვავინ იქნება Neuralink-ის შემდეგი პაციენტი — რა ვიცით ვინ იქნება Neuralink-ის შემდეგი პაციენტი — რა ვიცით
-
გადახედვა340 000 ლარზე მეტი ოდენობის თანხის თაღლითურად დაუფლების ფაქტზე, ორ პირს ბრალდება წარედგინა 340 000 ლარზე მეტი ოდენობის თანხის თაღლითურად დაუფლების ფაქტზე, ორ პირს ბრალდება წარედგინა
-
გადახედვამამუკა ხაზარაძე: რეალურად, ვდგავართ ძალიან დიდ გზაჯვარედინზე — ან ევროპა ან რუსეთი მამუკა ხაზარაძე: რეალურად, ვდგავართ ძალიან დიდ გზაჯვარედინზე — ან ევროპა ან რუსეთი
-
გადახედვაინტერნეტის სიჩქარე რამდენიმე მილიონჯერ გაზარდეს — როგორ გადაიტანეს წამში 301 ტერაბიტი ინტერნეტის სიჩქარე რამდენიმე მილიონჯერ გაზარდეს — როგორ გადაიტანეს წამში 301 ტერაბიტი
-
-
გადახედვაფრინველის გრიპი ძროხებში ვრცელდება — რა უნდა ვიცოდეთ ფრინველის გრიპი ძროხებში ვრცელდება — რა უნდა ვიცოდეთ
-
-
გადახედვაახალი სურათი ჩვენი გალაქტიკის შავი ხვრელის მაგნიტური ველის სტრუქტურას გვიჩვენებს ახალი სურათი ჩვენი გალაქტიკის შავი ხვრელის მაგნიტური ველის სტრუქტურას გვიჩვენებს
-
გადახედვაკვლევის მიხედვით, თაობიდან თაობამდე ტვინების ზომა იზრდება — რას შეიძლება ნიშნავდეს ეს კვლევის მიხედვით, თაობიდან თაობამდე ტვინების ზომა იზრდება — რას შეიძლება ნიშნავდეს ეს
-
გადახედვაბაკურიანში, თოვლის მასაში ერთი ადამიანია მოყოლილი — ადგილზე მუშაობენ მაშველები ბაკურიანში, თოვლის მასაში ერთი ადამიანია მოყოლილი — ადგილზე მუშაობენ მაშველები
-
გადახედვალაზარე გრიგორიადისის საქმეზე დასკვნითი სხდომა კვლავ გადაიდო ლაზარე გრიგორიადისის საქმეზე დასკვნითი სხდომა კვლავ გადაიდო
-
გადახედვა2026 წელს ასტრონავტები მთვარეზე მცენარეებსაც წაიღებენ 2026 წელს ასტრონავტები მთვარეზე მცენარეებსაც წაიღებენ
-
გადახედვაBlack Sea Arena-ზე Scorpions და OneRepublic მაისში კონცერტებს გამართავენ Black Sea Arena-ზე Scorpions და OneRepublic მაისში კონცერტებს გამართავენ
-
გადახედვააზერბაიჯანი ევროკავშირისა და აშშ-ის სომხეთთან დაგეგმილი შეხვედრის გამო აღშფოთებულია აზერბაიჯანი ევროკავშირისა და აშშ-ის სომხეთთან დაგეგმილი შეხვედრის გამო აღშფოთებულია
კომენტარები