არა, რა თქმა უნდა, მარტო არა ხართ. უკვე ოთხ საათზე მეტია, რაც მსოფლიოში უამრავი ადამიანი ვერ ახერხებს ფეისბუქზე ან ინსტაგრამზე შესვლას და მესენჯერით ან WhatsApp-ით სარგებლობას. ტექგიგანტმა, რასაკვირველია, ბოდიშიც მოგვიხადა, თანაც ტვიტერზე, თუმცა, მომხმარებლების რეაქციამ არ დაახანა და თვალის დახამხამებაში ერთიმეორეზე სასაცილო მიმები შეიქმნა.

რა გასაკვირია, რომ მიმების უმეტესობაც ტვიტერზე ქვეყნდება. საერთოდაც, ტვიტერი დღეს სცენის და ყველას ყურადღების ცენტრში მოექცა. ამას თავადაც მიხვდნენ და ფეისბუქის სერვისების გათიშვიდან სულ ცოტა ხანში საკუთარ პლატფორმაზე მისასალმებელი პოსტიც გამოაცხვეს.

როგორც ჩანს, ამ დროში საქაქანო სხვა მსოფლიო ბრენდებს დაუგროვდათ და ტვიტერის ისტორიაში ალბათ ერთ-ერთი ყველაზე ლეგენდარული საუბარიც დაიწყო, რომელსაც ამ დროისთვის მილიონზე მეტი მოწონება აქვს.

ტვიტერი: "სალამი საერთოდ ყველას"

ინსტაგრამი: "სალამი და ბედნიერ ორშაბათს გისურვებთ"

Burger King ინსტაგრამს: "კარგად ხარ, მეგობარო?"

მაკდონალდსი: "სალამი, რას ინებებთ"

ტვიტერი: "59,6 მილიონი ნაგეტი ჩემი მეგობრებისთვის"

მაკდონალდსი: "აქვე მიირთმევთ თუ თან წასაღებად?"

ტვიტერი: "იქნებ, პირადში მისწეროთ?"

WhatsApp: "გამარჯობა"

Reddit: "აბა, რას შვრები, ინსტაგრამის სოციალური მედიის მენეჯერო?"

ბინდის საგის ოფიციალური გვერდი: "ბინდის ფილმების ჩემი DVD კოლექციის დროც დაბრუნებულა"

მაკდონალდსი კანადაში: "ამხელა პოპულარობას როგორ უმკლავდები?"

OnlyFans: "გაუმარჯოს"

Diablo: "შემდეგი შენ ხარ"

Alexa: "ხელები არ მაქვს, ამიტომ, უბრალოდ, ხუთჯერ ვიტყვი გამარჯობას... სალამი სალამი სალამი სალამი სალამი"

Groupon: "Myspace ვინმეს ხომ არ უნახავს, მათზე ვღელავ"

შვედეთის სამეფოს ოფიციალური გვერდი: "Hej! (შვედურად 'გამარჯობა' ასეა)"

Starbucks: "შესანიშნავი დროა ყავის შესვენებისთვის"

ტერი ვირტსი (ყოფილი ასტრონავტი): "არც ჩვენთან მუშაობს"

ამერიკის ნაციონალური საფეხბურთო ლიგა: "გაუმარჯოს, რას შვრებით? გუშინდელ თამაშზე რას იტყვით?"

Microsoft Teams: "მიკროფონის ჩართვა ყველას გაუმარჯოს"

სნიკერსი: "გილოცავ, ლარი [ტვიტერის ლოგოზე გამოსახული ჩიტის სახელი], შენ ეს შეძელი"

სამსუნგი აშშ-ში: "რას შვრებით, ჩვენ სარეცხს ვრეცხავთ და ტვიტებს ვწერთ. თქვენ რა ამბავში ხართ?"

Tumblr:

ფოტო: Tenor

Typing...