ერთიანი ნაციონალური მოძრაობის ერთ-ერთი ლიდერის, ხატია დეკანოიძის განცხადებით, ექსპრეზიდენტი, მიხეილ სააკაშვილი ნამდვილად საქართველოშია. მისი თქმით, აღნიშნულის გამო ქართული ოცნება ჩამოშლილია, რის გამოც, მთელი დილის მანძილზე არ გამოჩენილან.

"რა თქმა უნდა, საქართველოშია, რა თქმა უნდა, ის ინფორმაცია, რაც მან გაავრცელა, არის თავიდან ბოლომდე სიმართლე და საბრალო კობახიძე, მთელი ამ დილის განმავლობაში ვერ გამოჩნდა ვერცერთი ქართული ოცნებიდან, ახლა გამოჩნდნენ და ჩამოშლილები არიან პრაქტიკულად", — აცხადებს სააკაშვილი.


დღეს, პირველ ოქტომბერს მიხეილ სააკაშვილმა Facebook-ზე პოსტი გამოაქვეყნა რომელმაც შექმნა ვარაუდი, რომ შესაძლოა, ის უკვე საქართველოშია. ამასთან, მან გაავრცელა ორი ვიდეოც, სადაც ამბობს, რომ ბათუმშია, ფონად კი ქალაქის ხედი ჩანს.

შინაგან საქმეთა სამინისტროში ამბობენ, რომ ექსპრეზიდენტს ქვეყნის საზღვარი არ გადმოუკვეთავს. ქართული ოცნების თავმჯდომარე ირაკლი კობახიძე კი ამტკიცებს, რომ სააკაშვილი საქართველოში არ არის, მისი ვიდეოები ფეიკია და იმაზე უფრო მარტივი ტექნოლოგიითაა გაკეთებული, ვიდრე DeepFake. მის პასუხად სააკაშვილის თანაგუნდელები ამბობენ, რომ ის ნამდვილად ჩამოვიდა,

აღსანიშნია ისიც, რომ 27 სექტემბერს სააკაშვილმა სოციალურ ქსელში გამოაქვეყნა კიევი-თბილისის თვითმფრინავის ბილეთი, რომლის მიხედვითაც 2 ოქტომბერს, დედასთან, გიული ალასანიასთან ერთად უნდა ჩამოფრენილიყო.

ამავე თემაზე: