10 რამ, რაც სტუდენტობამდე უნდა მოასწრო
სტუდენტობა ადამიანის ცხოვრებაში ერთ-ერთი ყველაზე გამორჩეული პერიოდიაო, ასე ამბობენ. ამაზე დარწმუნებით ლაპარაკი მხოლოდ უნივერსიტეტის გამოსაშვებ ღონისძიებაზე შეიძლება, თუმცა, ცხადია, ადამიანი მხოლოდ ერთხელ არ შეიძლება სტუდენტი გახდეს. "მაგრამ სულ სხვაა" სტუდენტობა პირველად — როცა სკოლას ამთავრებ და საკლასო ოთახიდან პირდაპირ აუდიტორიაში ხვდები და იაზრებ, რომ შენს ცხოვრებაში ნამდვილად მოხდა გარდამტეხი ამბავი.
გარდამტეხი ამბისათვის კი საგანგებოდ ემზადებიან ხოლმე. ამიტომ, თუკი სტუდენტობის პირველად გამოცდის გზას ადგახარ და ხურჯინში რჩევებს აწყობ, რამდენიმე შეგიძლია ამ სტატიიდან გააყოლო ხელს.
1. ორიენტირებაში წავარჯიშება
აზრი არ აქვს, მოგიწევს თუ არა უნივერსიტეტში სწავლის დაწყების შემდეგ საცხოვრებლის შეცვლა — ნებისმიერ შემთხვევაში ახალ გარემოში ხვდები და ორიენტირების უნარი ნამდვილად გამოსადეგია. თუმცა, ცხადია, საქმეს ცოტათი ართულებს ის გარემოება, როცა მშობლიურ ქალაქს ან სოფელს ტოვებ და არა მხოლოდ აუდიტორიის, არამედ უნივერსიტეტის, მახლობლად მდებარე კვების ობიექტების და სხვა საჭირო ადგილების პოვნაც გიწევს. ამ შემთხვევაში გუგლის რუკა ყველაზე საჭირო იარაღია, ამიტომ, აუცილებლად შეისწავლე ის ტერიტორია, სადაც დროის გატარება მოგიწევს.
2. საპრეზენტაციო პროგრამებში გარკვევა და ორატორობაში ვარჯიში
რაც არ მოგაკლდება უნივერსიტეტში — ეს პრეზენტაციებია. საგნების უმეტესობაში შეფასების ერთ-ერთი, თანაც დიდი წონის მქონე კრიტერიუმი, პრეზენტაციის გაკეთებაა, რაც, ცხადია, ორ კომპონენტს მოიცავს: სიტყვით გამოსვლა და ვიზუალური მხარე. ასე რომ, ალბათ სჯობს, წინასწარვე განეწყო ამ ყველაფრისათვის და ცოტა ხნით PowerPoint-ის ტუტორიალებსაც ჩაუჯდე. დარწმუნებული იყავი, რომ ორიგინალური ხერხებითა და ვიზუალური მრავალფეროვნებით აუდიტორიის მოხიბვლას ადვილად შეძლებ. რამდენად რთულიც უნდა გეჩვენებოდეს ეს საქმე, სლაიდებზე ეფექტებისას დამატებისას აუცილებლად იხალისებ, პრეზენტაციის გაკეთების უნარი კი სამომავლოდაც გამოგადგება.
3. გამოსადეგი რუტინის და ჩვევების გამომუშავება
ამბობენ, ჩვევის გამომუშავებას, დაახლოებით, სამი კვირა სჭირდებაო, ასე რომ, სავსებით შესაძლებელია, ცხოვრების ახალ ეტაპს ახლადშეძენილი სასარგებლო რუტინით შეხვდე. მაგალითად, ელექტრონული ფოსტის შემოწმება — თუკი სტუდენტურ პლატფორმას არ ჩავთვლით, უნივერსიტეტის ცხოვრებაში ეს კომუნიკაციის ძირითადი საშუალებაა, ამიტომ, "მეილი გვიან ვნახე" თავის გასამართლებელ არგუმენტად ნამდვილად არ გამოგადგება. დღესვე თუ დაიწყებ დილაადრიან ან ძილისწინ ფოსტის შემოწმებას, ეს მალე ჩვევად იქცევა.
4. ბიუჯეტის დაგეგმვის სწავლა
სტუდენტობა ერთგვარი გარდამავალი პერიოდია ბავშვობასა და ზრდასრულობას შორის, თუმცა, ამ პერიოდში ზრდასრულობის ერთ-ერთ მთავარ გამოწვევასთან — ფინანსების განაწილებასთან — გამკლავება მაინც ბევრ სტუდენტს უხდება. ამიტომ ბიუჯეტის დაგეგმვა და მართვა ნამდვილად გამოსადეგი (უნარ)ჩვევაა, მით უმეტეს, რომ სტუდენტებს, როგორც წესი, დიდი ბიუჯეტი არ გვაქვს; უმჯობესი იქნება, თუკი ფინანსებს დროის მოკლე პერიოდებზე გაანაწილებ და გეცოდინება, მაგალითად, მომდევნო ერთი კვირისთვის რამდენი გაქვს გამოყოფილი.
5. მომავლის "დასტალკვა" — ანუ ყველაფრის გაგება, რაც გელოდება
როცა უნივერსიტეტში ჩაირიცხები, სიხარულისგან ტირილის შემდეგ პირველივე, რაც უნდა გააკეთო, სოციალურ ქსელებში სტუდენტების ჯგუფებში დამატებაა. ეს არის სივრცე, რომელიც ყველაზე მეტ ინფორმაციას მოგაწვდის, რა გელოდება წინ — რომელ ლექტორია "ბულკი", რომელ კიბეზე ცურავს ფეხი, სად იჭერს Wi-Fi ყველაზე უკეთ და სხვა. ამ ჯგუფების გარდა, მალევე შეძლებ, გაიგო, რისი სწავლა მოგიწევს პირველ სემესტრში ან იმ წელს, ასე რომ, არც ამ ინფორმაციებისთვის დაგეზაროს თვალის გადავლება; ასე მენტალურად შემზადებული იქნები იმისთვის, რაც უნივერსიტეტს სკოლისგან განასხვავებს.
6. გამოძინება
თითქმის ყველა სტუდენტის სუსტი წერტილი დილის ლექციებია. ალბათ იმიტომ, რომ გვეგონა, დილის შვიდზე ან რვაზე გაღვიძება სკოლასთან ერთად მოვიტოვეთ უკან. თუმცა, ნურას უკაცრავად. ლექციების დიდი ნაწილი სწორედაც რომ დილითაა, საღამოს კი თუკი სამეცადინოს ან ძილის პროკრასტინაციის გამო, ანდაც სერიალის ყურებაში გართული გვიანობამდე შემორჩი, მეორე დილით, დაახლოებით, ტომის მდგომარეობაში აღმოჩნდები (იხ. ზედა სურათი). ამიტომ, ნურაფრის ფასად ნუ გაცვლი ფუმფულა ბალიშს ახლა — ის მალე მოგენატრება, თუმცა, როგორც მინიმუმ, არდადეგებამდე ვეღარ მოახერხებ შენს გემოზე გამოძინებას. ისე კი, თუკი უძილო ან ძილნაკლული ღამეები დიდხანს გრძელდება, ეს აუცილებლად აისახება შენს პროდუქტიულობასა და უნივერსიტეტში მიღებულ ქულებზეც, ამიტომ, ამ შემთხვევაში დღის განრიგის გადახედვა მოგიწევს.
7. საყვარელი სერიალის თავიდან ყურება
სერიალის ყურებაში გათენება ვახსენეთ და ბარემ ისიც აღვნიშნოთ, რომ დიდად საეჭვოა, სწავლის პერიოდში ამისთვის დრო თუ გამონახე, ენერგია მაინც გეყოს. მაქსიმუმ თითო-ოროლა სერიას უყურო საუზმობისას ან გზაში, ერთიანად მთელი სეზონის ნახვა კი კვლავაც არდადეგებამდე იქნება წარსულს ჩაბარებული. ამიტომ, სწავლის დაწყებამდე დარჩენილ დროში შეგიძლია გული იჯერო და იმდენ სერიას უყურო, რამდენიც გაგიხარდება (ცხადია, სანტა-ბარბარასა და გრეის ანატომიის გარდა).
8. წასაკითხი წიგნების თაროს მაქსიმალურად შემცირება
TBR (to be read), ანუ წასაკითხი წიგნების თაროს რომ ვეძახით, საგულდაგულოდ შევავსე უნივერსიტეტში სწავლის დაწყებამდე და მეგონა, სტუდენტობის პირველ წელს ლაღად გავატარებდი მყუდროდ მოკალათებასა და კითხვაში. არც ერთი გამომივიდა და მით უმეტეს, არც მეორე; პირველ კურსზე იმდენად ვიყავი გართული სასემინარო მასალების კითხვითა და იმის გარკვევით, თუ სად მოვხვდი, რომ სულ ცალ ხელზე ჩამოსათვლელი წიგნების რაოდენობა წავიკითხე. მერე დაიწყო საკუთარ თავთან ჭიდილი — მეცადინეობა თუ კიდევ ერთი თავის წაკითხვა; ამიტომ, ამ გარდაუვალი ბრძოლის შედარებით მსუბუქ ფორმაში გადატასანად, დარჩენილ დროში იმასაც ეცადე, მაქსიმალურად გაავლო მუსრი წასაკითხ წიგნებს.
9. გემოზე დანაყრება
სტუდენტობაზე ბევრი გაზვიადებული ისტორია არსებობს, მათ შორის, მთელი ოთხი წლის განმავლობაში მხოლოდ ნუდლების ჭამა. თუმცა, საჭმელად, ისევე როგორც სხვა ბევრი სასიამოვნო საქმიანობისთვის, შესაძლოა, ბევრი დრო არ დაგრჩეს; როცა სახლში დაბრუნებას ვერ ახერხებ, გინდა, არ გინდა, არაერთხელ მოგიწევს ფენოვანი ხაჭაპურის ან ლობიანის ნაჩქარევად ჭამა. ამიტომ, გემოზე გამოძინებასთან ერთად, გემოზე დანაყრებაც მნიშვნელოვანია ცხოვრების ახალ ეტაპთან შესაჭიდებლად.
10. საკუთარი თავისთვის მომავალში წერილის მიწერა
ეს ისეთი რაღაცაა, რაც თავად არ მიცდია, თუმცა, მოგვიანებით მივხვდი, რომ კარგი იქნებოდა, გამეკეთებინა — დათქვი დრო, ერთი ან ორი წლის შემდეგ, ან თუნდაც, უნივერსიტეტის გამოსაშვების დღე. წარმოიდგინე, სად იქნები და რა გექნება ამ დროისთვის გაკეთებული (რასაც გეგმავ) და მისწერე იმ დღეს მცხოვრებ საკუთარ თავს წერილი. ასე შეძლებ, უკეთ დააფასო და შეაფასო დრო და ის გეგმები, რომლებიც ამ ხანში გაქვს განსახორციელებელი. ამასთან, წერილში თუ ამჟამინდელ განცდებზე გულწრფელად მოჰყვები — რას გრძნობ, სანამ სტუდენტი გახდები, მომავალში სასიამოვნო მოგონებაც გექნება გასახსენებელი.
ბონუსი: იმის არდავიწყება, რომ ყველაზე მნიშვნელოვანი საკუთარ თავზე ზრუნვაა
რამდენად ტრაფარეტულიც უნდა იყოს ყოველთვის საკუთარ თავზე ზრუნვის მნიშვნელობაზე ხაზგასმა, იმ ფაქტს გვერდს ვერ ავუვლით, რომ სამყარო ხშირად ძალიან სასტიკი ჩანს, განსაკუთრებით კი, უკვე ბევრჯერ ხსენებულ "ცხოვრების ახალ ეტაპზე". თუმცა, კვლავაც გახუნებულად თუ ვიტყვით, "ახალი ეტაპი ახალი გამოწვევაცაა", ამიტომ, ეცადე, მისი ყოველი მომენტით დატკბე და, სხვა თუ არაფერი, დასამახსოვრებელი მოგონებები მაინც შეიქმნა, რომლებიც უნივერსიტეტის დასრულების შემდეგ უკვე დარწმუნებით გათქმევინებს, იყო თუ არა სტუდენტობა შენი ცხოვრების ერთ-ერთი ყველაზე გამორჩეული პერიოდი.
-
გადახედვაბასიანი: კანონი სრულად ზღუდავს გამოხატვისა და შეკრების თავისუფლებას, აწესებს ცენზურას ფაქტობრივად ყველა სფეროზე ბასიანი: კანონი სრულად ზღუდავს გამოხატვისა და შეკრების თავისუფლებას, აწესებს ცენზურას ფაქტობრივად ყველა სფეროზე
-
-
გადახედვასაქართველოს 10 საუკეთესო გამოსვლა ევროვიზიაზე საქართველოს 10 საუკეთესო გამოსვლა ევროვიზიაზე
-
გადახედვამასშტაბური კვლევის თანახმად, ვიაგრა ალცჰაიმერის განვითარების რისკებს 50%-ით ამცირებს მასშტაბური კვლევის თანახმად, ვიაგრა ალცჰაიმერის განვითარების რისკებს 50%-ით ამცირებს
-
გადახედვაახალი რობოტი ადამიანის სახის გამომეტყველებას იმეორებს ახალი რობოტი ადამიანის სახის გამომეტყველებას იმეორებს
-
გადახედვამედიაკოალიცია სამართალდამცავ უწყებებს მოუწოდებს, ჟურნალისტ ნატო გოგელიას სახლში შეღწევისა და ქონების დაზიანების ფაქტი დროულად გამოიძიონ მედიაკოალიცია სამართალდამცავ უწყებებს მოუწოდებს, ჟურნალისტ ნატო გოგელიას სახლში შეღწევისა და ქონების დაზიანების ფაქტი დროულად გამოიძიონ
-
გადახედვაროგორ აისახება ყინულის დნობა დღის ხანგრძლივობაზე? — ახალი კვლევა როგორ აისახება ყინულის დნობა დღის ხანგრძლივობაზე? — ახალი კვლევა
-
გადახედვავინ იქნება Neuralink-ის შემდეგი პაციენტი — რა ვიცით ვინ იქნება Neuralink-ის შემდეგი პაციენტი — რა ვიცით
-
გადახედვა340 000 ლარზე მეტი ოდენობის თანხის თაღლითურად დაუფლების ფაქტზე, ორ პირს ბრალდება წარედგინა 340 000 ლარზე მეტი ოდენობის თანხის თაღლითურად დაუფლების ფაქტზე, ორ პირს ბრალდება წარედგინა
-
გადახედვამამუკა ხაზარაძე: რეალურად, ვდგავართ ძალიან დიდ გზაჯვარედინზე — ან ევროპა ან რუსეთი მამუკა ხაზარაძე: რეალურად, ვდგავართ ძალიან დიდ გზაჯვარედინზე — ან ევროპა ან რუსეთი
-
გადახედვაინტერნეტის სიჩქარე რამდენიმე მილიონჯერ გაზარდეს — როგორ გადაიტანეს წამში 301 ტერაბიტი ინტერნეტის სიჩქარე რამდენიმე მილიონჯერ გაზარდეს — როგორ გადაიტანეს წამში 301 ტერაბიტი
-
-
გადახედვაფრინველის გრიპი ძროხებში ვრცელდება — რა უნდა ვიცოდეთ ფრინველის გრიპი ძროხებში ვრცელდება — რა უნდა ვიცოდეთ
-
გადახედვაახალი სურათი ჩვენი გალაქტიკის შავი ხვრელის მაგნიტური ველის სტრუქტურას გვიჩვენებს ახალი სურათი ჩვენი გალაქტიკის შავი ხვრელის მაგნიტური ველის სტრუქტურას გვიჩვენებს
-
გადახედვა2023 წელს შემცირდა ქორწინების, განქორწინების და შობადობის მაჩვენებელი — საქსტატი დემოგრაფიულ მაჩვენებლებს აქვეყნებს 2023 წელს შემცირდა ქორწინების, განქორწინების და შობადობის მაჩვენებელი — საქსტატი დემოგრაფიულ მაჩვენებლებს აქვეყნებს
-
გადახედვაკვლევის მიხედვით, თაობიდან თაობამდე ტვინების ზომა იზრდება — რას შეიძლება ნიშნავდეს ეს კვლევის მიხედვით, თაობიდან თაობამდე ტვინების ზომა იზრდება — რას შეიძლება ნიშნავდეს ეს
-
გადახედვაახალგაზრდებმა ზეწოლა არ უნდა იგრძნონ, თუ ადრეულ ასაკში სექსი არ აქვთ — რებელ უილსონი ახალგაზრდებმა ზეწოლა არ უნდა იგრძნონ, თუ ადრეულ ასაკში სექსი არ აქვთ — რებელ უილსონი
-
გადახედვალაზარე გრიგორიადისის საქმეზე დასკვნითი სხდომა კვლავ გადაიდო ლაზარე გრიგორიადისის საქმეზე დასკვნითი სხდომა კვლავ გადაიდო
-
გადახედვა2026 წელს ასტრონავტები მთვარეზე მცენარეებსაც წაიღებენ 2026 წელს ასტრონავტები მთვარეზე მცენარეებსაც წაიღებენ
-
გადახედვაBlack Sea Arena-ზე Scorpions და OneRepublic მაისში კონცერტებს გამართავენ Black Sea Arena-ზე Scorpions და OneRepublic მაისში კონცერტებს გამართავენ
-
გადახედვააზერბაიჯანი ევროკავშირისა და აშშ-ის სომხეთთან დაგეგმილი შეხვედრის გამო აღშფოთებულია აზერბაიჯანი ევროკავშირისა და აშშ-ის სომხეთთან დაგეგმილი შეხვედრის გამო აღშფოთებულია
კომენტარები