თუ კითხვაც გიყვართ და მოგზაურობაც, სავარაუდოდ, ახალ ქვეყანაში ჩასვლისას წიგნის მაღაზიებს სტუმრობთ. პატარა მყუდრო მაღაზიებს გარკვეული ხიბლი აქვთ, მაგრამ წიგნების მრავალფეროვნების მხრივ კონკურენციას ვერ უწევენ დიდ მაღაზიებს.

ჩვენ გთავაზობთ წიგნის მაღაზიებს მთელი მსოფლიოს გარშემო, რომელთაც აუცილებლად უნდა ეწვიოთ:

პაუელის წიგნის მაღაზია

პოლონეთი, ორეგონი

ფოტო: heatherflowernicole on Instagram

პაუელის წიგნის მაღაზია შთამბეჭდავი სიდიდით გამოირჩევა, აქ მილიონამდე წიგნის ნახვაა შესაძლებელი.

მზარეული და წიგნი

ბრიუსელი, ბელგია

ფოტო: aysemtrc on Instagram

ეს მაღაზია კულინარიული წიგნების მოყვარულთათვის ნამდვილი სამოთხეა. სივრცე რვა თემატურ სექციად არის გაყოფილი კვების სფეროების მიხედვით. აქ ვერც ის ადამიანები მოიწყენენ, რომელთაც კითხვა არ უყვართ. მუსიკისა და ღვინის ოთახი არავის ტოვებს გულგრილს.

ჯონ კინგი და იშვიათი წიგნები

დეტროიტი, მიჩიგანი

ფოტო: ninalenore on Instagram

დეტროიტის ამ მაღაზიაში ბუკინისტური წიგნებია განთავსებული. იმის გამო, რომ კოლექციას ყოველდღიურად უამრავი ახალი წიგნი ემატება, კომპიუტერული საძიებო სისტემა მაღაზიას არ აქვს. სამაგიეროდ, თანამშრომლებმა იციან, რომელი წიგნი სად დევს. თუ მათი დახმარებით სარგებლობა არ გსურთ, შეგიძლიათ მთელი დღე ათვალიეროთ ეს ვინტაჟური თაროები.

ვოთერსთოუნსი

ლონდონი, ინგლისი

ფოტო: bglosli on Instagram

ფოტო: littlebundleofbooks on Instagram

ვოთერსთოუნსი ყველაზე დიდი წიგნის მაღაზიაა დიდ ბრიტანეთსა და ევროპაში. თქვენს განკარგულებაში წიგნებით გადავსებული 6 სართულია.

სტრენდი

ნიუ-იორკი

ფოტო: joyeedeb on Instagram

ფოტო: twirlingpages on Instagram

სტენდი ნიუ-იორკში ყველაზე ცნობილი მაღაზიაა. აქ როგორც ახალი, ასევე ძველი, იშვიათი წიგნების პოვნაც შეგიძლია.

ბუქვორმი

პეკინი, ჩინეთი

ფოტო: ryan_chua on Instagram

ეს კიბე სადღაც გინახავთ, არა? ბუქვორმი ცნობილი ადგილია პეკინში და ის ბიბლიოთეკისა და ბარის ფუნქციასაც ითავსებს. მაღაზია უქმე დღეებში ღამის პირველ საათამდე მუშაობს.

ბართის წიგნები

ოჰაი, კალიფორნია

ფოტო: bartsbooksojai on Instagram

ბართის წიგნების მაღაზია ღია ცისქვეშაა განთავსებული და განსაკუთრებული სისტემით მუშაობს. აიღე რომელი წიგნიც გინდა და დატოვე თანხა, რომელსაც თავად მიიჩნევ მიზანშეწონილად.

ელ ათენიო

ბუეენოს-აირესი, არგენტინა

ფოტო: marischulik on Instagram

მოგაჯადოვათ არქიტექტურამ? ეს წიგნის მაღაზია ერთ დროს თეატრი იყო.

წიგნების სახლი

პეტერბურგი, რუსეთი

ფოტო: ghedsallphoto on Instagram

წიგნების სახლი პეტერბურგში სამ სართულს მოიცავს. აქ არის კაფეც, რომლის ფანჯრებიდანაც საოცარი ხედი იშლება.

ბლექველი

ოქსფორდი, ინგლისი

ფოტო: hl_430 on Instagram

გარედან ბლექველი შეიძლება ვერც შეამჩნიოთ, მაგრამ როცა შიგნით აღმოჩნდებით, სივრცე დაგატყვევებთ. მიწისქვეშა ოთახი, არც მეტი, არც ნაკლები 924 კვ.მ-ია.

ავანგარდული ბიბლიოთეკა

ნანკინი, ჩინეთი

ფოტო: erlingmaria on Instagram

ავანგარდული ბიბლიოთეკის ტერიტორიაზე ადრე ავტოსადგომი იყო, ახლა კი აქ წიგნის უზარმაზარი მაღაზიაა.