ვინ იქნებოდა თბილისის მერობის კარგი კანდიდატი? ამ კითხვაზე პარტია ლელოს ლიდერის, მამუკა ხაზარაძის პასუხი ბიზნესმენი თემურ ჭყონიაა, თუმცა თავად თემურ ჭყონიას თუ დავუჯერებთ, თბილისს ბრედ პიტი უფრო შეეფერება!

მართლაც, რატომ არ უნდა მივცეთ ფანტაზიას გასაქანი, როცა შესაძლოა, იდეალური მერი ჰოლივუდში, საფეხბურთო მოედანზე ან რომელიმე მოდის სახლში იმალებოდეს?! თანაც ბრედ პიტი ერთადერთი როდია, ვისაც ჩვენი მშვენიერი ქალაქის ბედს მივანდობდით!

მაშ ასე, გთავაზობთ 10 ვარსკვლავს, რომელიც თბილისის მერობას ბრედ პიტზე არანაკლებ იმსახურებს:

1. კიანუ რივზი

ფოტო: SPLASH NEWS

ქველმოქმედებით, თავმდაბლობითა და უბრალოებით გამორჩეული კიანუ რივზი უამრავი ადამიანის საყვარელი ვარსკვლავია. ის კარგი მაგალითი იქნებოდა მოქალაქეებისთვის და დარწმუნებული ვართ, მის ქალაქში ყველა ბედნიერი ივლიდა, თუმცა გვგონია, მერობას რომელიმე კაფეში მარტო ჯდომა და წიგნის კითხვა ურჩევნია.

2. ლილი კოლინზი

ფოტო: Lilycollins / Instagram

თბილისი ლილი კოლინზზე მეტად, ალბათ, არც ერთ ვარსკვლავს არ უყვარს. თბილისის მერი რომ იყოს, უპირველეს ყოვლისა, თბილისის კედლის მხატვრობას ააყვავებდა, რათა ფოტოების გადაღება ყველგან შეძლებოდა. თუ არ იცი, რას ვგულისხმობთ, მის მოგზაურობის დღიურებს გადახედე.

სად იყო პარიზი, როცა ლილი კოლინზი თბილისიდან და ბათუმიდან პოსტავდა

3. დემნა გვასალია

ფოტო: Geoffroy Van De Hasselt / Getty Images

მას შემდეგ, რაც თავისი შემოქმედებით თბილისი და საქართველო მთელ მსოფლიოს გააცნო, ბალენსიაგას კრეატიული დირექტორი და ბრენდ Vetements-ის დამფუძნებელი თბილისის მერობას ნამდვილად იმსახურებს! სხვა ყველა სიკეთესთან ერთად, ჩვენს ქუჩის ჩაცმულობაზეც აქტიურად იზრუნებდა, თავადაც შთაგონების ახალ წყაროებს მიაგნებდა და თანამდებობის დატოვების შემდეგ, მსოფლიოს გაოცებასაც არასდროს შეწყვეტდა.

4. მერილ სტრიპი

ფოტო: Getty Images

თუ გვკითხავ, რატომაა მერილ სტრიპი თბილისის მერობის ერთ-ერთი საუკეთესო კანდიდატი, ჩვენც კითხვითვე გიპასუხებთ: რატომ არაა მერილ სტრიპი თბილისის მერობის საუკეთესო კანდიდატი? საოცარი კარიერის გარდა, ნიჭიერი და ქარიზმატული მერილ სტრიპი ქველმოქმედებაშიც აქტიურადაა ჩართული და ქალთა ისტორიის ეროვნული მუზეუმის წარმომადგენელიცაა. მოკლედ, ქალაქის ბედს ჩვენს საყვარელ მერილს დიდი სიამოვნებით მივანდობდით!

10 საინტერესო ფაქტი ლეგენდარული მერილ სტრიპის შესახებ

5. ტომ ჰოლანდი

ფოტო: Getty Images

ტომ ჰოლანდი რომ თბილისის მერი იყოს, ქალაქში ერთი საიდუმლოც კი არ იარსებებდა! სპოილერების ხელმწიფე და მისი პრესსამსახური საზოგადოებას ვერაფერს დაუმალავდა და ჟურნალისტებს ყოველი პროექტისა თუ სამომავლო გეგმის შესახებ წინასწარ ჩაუკაკლავდა ყველაფერს!

10 სახალისო შემთხვევა, რომლითაც ტომ ჰოლანდმა თავი ყველას შეგვაყვარა

6. კრისტოფერ ნოლანი

ფოტო: Camilla Morandi/Cannes/Ipa/Shutterstock

თუ კრისტოფერ ნოლანის დროისადმი დამოკიდებულებას გავითვალისწინებთ, საქართველოსა და თბილისში კომენდანტის საათის საჭიროება არც მანამდე და არც მომავალში არ იქნებოდა. თანაც ჩვენი საყვარელი რეჟისორი საქმეს ისე მოაწყობდა, რომ საცობში დროს კი არ დავკარგავდით, არამედ — დავზოგავდით. ამას როგორ იზამდა, ისევე ვერ გავარკვევდით, როგორც მის ფილმებს ვერ ვიგებთ ბოლომდე.

7. ენდრიუ სკოტი

ფოტო: Getty Images

სადაც გენიალურ შერლოკ ჰოლმსს უწევდა ღირსეულ მეტოქეობას, თბილისის მერობას როგორ ვერ გაუმკლავდებოდა?! გარდა იმისა, რომ თბილისში პრაიდის ჩატარებას ხელს შეუწყობდა, მასში მონაწილეობას პირადადაც მიიღებდა!

8. ფიბი უოლერ-ბრიჯი

ფოტო: BBC

ფიბი აქტიურად დაგეგმავდა სახალისო ღონისძიებებსა და სთენდაფებს და მუდამ ჩვენს გამხნევებაზე იზრუნებდა. მისი დახმარებით, ქალაქში სიცილი-კისკისი და ბედნიერება დაისადგურებდა!

9. ემა უოტსონი

ფოტო: Getty Images

ჩვენი პატარა ჰერმიონი გაიზარდა და ამჟამად გაეროს ქალთა ორგანიზაციის კეთილი ნების ელჩია. ემა აქტიურად მუშაობს განათლების ხელმისაწვდომობისა და ქალთა უფლებების დაცვის კუთხით, ამიტომ დარწმუნებული ვართ, თბილისის მერობის შემდეგ განათლების მინისტრად ან პრეზიდენტადაც კი მოგვევლინებოდა!

10. ლეონარდო დიკაპრიო

ფოტო: NINA PROMMER / Shutterstock

ადამიანი, რომელმაც ცივ ოკეანეში ხის ნაფოტი ქეით უინსლეტს დაუთმო, ქალაქს ცივ ნიავს არ მიაკარებდა! თანაც ლეონარდო აქტიურადაა ჩართული გარემოსდაცვით კამპანიებსა და აქტივობებში და დარწმუნებული ვართ, თბილისის გამწვანებას განსაკუთრებულ ყურადღებას მიაქცევდა.

ბონუსი: კრიშტიანუ რონალდუ

ფოტო: Getty Images

თემურ ჭყონიას ხათრით, კრიშტიანუ რონალდუ ათეულში ვერ მოვახვედრეთ, მაგრამ სიას მის გარეშე ნამდვილად ვერ დავასრულებდით. წარმატებული ფეხბურთელი მერად? რატომაც არა?! იმის გარდა, რომ ჯანსაღი ცხოვრების წესს გაუწევდა პოპულარიზაციას, ვარსკვლავი, რომელსაც ინსტაგრამზე ყველაზე ბევრი გამომწერის ჰყავს, თბილისში ტურისტებსაც მოიზიდავდა.

თუ თბილისში მიმდინარე ამბები და მოვლენები გაინტერესებს, შემოგვიერთი ჯგუფში რა ხდება თბილისში.