ზოგადად მაყურებლის გარკვეული ნაწილი, არ არის მიუზიკლების მოყვარული, ამიტომ უკეთესია თუკი სანამ კინოთეატრში შეხვალ და იქ საუბრის ნაცვლად სიმღერა დაგხვდება, ფილმის შესახებ რაღაც ინფორმაციას ფლობდე.

In The Heights ახალი ფილმია, რომლის ნახვაც უკვე შეგიძლია ქართულ კინოთეატრებში. ჩვენ კი მის შესახებ 8 ფაქტს გაგაცნობთ, რაც შენს გამოცდილებას უფრო საინტერესოს გახდის.

1. In The Heights-ის დებიუტი ბროდვეიზე შედგა

როგორც ბევრი სხვა მიუზიკლის, In The Heights-ის კარიერაც სწორედ ბროდვეიზე იწყება. მისი პრემიერა 2008 წელს შედგა და მიუზიკლმა მალევე მიიპყრო კრიტიკოსების ყურადღება.

2. მისი შემქმნელია ლინ მანუელ მირანდა

ლინ მანუელ მირანდა, ანუ როგორც მას მე ვეძახი, ადამიანი მზის სხივი, ფართო საზოგადოებისთვის ცნობილი მას შემდეგ გახდა, რაც მიუზიკლი Hamilton შექმნა. დიდი ხნის განმავლობაში, სერიალების მოყვარულებისთვის, ის უცნაური პერსონაჟი იყო, რომელიც თქვენი საყვარელი სერიალის ერთ-ერთ ეპიზოდში ჩნდებოდა და რეპავდა.

მაგალითი 1: How I met your mother

მაგალითი 2: House MD

3. მთავარი როლის შემსრულებელი ჰამილტონის ვარსკვლავია

ლინ მანუელ მირანდას გარდა, მიუზიკლს ჰამილტონთან ენტონი რამოსიც აკავშირებს. ფილმის რეჟისორს მისი როლზე დამტკიცება არ სურდა, რადგან ნაკლებად ცნობილ მსახიობს ანიჭებდა უპირატესობას. მაგრამ როცა ფილმს ნახავ, თქვენც დარწმუნდები რომ რამოსი იდეალურად ერგება უსნავის როლს.

4. განსხვავებული გადაღების სტილი

ფილმში ორი მთავარი სასიყვარულო ისტორიაა, რომელსაც რეჟისორი სხვადასხვა სტილში იღებს. უსნავის და კლაუდიას ისტორია, ერთი გრძელო კადრითაა გადაღებული, ხოლო ნინასა და ბენის ისტორიას უფრო ზღაპრული სტილი აქვს, რაც კინოენის ჯადოსნურობის სიმბოლოა.

5. მიუზიკლი უხდება თბილისის ამინდს

თუკი ცხელმა დღეებმა დაგღალა, სწორედ ეს მიუზიკლია შენთვის. ძალიან სასიამოვნოა, როდესაც გრილი კინოთეატრიდან დიდ აუზში მოცეკვავე პერსონაჟებს უყურებ, რომლებიც ზუსტად ისე ებრძვიან სიცხეს, როგორც თქვენ.

6. მუსიკის განსხვავებული სტილი

In The Heights სხვა მიუზიკლებისგან იმით გამოირჩევა, რომ განსხვავებული მუსიკალური სტილი აქვს. ზოგადად, ძალიან იშვიათია მიუზიკლში პერსონაჟების რეპის მოსმენა. ლინ მანუელ მირანდას კი იდეალურად შეუძლია სხვადასხვა მუსიკალური ჟანრების ერთმანეთში შერწყმა.

7. West Side Story-ის მეზობელი მიუზიკლი

კინომიუზიკლების მოყვარულებისთვის წელს ძალიან დატვირთული წელია. გარდა In The Heights-სა, ეკრანზე West Side Story გამოდის, რომლის რეჟისორიც არც მეტი, არც ნაკლები სტივენ სპილბერგია. ორივე მიუზიკლი 2019 წელს გადაიღეს, გადასაღები მოედანი იმდენად ახლოს იყო ერთმანეთთან, რომ ხშირად West Side Story-ის ტექნიკა In The Heights-ის კადრშიც კი ჩანდა. როგორც ფილმის რეჟისორი ხუმრობს: "ხანდახან გვიწევდა დაგვეყვირა 'სტივენ სპილბერგ, გაიყვანე შენი მანქანა აქედან'".

8. კინოთეატრიდან ძალიან კარგ ხასიათზე გამოხვალთ

მიუზიკლების ერთ-ერთი ყველაზე დიდი დადებითი თვისება ჩვენი განწყობის ამაღლების უნარია. სხვა ფილმებს არც ეს ჩამოუვარდება. მუსიკა, ცეკვა, მხიარული პერსონაჟები, თემები, რომლებსაც ისინი განიხილავენ — ყველაფერი ჩვენი განწყობის ასამაღლებლად კეთდება. ამიტომ, მერწმუნეთ, კინოთეატრიდან ძალიან ბედნიერი გამოხვალთ.