შეიქმნა სამთავრობო კომისია, რომელიც დეოკუპაციისა და კონფლიქტების მშვიდობიანი მოგვარების სტრატეგიას შეიმუშავებს
პრემიერმინისტრმა ღარიბაშვილმა ახალი სამთავრობო კომისია შექმნა. მთავრობის ინფორმაციით, კომისია შეიმუშავებს და განახორციელებს სტრატეგიას დეოკუპაციისა და კონფლიქტის მშვიდობიანი მოგვარების შესახებ.
მთავრობის სხდომის შემდეგ საგარეო საქმეთა მინისტრმა, დავით ზალკალიანმა განმარტა, რომ კომისიას საგარეო საქმეთა სამინისტრო უხელმძღვანელებს და კოორდინაციას გაუწევს.
"ჩვენი მიზანი და ამბიციაა, შევქმნათ საერთო ეროვნული პროცესი და ერთობლივად შევიმუშაოთ ერთიანი სახელმწიფოებრივი მიდგომა და სტრატეგიული ხედვა დეოკუპაციის და კონფლიქტის მშვიდობიანი მოგვარების მიმართულებით", — დასძინა ზალკალიანმა.
მისი თქმით, ეს იქნება უაღრესად საპასუხისმგებლო და ყოვლისმომცველი პროცესი, რომელშიც ჩართული იქნება საზოგადოების ყველა სეგმენტი, როგორც სახელმწიფო უწყებები და ინსტიტუტები, ასევე, სამოქალაქო საზოგადოება, კვლევითი ცენტრები, ანალიტიკური ცენტრები, არასამთავრობო ორგანიზაციები, ექსპერტები, კონფლიქტის შედეგად დაზარალებული ადამიანები და ა.შ. მინისტრის ინფორმაციით, წლის ბოლომდე არაერთი შეხვედრა და კონსულტაცია გაიმართება და საბოლოოდ, ერთობლივად შეიმუშავებენ სახელმწიფო ხედვას "ხვალინდელი სამშვიდობო პოლიტიკის და ოკუპაციის ძირითად პრიორიტეტულ მიმართულებებთან დაკავშირებით".
"იმ პირობებში, როდესაც ჩვენს რეგიონში უმწვავესი უსაფრთხოების გარემო შეიქმნა და ქვეყანა ახალი ურთულესი გეოპოლიტიკური გამოწვევების წინაშე დადგა, პარალელურად კი, აფხაზეთისა და ცხინვალის რეგიონში ყოველდღიურად მძიმდება ჰუმანიტარული სიტუაცია, აუცილებელია, ამ მიმართულებით ჩვენ პოლიტიკა იყოს პროაქტიული და კიდევ უფრო ეფექტიანი, ქმედითი, კონკრეტული ნაბიჯები გადავდგათ და სწორედ ამ დეოკუპაციის სტრატეგიაში, რომელსაც შეიმუშავებს ეს კომისია, იქნება გაწერილი ყველა ეს ძირითადი მიმართულება", — აცხადებს ზალკალიანი.
მისი ინფორმაციით, სტრატეგიას ორი მიმართულება ექნება: დეოკუპაცია და ჩართულობის გაზრდა, სიკეთეების გაზიარება. მინისტრი განმარტავს, რომ დეოკუპაციის ნაწილში დოკუმენტში განხილული იქნება 2008 წლის ცეცხლის შეწყვეტის შეთანხმება, ასევე, რა ნაბიჯები უნდა გადაიდგას საერთაშორისო უსაფრთხოების მექანიზმების განმტკიცებისთვის, იძულებით გადაადგილებულ პირთა დაბრუნებისთვის, ძალის არგამოყენების ვალდებულების რუსეთის მხრიდან შესრულებისთვის, ასევე, ადგილზე არსებული მძიმე ჰუმანიტარული პირობები. რაც შეეხება ჩართულობას, დავით ზალკალიანი ამბობს, რომ აქ იქნება ოკუპირებულ ტერიტორიებზე მცხოვრები ადამიანებისთვის ევროკავშირში ინტეგრაციის კუთხით სიკეთეების გაზიარებას, მათ შორის, ღრმა და ყოვლისმომცველი თავისუფალი ვაჭრობის, ასევე, თავისუფალი გადაადგილების შეთავაზებით, განათლების სისტემის კუთხით და ა.შ.
ზალკალიანმა თქვა ისიც, რომ საგარეო საქმეთა სამინისტროს უკვე აქვს სტრატეგია, რომელშიც დეოკუპაცია ერთ-ერთი მთავარი მიმართულებაა, თუმცა ახალი დოკუმენტი უფრო მეტი ჩართულობით მომზადდება და ლეგიტიმაციის უფრო მაღალი ხარისხი ექნება.
"ანუ კომისია შედგება ყველა უწყებისგან, ყველა შესაბამისი სამინისტროსგან, ჩვენ, საგარეო საქმეთა სამინისტრო გავუწევთ კოორდინაციას, ყველა თავისი მიმართულებით განსახორციელებელ ნაბიჯს დააკორდინირებას და გვექნება, ასევე, ჩართულობა არასამთავრობოების მხრიდან, სამოქალაქო საზოგადოების მხრიდან, იმისთვის, რომ მათი პოზიციები და წინადადებები იყოს გათვალისწინებული", — განმარტა ზალკალიანმა.
საქართველოს მთავრობის ინფორმაციით, სტრატეგია წლის ბოლომდე უნდა შემუშავდეს. მათივე განცხადებით, პარალელურად, ინტენსიური სამუშაო პროცესი წარიმართება საქართველოს სტრატეგიულ პარტნიორებთან, რათა საერთაშორისო თანამეგობრობის პროაქტიული და ეფექტიანი ჩართულობით აქტიურ მოქმედებაში იყოს მოყვანილი ქვეყნის დეოკუპაციისა და კონფლიქტის მშვიდობიანი მოგვარების პროცესი.
-
გადახედვაბრიტანულმა კომპანიამ "უჩინმაჩინის ფარის" გაყიდვა დაიწყო ბრიტანულმა კომპანიამ "უჩინმაჩინის ფარის" გაყიდვა დაიწყო
-
გადახედვაNASA-ს ხელმძღვანელის თქმით, ჩინეთი კოსმოსში გასაიდუმლოებულ სამხედრო ექსპერიმენტებს ატარებს NASA-ს ხელმძღვანელის თქმით, ჩინეთი კოსმოსში გასაიდუმლოებულ სამხედრო ექსპერიმენტებს ატარებს
-
გადახედვასაერთაშორისო კოსმოსურ სადგურში ბაქტერიებმა მუტაცია განიცადეს საერთაშორისო კოსმოსურ სადგურში ბაქტერიებმა მუტაცია განიცადეს
-
-
-
გადახედვააპრილში მოსამართლეების სახელფასო დანამატებისთვის 1 მილიონ 300 ათას ლარზე მეტია გაწერილი აპრილში მოსამართლეების სახელფასო დანამატებისთვის 1 მილიონ 300 ათას ლარზე მეტია გაწერილი
-
გადახედვამეცნიერებმა გადაშენების საფრთხის ქვეშ მყოფი ქრცვინის კლონები შექმნეს მეცნიერებმა გადაშენების საფრთხის ქვეშ მყოფი ქრცვინის კლონები შექმნეს
-
გადახედვაროგორია ჰიპოთეზური ნაწილაკი, რომელიც "სინათლის სიჩქარეზე სწრაფად მოძრაობს" — კვლევა როგორია ჰიპოთეზური ნაწილაკი, რომელიც "სინათლის სიჩქარეზე სწრაფად მოძრაობს" — კვლევა
-
გადახედვაჯანდაცვის მინისტრს ახალი მოადგილეები ჰყავს — რა ვიცით მათზე ჯანდაცვის მინისტრს ახალი მოადგილეები ჰყავს — რა ვიცით მათზე
-
-
გადახედვაზოგადი განათლების ეროვნული მიზნების დოკუმენტის საბოლოო პროექტი მომზადდა — რას ითვალისწინებს ზოგადი განათლების ეროვნული მიზნების დოკუმენტის საბოლოო პროექტი მომზადდა — რას ითვალისწინებს
-
-
-
გადახედვაNASA-ს ზონდმა იუპიტერის თანამგზავრზე ლავის ტბა დააფიქსირა — ნახეთ ვიდეო NASA-ს ზონდმა იუპიტერის თანამგზავრზე ლავის ტბა დააფიქსირა — ნახეთ ვიდეო
-
-
-
გადახედვასაოკუპაციო ძალების წარმომადგენლებმა, ქარელის რაიონში უკანონოდ დააკავეს საქართველოს 2 მოქალაქე საოკუპაციო ძალების წარმომადგენლებმა, ქარელის რაიონში უკანონოდ დააკავეს საქართველოს 2 მოქალაქე
-
გადახედვა25 აპრილს საქართველოში, შესაძლოა, 38 გრადუსი დაფიქსირდეს 25 აპრილს საქართველოში, შესაძლოა, 38 გრადუსი დაფიქსირდეს
-
-
გადახედვაემინემმა 16-წლიანი სიფხიზლის აღსანიშნად ინსტაგრამზე მონეტის ფოტო გააზიარა ემინემმა 16-წლიანი სიფხიზლის აღსანიშნად ინსტაგრამზე მონეტის ფოტო გააზიარა
-
კომენტარები