ჩვენ ხშირად გავღიზიანებულვართ იმით, რომ ხანშიშესული ადამიანები კომპიუტერსა და მობილურს ვერ იყენებენ.

როგორც ჩანს, გამონაკლისებიც არსებობენ. 81 წლის მოხუცმა ქალმა, რომელიც კომპიუტერთან პირველად ოცი წლის წინ დაჯდა, აპლიკაციების შექმნა დაიწყო და თავი მთელ მსოფლიოს გააცნო. მასაკო ვაკამია 43 წლის განმავლობაში იაპონიის ბანკში მუშაობდა, კომპიუტერით სარგებლობა კი პენსიაზე გასვლის შემდეგ, 60 წლის ასაკში ისწავლა.

მასაკო ვაკამიას ეკუთვნის იაპონელებისთვის საყვარელი თამაში, რომელსაც მან Hinadan-ი დაარქვა. სათაური იაპონური სიტყვიდან გამომდინარებს, რომელშიც Hina ნიშნავს თოჯინას, ხოლო dan - იარუსს. თამაშის იდეაც სწორედ ესაა - ტრადიციული იაპონური სათამოშოები სწორად უნდა დაალაგოთ. მას შემდეგ, რაც მოთამაშე სწორად დაალაგებს სათამაშოებს, მისალოცი ტექსტი ჩნდება ეკრანზე.

ფოტო: NG YI SHU/MASHABLE

აპლიკაციის იდეა 81 წლის ქალბატონს იაპონური თოჯინების ფესტივალის ტრადიციიდან გაუჩნდა, რომელსაც ჰინამაცური ქვია. ამ ფესტივალს მეორენაირად ქალების დღედაც მოიხსენიებენ. ის ყოველ წელს 3 მარტს იმართება.

საკუთარი გამოცდილების შესახებ მასაკო ვაკამიამ TED-ის აუდიტორიასაც უამბო. მან ხაზი გაუსვა უფროსი თაობის ტექნოლოგიურ განვითარებაში ჩართვის აუცილებლობას.

81 წლის იაპონელის მიერ შექმნილი აპლიკაციის გადმოწერა Apple App Store-დან შეგიძლიათ.