NEXT.On.ge სამეცნიერო და ტექნოლოგიური ჟურნალისტიკის “ზეახალი ვარსკვლავების” ძებნას იწყებს. სამეცნიერო და ტექნოლოგიური გამოცემა აცხადებს სამთვიან საზაფხულო სტაჟირების პროგრამას ცნობისმოყვარე და გამოცდილებისთვის ღია 16 წელს ზემოთ ახალგაზრდებისთვის.

"სადაც არ უნდა იყო:

  • თუ ხარ მეცნიერებითა და ტექნოლოგიებით დაინტერესებული ახალგაზრდა;
  • თუ ცნობისმოყვარეობა არ გასვენებს და ყოველ დღე ახალი რამის გაგება/სწავლა გინდა;
  • თუ ამბების დეტალებში ჩაკირკიტება და რთული ამოცანების ამოხსნა გჩვევია;
  • თუ ხშირად სვამ კითხვებს, რომლებიც იწყება სიტყვებით — რატომ და როგორ?
  • თუ კოსმონავტობაზე გიოცნებია, ან მოწყობილობის დანახვისას ავტომატურად იმაზე ფიქრობ, თუ რა ხდება მის შიგნით;
  • თუ ამბობენ, რომ “წერა შენი საქმეა”.

გაიარე NEXT.On.ge-ის საზაფხულო სტაჟირება. ჩვენ გასწავლით ყველაფერს, რაც სამეცნიერო/ტექნოლოგიურმა ჟურნალისტმა უნდა იცოდეს. სტაჟირება იქნება დისტანციური, შესაბამისად, რეგიონებიდანაც თამამად შეგიძლია ჩაგვერთო. გექნება საშუალება, მიიღო სტიპენდია და ჩვენი გუნდის წევრი გახდე.

თუ ჩვენი სტაჟირების გავლა მოგინდა, 5 ივნისამდე გადადი ამ ბმულზე, უპასუხე კითხვებს და დაელოდე ჩვენს გამოხმაურებას. (დავუკავშირდებით მხოლოდ შერჩევის მეორე ეტაპზე გადასულ კანდიდატებს)", — ნათქვამია NEXT.On.ge-ის მიერ გავრცელებულ განცხადებაში.