ხანდახან დაუჯერებელი, დამაინტრიგებელი და უზომოდ საინტერესო ისტორიის შესაქმნელად ფანტაზია სულაც არ გჭირდება, რეალურ ცხოვრებაშიც შეგიძლია გადააწყდე მას. ასეთი ამბებით გამოირჩევა პამელა ანდერსონის ბიოგრაფიაც, რომლის ერთ-ერთ მონაკვეთზე მალე ახალ სერიალსაც ვიხილავთ.

Tom and Pammy (ტომი და პემი) — ასე ჰქვია მომავალ პროექტს, რომლის შექმნაზეც სტრიმინგ სერვისი Hulu მუშაობს. სერიალი ამერიკელი მუსიკოსი ტომი ლისა და კანადელი მსახიობი პამელა ანდერსონის ურთიერთობის შესახებ მოგვითხრობს, უფრო კონკრეტულად კი იმაზე, თუ როგორ იქორწინა წყვილმა 1995 წელს გაცნობიდან 96 საათში და როგორ გავრცელდა თაფლობის თვიდან ინტერნეტში მათი სექსის მოპარული ვიდეოჩანაწერი.

სერიალში მთავარ როლებს სებასტიან სტენი (ტომი) და ლილი ჯეიმსი (პამელა) ასრულებენ. სულ ცოტა ხნის წინ ამ ამბიციურ როლებში მათი პირველი კადრიც გავრცელდა და მაყურებლის მოლოდინიც ერთი-ორად გაიზარდა.

ტომი და პამელა 2005 წელს

ფოტო: FilmMagic

სებასტიან სტენი და ლილი ჯეიმსი ტომისა და პამელას როლში.

ფოტო: Hulu

Baby Driver-ის, Mamma Mia! Here We Go Again-ისა და Cinderella-ს ვარსკვლავ ლილი ჯეიმსს ვერც კი იცნობთ ახალ როლში, ისე იდეალურად ჰგავს პამელა ანდერსონს.

ფოტო: ERICA PARISE

იგივე შეგვიძლია ვთქვათ სებასტიან სტენზეც, რომელიც სულ ცოტა ხნის წინ გამოჩნდა მარველის სერიალში The Falcon and the Winter Soldier და მალე როკვარსკვლავის როლშიც ვიხილავთ.

მომავალ სერიალში ასევე ითამაშებს სეთ როგენიც, რომელიც იმ კაცს განასახიერებს, ვინც პამელას და ტომის პირადი ჩანაწერი მოიპარა და ინტერნეტში გაავრცელა.

ფოტო: Twitter

სერიალს ტომი და პემი გახმაურებული ფილმის I, Tonya რეჟისორი კრეიგ გილესპი იღებს, რომელიც ასევე რეჟისორია დისნეის ახალი მაღალი მოლოდინების მქონე ფილმისა კრუელა.

ჯერჯერობით პრემიერის ზუსტი თარიღი უცნობია, თუმცა თუ გავითვალისწინებთ იმას, ვის ცხოვრებას ეფუძნება სცენარი და ვინ იღებს მასში მონაწილეობას, წინ ნამდვილად საინტერესო სანახაობა გველის.