რას ამბობს მოსამართლე კლდიაშვილი თავისივე განჩინებაზე TV პირველიდან ჩანაწერების ამოღების შესახებ
მოსამართლე ლაშა კლდიაშვილი, რომელმაც პროკურატურას TV პირველიდან ჩანაწერების ამოღებისა და "იძულების პროპორციული ფორმის" გამოყენების უფლება მისცა ამბობს, რომ მას უწყებისთვის ტელევიზიაში შეჭრის უფლება არ მიუცია. ნოდარ მელაძის შაბათთან მან ისაუბრა, რატომ და როგორ მიიღო ეს გადაწყვეტილება და რისი უფლება მისცა პროკურატურას.
"მართლა წარმოუდგენლად მიმაჩნია, რომ ეს იყო ჩემი მხრიდან იმის დაშვება, რომ მიდით, შეიჭერით", — ეუბნება ის ჟურნალისტს.
კლდიაშვილი ამტკიცებს, რომ პროკურატურისთვის შესაჭრელად მწვავე შუქი არ აუნთია და ამატებს: "დამიჯერეთ, რა". ამავდროულად, ვარაუდობს, რომ პროკურატურა ტელევიზიაში შესვლას არ აპირებს და ამბობს: "მემგონი, არ აპირებს პროკურატურა შევარდნას".
კითხვაზე, აბა რაზე მისცა თანხმობა მან პროკურატურას, კლდიაშვილი ამბობს, რომ ეთერში გასული სიუჟეტის ამოღებაზე.
"იმ სიუჟეტიც რაც გავიდა, იმ მოკლე სიუჟეტის ამოღების. რისთვისაც ალბათ უნდათ საგამოძიებო მოქმედებების ჩატარება, ექსპერტიზა და ასე შემდეგ".
ხოლო დამაზუსტებელ კითხვას, რატომ არ არის ეს განმარტებული განჩინებაში, ასე პასუხობს:
"ხომ ამბობენ თვითონ, შუამდგომლობით რაც მომმართეს, ხომ ჩანს იქ, განჩინებაში".
მისი თქმით, პროკურატურას ჩხრეკის ნებართვა რომ მოეთხოვა, ამის უფლებას არ მისცემდა, რადგან კანონები იცის და ფიქრობს, რომ ჟურნალისტს გამოძიებაში ხელი არავინ უნდა შეუშალოს.
"კიდე ვამბობ, ეს რომ ჩხრეკა ყოფილიყო, არ მივცემდი ნებართვას. ვიცი კარგად კანონები და არ უნდა შევიდეს და არ უნდა შეუშალოს ხელი ჟურნალისტურ გამოძიებას, ჟურნალისტებს თავს არავინ არ უნდა დაესხას. ეს იყო ამოღება და თან როგორც გავიგე, იმ ფორმით გამოაგზავნეს, წერილით, რომ... ანუ, ფაქტია, რომ პროკურატურამ თავი დაიზღვია და ეს რომ არ გამხდარიყო ესეთი ხმაურის ამტეხი, ვთქვათ... მე მეგონა გამომძიებელი მოვიდოდა, თურმე კანცელარიით მოუტანია. ვერ გეტყვით. სხვა აი, არ ვიცი".
კლდიაშვილი ამბობს, რომ განჩინება თანაშემწესთან ერთად თავად დაწერა და ეს ფორმა მას არ მოუგონია, რადგან აქამდე სხვა მოსამართლეებიც იყენებდნენ.
"სამი თვეა მე რაც დავიწყე მუშაობა. ამოიღეთ ძველი განჩინებები, ყველამ იცის ეს. მსგავს განჩინებებში ჩხრეკის ნებართვა იქნება, ამოღების, დაკავების, მითითებული აქვთ, არამარტო მე, წინამოქმედ მოსამართლეებსაც. არ ვიცი მე, ვერ მივხვდი, რატომ გაშუქდა... ეს არ არის, მე არ მომიგონია. გეუბნებით, 3 თვეა დავინიშნე და რაღაც ნიმუშებზე ჩემი სტილი ავაწყვე. [..]
გულწრფელად გეუბნებით, ეს განჩინება, დავჯექი ჩემს თანაშემწესთან ერთად, გავიარეთ ის მასალა, რაც იყო შემოსული და ვუთხარი, ეს, ეს ეს, რაც იყო. აი, ნამდვილად წარმოუდგენლად მიმაჩნდა, რომ ეს მოხდებოდა ასე. არ ვიცი, როგორ შეიძლება ეს დავუმტკიცო ვინმეს", — ამბობს ის.
ვინ არის მოსამართლე კლდიაშვილი
მოსამართლე კლდიაშვილი პროკურატურისა და შინაგან საქმეთა სამინისტროს თანამშრომელი იყო. იუსტიციის უმაღლესი საბჭოს ვებგვერდზე გამოქვეყნებული ბიოგრაფიის მიხედვით:
- 2001-2004 წლებში ის იყო გამომძიებელი თეთრიწყაროს რაიონის პროკურატურაში;
- 2004-2005 წლებში იყო გამომძიებელი ვაკე-საბურთალოს რაიონული პროკურატურაში;
- 2005-2007 წლებში იყო ისანი-სამგორის რაიონული პროკურატურის პროკურორი;
- 2007-2010 წლებში იყო შუახევის რაიონული პროკურატურის პროკურორი;
- 2010-2016 წლებში იყო ხელვაჩაურის რაიონული პროკურატურის პროკურორი;
- 2016 წლის თებერვლიდან აგვისტომდე იყო ქ. თბილისის პროკურატურის პროკურორი.
2016-2017 წლებში მან პროკურატურიდან შინაგან საქმეთა სამინისტროში გადაინაცვლა და გენერალური ინსპექციის საგამოძიებო სამმართველოს უფროსი იყო. 2017-2020 წლებში კი შინაგან საქმეთა სამინისტროს გენერალური ინსპექციის საგამოძიებო სამმართველოს უფროსის მოადგილე.
მოსამართლე ის სამი თვის წინ, 2020 წლის დეკემბერში გახდა. ახლა არის თბილისის საქალაქო სასამართლოს სისხლის სამართლის საქმეთა საგამოძიებო, წინასასამართლო სხდომისა და არსებითი განხილვის კოლეგიის მოსამართლე.
იუსტიციის უმაღლესი საბჭოს არამოსამართლე წევრის, ნაზი ჯანეზაშვილის განცხადებით, ის ერთ-ერთია იმ 36 მოსამართლეს შორის, რომლებიც საბჭომ ნოემბერში ღამით დაამტკიცა.
"მაშინ არ არსებობდა იმის აუცილებლობა, რომ იუსტიციის საბჭოს ამ რეჟიმში მიეღო ასეთი მნიშვნელოვანი გადაწყვეტილებები", — აცხადებს ჯანეზაშვილი.
11 მარტს TV პირველმა მიიღო სასამართლოს განკარგულება, რომლითაც დაკმაყოფილდა პროკურატურის მოთხოვნა ტელეკომპანიიდან ბერა ივანიშვილისა და ირაკლი ღარიბაშვილის საუბრის ჩანაწერების ამოღების შესახებ. განკარგულებაში წერია, რომ თუ TV პირველი არ მიაწოდებს ჩანაწერების შესახებ ინფორმაციას საგამოძიებო მოქმედებების ჩამტარებელ პირს ან ორგანოს, მათ უფლება აქვთ წინააღმდეგობის გაწევისას გამოიყენოს იძულების პროპორციული ზომა.
ტელეკომპანიის წარმომადგენლებმა და სამოქალაქო საზოგაოდებამ ეს მედიაზე ზეწოლის და წყაროს გაცემის იძულების საფრთხედ შეაფასეს. TV პირველში აღნიშნეს, რომ სასამართლომ პროკურატურას ტელევიზიაში შეჭრის უფლება მისცა. მოგვიანებით პროკურატურაში განაცხადეს, რომ განჩინება ინფორმაციის მატარებელი მოწყობილობის ამოღებაზეა და არა ოფისის ჩხრეკაზე. მათი მტკიცებით, ტელევიზიაში შეჭრას არ აპირებენ.
- გვრჩება აღქმა, რომ მოსამართლის ამ განჩინების მიზანს წარმოადგენდა მედიის ტერორი და დაშინება — მელაძე
- განჩინება სამართალდამცავი და სასამართლო სისტემის პოლიტიკური ინტერესებით გამოყენების ეჭვებს აჩენს — TI
- ჩნდება საფრთხე, მედია კიდევ ერთხელ იქცეს პოლიტიკური ანგარიშსწორების სამიზნედ — მედიაკოალიცია TV პირველზე
TV პირველმა 6 მარტს გაავრცელა ჩანაწერები, სადაც, ირაკლი ღარიბაშვილი, ბერა ივანიშვილი და ანზორ ჩუბინიძე, სავარაუდოდ, იმ ადამიანების დასჯას გეგმავენ და განიხილავენ, ვინც ბერა ივანიშვილს აგინებს. ჩანაწერში საუბარია უკვე მომხდარ ფაქტებზეც, რომელთა მოყოლის პროცესში ირაკლი ღარიბაშვილი და ბერა ივანიშვილი იციანიან. ქართული ოცნების დამფუძნებლის შვილი კმაყოფილებას გამოხატავს იმის გამო, რომ მისი გინებისთვის ადამიანები ისჯებიან.
პროკურატურამ აღნიშნულ საქმეზე გამოძიება კერძო საუბრის უკანონო მიყურადების, ჩაწერისა და გავრცელების მუხლით დაიწყო.
უწყება არაფერს ამბობს იმაზე, დაინტერესდა თუ არა სავარაუდო ძალადობის ფაქტებით, რაზეც ჩანაწერშია საუბარი.
პროკურატურის ინფორმაციით, საქმეზე მიმდინარე გამოძიების ფარგლებში, ჩატარდება ყველა საჭირო საგამოძიებო და საპროცესო მოქმედება ჩანაწერის მოპოვების და გავრცელების კანონიერების დასადგენად.
სამი დღის შემდეგ, 9 მარტს, ბერა ივანიშვილმა განაცხადა, რომ 2011 წელს მისი ფანების მშობლებმა ბულინგის შესახებ აცნობეს და დაცვის სამსახურმა "ყველა კანონის, მორალის დაცვით მოინახულა" ისინი. ბერა ივანიშვილმა, ასევე, განაცხადა, რომ თუ ვინმე დედას შეაგინებს, აუცილებლად მოსთხოვს პასუხს დღესაც.
გაიგეთ მეტი:
- ტრი-ტრის არ ვიძახი, იქ ირაკლის ვეძახი "ანტონიის" — ბერა ივანიშვილი
- ბერა: დამკვეთებსაც და შემსრულებლებსაც გავაერთიანებ — მათ დედის სიყვარული არ იციან
- არც კი დავიწყებ კამათს, ავთენტური იყო ეს ჩანაწერი, არ იყო, ამას ჩემთვის მნიშვნელობა არ აქვს — ბერა
- როგორ გავამტყუნო ჩემი ძმაკაცი ამიკო, როცა ვიღაც გიჟის ნაწერს კითხულობს ჩემს დედიკოზე და რეაგირებს — ბერა
- რას პასუხობს ბერა ივანიშვილი კითხვას, როდინდელია ჩანაწერები
- ბერას თქმით, 2011-ში მისი ფანების მშობლებმა ბულინგზე აცნობეს და დაცვის სამსახურმა "ყველა კანონის, მორალის დაცვით მოინახულა"
- თუ ვინმე დედას შემაგინებს, ჩემს ოჯახს შეეხება, პასუხს მოვთხოვ დღესაც — ბერა ივანიშვილი
-
გადახედვაკინოცენტრმა დაფინანსება შეგვიწყვიტა — თბილისის საერთაშორისო კინოფესტივალი კინოცენტრმა დაფინანსება შეგვიწყვიტა — თბილისის საერთაშორისო კინოფესტივალი
-
გადახედვაGPBA: კონსოლიდაცია რუსეთის დამპყრობლურ პოლიტიკასთან ბრძოლის აუცილებელი პირობაა GPBA: კონსოლიდაცია რუსეთის დამპყრობლურ პოლიტიკასთან ბრძოლის აუცილებელი პირობაა
-
გადახედვაშესაძლოა, არამიწიერი სიცოცხლე იისფერი ბაქტერიების სახით არსებობდეს შესაძლოა, არამიწიერი სიცოცხლე იისფერი ბაქტერიების სახით არსებობდეს
-
გადახედვაოზურგეთის საკრებულოს თავმჯდომარის, დავით დარჩიას შვილი: არა რუსულ კანონს! ოზურგეთის საკრებულოს თავმჯდომარის, დავით დარჩიას შვილი: არა რუსულ კანონს!
-
გადახედვაკვლევის თანახმად, მელიები ადამიანების "საუკეთესო მეგობრები" იყვნენ კვლევის თანახმად, მელიები ადამიანების "საუკეთესო მეგობრები" იყვნენ
-
გადახედვალაზარეს განაჩენის სარეზოლუციო ნაწილი პრეზიდენტს ჯერ არ მიუღია — მის მოსამზადებლად, მოსამართლემ 14-დღიანი ვადა აიღო ლაზარეს განაჩენის სარეზოლუციო ნაწილი პრეზიდენტს ჯერ არ მიუღია — მის მოსამზადებლად, მოსამართლემ 14-დღიანი ვადა აიღო
-
გადახედვავახტანგ გომელაური: აქციის მონაწილეები სიტყვიერ შეურაცხყოფას აყენებდნენ პოლიციას, ამის შემდეგ მოხდა დაპირისპირება ვახტანგ გომელაური: აქციის მონაწილეები სიტყვიერ შეურაცხყოფას აყენებდნენ პოლიციას, ამის შემდეგ მოხდა დაპირისპირება
-
გადახედვარა ეწერა რუსთავი 2-ის საინფორმაციოს უფროსის Whatsapp სტატუსში, რომელიც დღეს გამოქვეყნდა და მალევე წაიშალა რა ეწერა რუსთავი 2-ის საინფორმაციოს უფროსის Whatsapp სტატუსში, რომელიც დღეს გამოქვეყნდა და მალევე წაიშალა
-
გადახედვაოცნების დეპუტატის, გია ცაგარეიშვილის შვილი: მედვედევს რაც მოსწონს, დუგინს რაც მოსწონს — ჩვენ ავტომატურად არ მოგვწონს, 2x2 ოცნების დეპუტატის, გია ცაგარეიშვილის შვილი: მედვედევს რაც მოსწონს, დუგინს რაც მოსწონს — ჩვენ ავტომატურად არ მოგვწონს, 2x2
-
-
გადახედვატაბიძეზე მომხდარი დაჭრის ფაქტზე ერთ პირს ბრალი წარუდგინეს ტაბიძეზე მომხდარი დაჭრის ფაქტზე ერთ პირს ბრალი წარუდგინეს
-
გადახედვარატომ გაუჩინარდნენ ევროპის მონადირე-შემგროვებლები რატომ გაუჩინარდნენ ევროპის მონადირე-შემგროვებლები
-
გადახედვასაფრანგეთმა აზერბაიჯანიდან კონსულტაციებისთვის ელჩი გაიწვია საფრანგეთმა აზერბაიჯანიდან კონსულტაციებისთვის ელჩი გაიწვია
-
გადახედვაოცნება ოფშორებთან დაკავშირებულ კანონს ივანიშვილს არგებს, იზრდება კრიმინალური და რუსული კაპიტალის შემოდინების რისკიც — TI ოცნება ოფშორებთან დაკავშირებულ კანონს ივანიშვილს არგებს, იზრდება კრიმინალური და რუსული კაპიტალის შემოდინების რისკიც — TI
-
გადახედვასადგური, რომელსაც ჩინეთის მთავრობა აშენებს, ინტერნეტმა ჰიგიენურ საფენს მიამსგავსა სადგური, რომელსაც ჩინეთის მთავრობა აშენებს, ინტერნეტმა ჰიგიენურ საფენს მიამსგავსა
-
გადახედვაპარლამენტში გომელაურის მოსმენისას ხმაური იყო — პაპუაშვილმა სალომე სამადაშვილს დარბაზი დაატოვებინა პარლამენტში გომელაურის მოსმენისას ხმაური იყო — პაპუაშვილმა სალომე სამადაშვილს დარბაზი დაატოვებინა
-
გადახედვამოუსმინეთ: ტეილორ სვიფტმა ახალი "ორმაგი" ალბომი გამოუშვა 31 სიმღერით მოუსმინეთ: ტეილორ სვიფტმა ახალი "ორმაგი" ალბომი გამოუშვა 31 სიმღერით
-
გადახედვაევროკავშირს კი არა, ყველანაირ დასავლეთს დაგვავიწყებენ, არც ვიზალიბერალიზაცია შეგვრჩება — რას ამბობს ოპოზიცია ოფშორების კანონზე ევროკავშირს კი არა, ყველანაირ დასავლეთს დაგვავიწყებენ, არც ვიზალიბერალიზაცია შეგვრჩება — რას ამბობს ოპოზიცია ოფშორების კანონზე
-
გადახედვაპარლამენტმა ე.წ. ოფშორების შესახებ კანონი დაამტკიცა პარლამენტმა ე.წ. ოფშორების შესახებ კანონი დაამტკიცა
-
გადახედვავენერას ატმოსფეროდან კოსმოსში ნახშირბადი და ჟანგბადი ჟონავს ვენერას ატმოსფეროდან კოსმოსში ნახშირბადი და ჟანგბადი ჟონავს
-
გადახედვაDRI-ის შეფასებით, რუსული კანონის საწინააღმდეგო აქციაზე, ყველა დაკავებულზე ფიზიკურად იძალადეს DRI-ის შეფასებით, რუსული კანონის საწინააღმდეგო აქციაზე, ყველა დაკავებულზე ფიზიკურად იძალადეს
კომენტარები