გეგონათ, ადამიანები რომელიმე ფორმატში არ მოქმედებენ ნერვებზე? სულ ტყუილად. Clubhouse-მა დაამტკიცა, რომ ინტერნეტმომხმარებლები აუდიო ფორმატშიც ისეთივე აუტანლები შეიძლება იყვნენ, როგორც ვიდეოქოლებსა თუ პოსტებში.

Clubhouse-ში საკმარისზე მეტი დრო გავატარეთ იმისთვის, რომ თქვენთვის მოგვეყოლა, რა ტიპის საქციელია მიუღებელი ამ პლატფორმაზე:

1. სპიკერებში ასვლის შემდეგ ჩართული მიკროფონის დატოვება

რატომ გადაგვიწყვიტე, რომ შხრიალის მოსმენა გვინდა?

2. სხვისთვის რიგში ჩახტომა, როცა მოდერატორი რიგრიგობით აძლევს სპიკერებს სიტყვას

უკაცრავად, თქვენამდე ვიდექით აქ!

3. საუბრის ძალიან შორიდან დაწყება

ზოგადად, თანამედროვე სამყაროში ტექნოლოგიები განვითარდა და ვინ წარმოიდგენდა, რომ ასე ვისხდებოდით და ვილაპარაკებ.... wrap it up, Karen

4. იმაზე საუბარი, რომ პარალელური ოთახი უფრო საინტერესოა

წარმოიდგინეთ, ეს რომ სტუმარმა გითხრათ: კი კარგია ეს თქვენი სუფრა, მაგრამ გვერდზე ნანული დეიდას უგემრიელესი ტოლმა ჰქონია, გავიგე

5. ზედმეტი მლიქვნელობა

"ასეთი საოცარი ოთახი არსად არ მინახავს, ასეთი შესაშური მოდერაცია, სად ნახავ, ასე რომ იღვრებოდეს ჭეშმარიტება და ეს ყველაფერი უფასოდ!"

6. იმის თქმა, რომ "მხოლოდ ერთ რამეს იტყვი" და მერე საკუთარი ბიოგრაფიის მოყოლა

არ სჯობდა, ეს ყველაფერი ბიოში ჩაგეწერა? ნახე, ზუსტად ასე ჰქვია: ბ ი ო!

7. ზუსტად იმის გამეორება, რაც წინა მსმენელმა თქვა

ეს ის შემთხვევააა, როცა გამეორება ბრაზის დედაა.

8. ოთახის შექმნა, ხალხის შეკრება და მერე უცერემონიოდ გასვლა

აი, ეს არის ლიდერი, რომელსაც არ ვიმსახურებთ.

9. ღამის 12 საათის შემდეგ ძალიან ხმამაღლა საუბარი

ფოტო: Lilla Bardenova

ეს მხოლოდ ემიგრანტებს ეპატიებათ.

10. იმ ტემპით საუბარი, რომლითაც ილია II ქადაგებს

ჩქარა რამე მოიფიქრე, თორემ დაგვენგრა ოთახი!


უკვე ხარ Cloubhouse-ის წევრი? მოძებნე On.ge Club და არ გამოტოვო ჩვენი სახალისო, საინტერესო და მრავალფეროვანი ოთახები.