რა ხდება პრემიერმინისტრის გადადგომის შემდეგ
პრემიერმინისტრი, გიორგი გახარია თანამდებობიდან გადადგა. ეს გადაწყვეტილება მან ნიკა მელიას საქმესთან დაკავშირებით განვითარებული მოვლენებით ახსნა. მეტიც — მიუხედავად იმისა, რომ წლების განმავლობაში ქართული ოცნება სასამართლოს დამოუკიდებლობას გვიმტკიცებდა, გახარიას გადადგომის შემდეგ, ირაკლი კობახიძემაც თქვა, რომ უთანხმოება სასამართლოს გადაწყვეტილების აღსრულების ვადებს უკავშირდებოდა.
ცნობები გახარიას შესაძლო გადადგომაზე დიდი ხანია ვრცელდება, თუმცა დღევანდელი განცხადება მაინც მოულოდნელი აღმოჩნდა. ვითარებას ამწვავებს პარლამენტსა და ოპოზიციაში შექმნილი დაძაბული გარემოც. მიუხედავად კრიზისისა, კონსტიტუციის მიხედვით არსებობს გარკვეული ვადები, რომელიც მმართველმა გუნდმა უნდა გაითვალისწინოს ახალი პრემიერმინისტრობის კანდიდატის წარდგენისთვის.
კონსტიტუციის 56-ე მუხლის მიხედვით, პრემიერმინისტრის გადადგომიდან ორი კვირის ვადაში, ის პარტია, რომელსაც არჩევნებში საუკეთესო შედეგი აქვს, და ეს ამ შემთხვევაში ქართული ოცნებაა, ასახელებს პრემიერმინისტრობის კანდიდატს, რომელმაც მთავრობა უნდა წარადგინოს. მინისტრთა კაბინეტი პარლამენტმა უნდა დაამტკიცოს. საკანონმდებლო ორგანოს წარედგინება სამთავრობო პროგრამაც.
პარლამენტმა მთავრობას ნდობა პრემიერმინისტრის გადადგომიდან 2 კვირის ვადაში უნდა გამოუცხადოს და ეს ორი კვირა აითვლება პრემერმინისტრის გადადგომის მომენტიდან, ანუ დღეიდან.
პრემიერმინისტრის დანიშვნისთვის პარლამენტის სრული შემადგენლობის უმრავლესობის მხარდაჭერაა საჭირო, ანუ ახალი მთავრობა 150 დეპუტატიდან მინიმუმ 76-მა უნდა აირჩოს. ამ პროცედურის ჩავარდნის შემთხვევაში, არსებობს კიდევ ერთი შესაძლებლობა — ახალი პრემიერმინისტრის კანდიდატურას პარლამენტი წარადგენს, რომელმაც მთავრობის წევრები უნდა დაასახელოს და სწორედ ამ შემადგენლობას უყრის კენჭს პარლამენტი. თუ ვერც ეს შესაძლებლობა იქნა გამოყენებული, გამოდის, რომ პარლამენტი მთავრობის ფორმირების ვერ ასრულებს, ამიტომ პრეზიდენტი ორკვირიანი ვადის ამოწურვიდან არაუადრეს 2 და არაუგვიანეს 3 კვირისა დაითხოვს პარლამენტს და დანიშნავს პარლამენტის რიგგარეშე არჩევნებს.
მართალია, რეალურად საქართველოს პარლამენტში 150 დეპუტატი არ არის, რადგან ოპოზიციამ მანდატებზე უარი თქვა, მაგრამ ფორმალურად ისინი პარლამენტის წევრებად რჩებიან, რადგან ქართულმა ოცნებამ მანდატების გაუქმებაზე უარი თქვა. ანუ ეს პროცესი ახალი მთავრობის დამტკიცებას ხელს არ შეუშლის, მით უმეტეს, თუ გავითვალისწინებთ, რომ ქართულ ოცნებას 90 დეპუტატი ჰყავს. პროცესი მხოლოდ ერთ შემთხვევაში შეიძლება გართულდეს — თუ მმართველ პარტიაში აზრთა სხვადასხვაობა იქნება და კონკრეტულ კანდიდატებზე ვერ შეთანხმდებიან.
კონსტიტუციონალისტი, დავით ზედელაშვილი On.ge-სთან განმარტავს, რომ თუ საპარლამენტო უმრავლესობა ვერ შენარჩუნდება და დაიშლება, შედეგი რიგგარეშე არჩევნები იქნება.
"თუ პარლამენტში ნარჩუნდება მყარი საპარლამენტო უმრავლესობა, ეს ნიშნავს, რომ ისინი ახალ პრემიერმინისტრს ირჩევენ, თუ საპარლამენტო უმრავლესობა ვერ ნარჩუნდება და შიგნით იშლება — არა. შესაბამისად, გამომდინარეობს, რომ რიგგარეშე არჩევნებს ვიღებთ. ეს არის ორი შესაძლებლობა, რომელიც არსებობს კონსტიტუციურად და ორი ზოგადი პოლიტიკური სცენარი შინაარსობრივად", — ამბობს დავით ზედელაშვილი.
ქართული ოცნების პოლიტსაბჭოს სხდომა დღესაა დაგეგმილი. ირაკლი კობახიძის განცხადებით, სწორედ ამის შემდეგ დასახელდება პრემიერმინისტრობის კანდიდატი.
აღსანიშნავია, რომ ქართული ოცნებისგან 2012 წლიდან წარდგენილმა ყველა პრემიერმინისტრმა თანამდებობა უფლებამოსილების ვადის გასვლამდე დატოვა, მათ შორის ბიძინა ივანიშვილმაც. ყველაზე მეტხანს, სამი წლის განმავლობაში, ამ თანამდებობაზე გიორგი კვირიკაშვილი იყო. ყოფილი პრემიერმინისტრებიდან მმართველ გუნდში მხოლოდ ერთი — ირაკლი ღარიბაშვილი დარჩა, რომელიც დღეს თავდაცვის მინისტრის პოსტზეა. ის ჯერ გადადგა, მოგვიანებით კი პარტიაში დაბრუნდა. ამის შემდეგ თავდაცვის მინისტრის პოსტზე წარადგინეს. ჯერჯერობით უცნობია გიორგი გახარიას სამომავლო გეგმები — არ ვიცით არც ის, აპირებს თუ არა პოლიტიკაში დარჩენას.
-
გადახედვა1500 წლის წინანდელი დნმ-ის წყალობით ჩინეთის იმპერატორის გარეგნობა გამოავლინეს 1500 წლის წინანდელი დნმ-ის წყალობით ჩინეთის იმპერატორის გარეგნობა გამოავლინეს
-
გადახედვამეცნიერებმა ორი მამრისგან ჯანმრთელი თაგვები გამოიყვანეს და ეს მდედრის დნმ-ის გარეშე მეცნიერებმა ორი მამრისგან ჯანმრთელი თაგვები გამოიყვანეს და ეს მდედრის დნმ-ის გარეშე
-
გადახედვაკობახიძე: ბატონ ბიძინა ივანიშვილთან მაქვს რეგულარული სატელეფონო კომუნიკაცია კობახიძე: ბატონ ბიძინა ივანიშვილთან მაქვს რეგულარული სატელეფონო კომუნიკაცია
-
გადახედვაისტორიაში პირველად, პაპმა ფეხთბანვის რიტუალი მხოლოდ ქალების მონაწილეობით ჩაატარა ისტორიაში პირველად, პაპმა ფეხთბანვის რიტუალი მხოლოდ ქალების მონაწილეობით ჩაატარა
-
გადახედვაშაქრო კალაშოვმა ციხე დატოვა შაქრო კალაშოვმა ციხე დატოვა
-
-
გადახედვაბეთჰოვენის დნმ-ში განსაკუთრებული მუსიკალური ნიჭი არ გამოვლინდა — რას ნიშნავს ეს ბეთჰოვენის დნმ-ში განსაკუთრებული მუსიკალური ნიჭი არ გამოვლინდა — რას ნიშნავს ეს
-
გადახედვაOn.ge-ის 10 ქვიზი, რომელიც მაშინ უნდა გააკეთო, როცა მოწყენილი ხარ On.ge-ის 10 ქვიზი, რომელიც მაშინ უნდა გააკეთო, როცა მოწყენილი ხარ
-
გადახედვაGeorgian Airways, ევრო 2024-ზე დასწრების მსურველებისთვის, გერმანიის მიმართულებით, პირდაპირ ფრენებს შეასრულებს Georgian Airways, ევრო 2024-ზე დასწრების მსურველებისთვის, გერმანიის მიმართულებით, პირდაპირ ფრენებს შეასრულებს
-
გადახედვაორსულების დიეტა ნაყოფის სახის მახასიათებლებზე მოქმედებს — კვლევა ორსულების დიეტა ნაყოფის სახის მახასიათებლებზე მოქმედებს — კვლევა
-
გადახედვაComcom-მა დათვალა, რამდენმა ადამიანმა უყურა საქართველო-საბერძნეთის მატჩს პირველ არხზე Comcom-მა დათვალა, რამდენმა ადამიანმა უყურა საქართველო-საბერძნეთის მატჩს პირველ არხზე
-
გადახედვანახეთ: როგორ ჩანს დედამიწაზე სეზონების ცვლილება კოსმოსიდან ნახეთ: როგორ ჩანს დედამიწაზე სეზონების ცვლილება კოსმოსიდან
-
გადახედვასომხეთში სოლოვიოვის პროპაგანდისტული გადაცემების ტრანსლირება აიკრძალა სომხეთში სოლოვიოვის პროპაგანდისტული გადაცემების ტრანსლირება აიკრძალა
-
გადახედვაროგორი ამინდი იქნება შაბათ-კვირას როგორი ამინდი იქნება შაბათ-კვირას
-
გადახედვაბჟანიას გადადგომის მოთხოვნით სოხუმში აქტივისტი შიმშილობს ბჟანიას გადადგომის მოთხოვნით სოხუმში აქტივისტი შიმშილობს
-
გადახედვაჯიფსი როუზი ციხის დატოვებიდან 3 თვის შემდეგ განქორწინდა ჯიფსი როუზი ციხის დატოვებიდან 3 თვის შემდეგ განქორწინდა
-
გადახედვადედაჩემის იპოთეკა დავფარე, რაც ჩემთვის ძალიან მნიშვნელოვანი იყო — სიდნი სვინი დედაჩემის იპოთეკა დავფარე, რაც ჩემთვის ძალიან მნიშვნელოვანი იყო — სიდნი სვინი
-
გადახედვაფრანგული კომპანიისგან ნაყიდი პირველი სამაშველო ვერტმფრენი H 145 უკვე საქართველოშია ფრანგული კომპანიისგან ნაყიდი პირველი სამაშველო ვერტმფრენი H 145 უკვე საქართველოშია
-
გადახედვაბაკურიანში, ზვავში მოყოლილი ადამიანის სამძებრო-სამაშველო ოპერაცია განახლდა ბაკურიანში, ზვავში მოყოლილი ადამიანის სამძებრო-სამაშველო ოპერაცია განახლდა
-
-
გადახედვაინფოგრაფიკა: პრინციპები, რომელსაც მოსამართლე უნდა ეყრდნობოდეს ინფოგრაფიკა: პრინციპები, რომელსაც მოსამართლე უნდა ეყრდნობოდეს
კომენტარები