"სიყვარულსა მალვა უნდა", ანუ რომანტიკული ურთიერთობის ნაკლები შესაძლებლობა გეი ადამიანებისთვის
ალბათ არ არსებობს ადამიანი, რომელსაც ერთხელ მაინც არ უთქვამს, რომ სიყვარულის აღნიშვნას კონკრეტული დღე არ სჭირდება. ისიც სიმართლეა, რომ ადამიანებს შეხსენებები გვჭირდება, რათა არ დავივიწყოთ ჯადოსნური შეგრძნებების გაზიარების აუცილებლობა.
თუ მარტოსული ხარ, ამ დღის მოსვლა კიდევ ერთხელ გაფიქრებს ცხოვრებაში რომანტიკული ამბების საჭიროებაზე. და თუ ჰეტერონორმატულ, ჰომოფობიურად განწყობილ საზოგადოებაში მცხოვრები ქვიარ ადამიანი ხარ, საფიქრალი ბევრად მეტია, ვიდრე მარტოობა. მსგავსი თარიღები ყველა ბარიერის შეხსენებაა, რომლის გადალახვასაც ცდილობ, ან არც. ქვიარ ადამიანისთვის ჯანსაღი რომანტიკული ურთიერთობები თითქმის შეუძლებლობის ზღვარზე გადის.
1. უსიყვარულო თინეიჯერობა
თინეიჯერული სიმსუბუქე, ამავდროულად რომანტიკული განწყობების გამძაფრება ქვიარ მოზარდისთვის თვითაღმოჩენების პროცესით და მასთან დაკავშირებული დაბნეულობით და შიშებით არის ჩანაცვლებული. გარემო კი არ გაძლევს მზა თარგს, რომელსაც გზამკვლევად გამოიყენებ. ბრმად უნდა შეტოპო იდენტობის ძიების გზაზე, რომელიც თუ წარმატებით გაიარე, კმაყოფილების სათავედ გექცევა, ან გარემო თვითაღმოჩენის შესაძლებლობას წაგართმევს. შენივე სქესის ადამიანის მოწონება ყველასთვის შეუმჩნეველი უნდა დარჩეს, ამიტომ ცდილობ საკუთარი თავისგან ყველაზე ნორმალური, შეუმჩნეველი ვერსია გამოძერწო. ეგ ნორმალურობის ჩარჩო კი გბოჭავს და შენში მიძინებული ფერადოვნების აღმოჩენის საშუალებას არ გაძლევს, თუმცა დიდი ძალისხმევის ფასად გათავისუფლებას როგორღაც ახერხებ.
2. ფემინურების ადგილი აქ არ არის
მოზარდობის ძიებები ერთ დღეს გეი გაცნობის აპლიკაციებამდე მიგიყვანს — ყველაფერი Grindr-ის ინკოგნიტო ანგარიშით იწყება ხოლმე და ყველაზე ხშირად დასმული კითხვა ალბათ ეს არის — "ფემინური ხო არ ხარ?"
გაცნობის საიტების წესებით, ამ კითხვაზე სწორი რეაგირება უარყოფაა, რადგან ძირითადად "კაცურ კაცებს" ეძებენ. იგივე წესები გასწავლის შენი რეალური ხასიათის, არსის გაყალბებას, რათა სტანდარტი დააკმაყოფილო და საკუთარი თავის სიყვარულიც უკვალოდ ქრება. და მერე ბევრი ბრძოლა გიწევს, ვიდრე საკუთარ თავს ისეთს იზეიმებ, როგორიც არის.
ამ სტანდარტების გამო ჩემი მასკულინური და ფემინური ნიშნების მუდმივი ცვალებადობა საკმაოდ დიდხანს არაბუნებრივი მეჩვენებოდა, მაგრამ საკუთარი თავის შეყვარების იქეთ გზა არავის გვაქვს.
3. "გაბაზრებული ხარ?"
თუ სელებრითების გაპრიალებული ფოტოების ტყვეობას თავს დააღწევ და გეი გაცნობის საიტზე საკუთარ ფოტოს გაასაჯაროვებ, ყველა დიალოგი დაიწყება კითხვით — "გაბაზრებული ხარ?"
იცოდე, ეს განგაშის ზარია, ხშირად "გაბაზრებულებს" გაურბიან, აიგნორებენ. უამრავი ადამიანის დაბლოკილთა სიაში საპატიო ადგილი მიჭირავს, გეი ურთიერთობები ხომ მეტ მისტიკას და ნაკლებ სიცხადეს ითხოვს. სხვებს კი არა, პირველ რიგში საკუთარ თავს უნდა აუხვიო თვალი. ამასთან ერთად, მისტიკა ხომ ძალიან რომანტიკულია, რა შეიძლება გინდოდეს მეტი?!
4. მალვით გაცვლილი მზერა
ერთმანეთს თვალს მალვით გავუსწორებთ და ამას სამუდამოდ დავივიწყებთ — გეი რომანტიკის კიდევ ერთი გაცხადება. რეალურ სივრცეში ურთიერთობის დაწყების შანსი კიდევ უფრო მცირეა, რადგან გარემო ნაღმია, რომლის განეიტრალებასაც გამბედაობა, საპირისპირო მხარის არანაკლები თავდადება და დროსა და სივრცეში დამთხვევა სჭირდება. ხშირად ნასროლი მზერა ადრესატამდე სწორად ვერც კი აღწევს.
და მაინც, თუ ყინული დაიძრა და როგორღაც შენი გარემოცვაც ჯანსაღად მოფიქრალი ადამიანებით არის სავსე, ყველაფერი ასეთი მარტივი ჯერ კიდევ არ არის, თუმცა მაინც არსებობს გზა, რომელიც ფრთხილი ნაბიჯების შემთხვევაში ჰარმონიის მოპოვებამდე მიდის.
5. იჩქარე, დრო არ ითმენს!
ადამიანთან კონტაქტის წლობით ნაგროვები სურვილი მუდმივი აჩქარების საფუძველია. ყველაფრის უცებ მოპოვების ჟინი — თითქმის უკონტროლო. მყარი, ჯანსაღი ურთიერთობისთვის საჭირო დეტალების გამოტოვებით აგებული კავშირი ნაკლულია და ყველა გამოტოვებული ეტაპის აღდგენაც არაა მარტივი.
ასე რომ, მუდამ ჩქარობ, რომ არ დაგიგვიანდეს, მუდამ ფხიზლობ, რომ შანსები ხელიდან არ გაუშვა და ხშირად ტოქსიკურ ნაბიჯებსაც კი დგამ, რათა ურთიერთობის შენარჩუნება შეძლო. მთავარია საკუთარ თავს მუდამ შეახსენო, რომ ბევრად ნელა, დაფიქრებით, ყოველი დეტალის გაანალიზებით უნდა იმოქმედო და ეცადო ურთიერთობის საუკეთესო ვერსია ააგო.
6. სიყვარულსა მალვა უნდა...
სწორი ურთიერთობა რომც გამოძერწო, გარკვეული საზღვრების დაცვა მაინც გიწევს, რათა გარე აგრესიას გვერდი აუარო. ამ ამბის სასიხარულო დეტალი ის მაინც არის, რომ ფეისბუქზე ერთი და იმავე წყვილების ანგარიშებს სახელით — დათო და გიორგი ვერასდროს შეხვდებით, ეგ ჰეტერო წყვილების მონაპოვარია.
საჯარო ფოტოებზე მიწერილი "საუკეთესო მეგობარი" და "მიყვარხარ ბრო" საზოგადოებისგან ნასროლი ქვის ასარიდებლად გაღებული მსხვერპლია. თავშეყრის ადგილებშიც სიყვარული ისეთი დეტალებით თუ გამჟღავნდება, რომელსაც ორი ადამიანის იქეთ ვერავინ გაიგებს.
7. ოჯახის როგორი შვილია?
შვილებად უფრო გვზრდიან, ვიდრე ინდივიდებად და მაგის გამო ოჯახი ყველაზე დიდი ბარიერია. პირად სურვილებს გვერდზე გადასწევ, რადგან სხვების სიმშვიდის დაკარგვად არ გიღირს. ბედნიერებას გადაავადებ, რადგან ოჯახი წმინდაა. არადა მაგ ოჯახის თანაბარი ნაწილი შენც ხარ, უბრალოდ საკუთარ თავს ემალები.
რადგან სახელმწიფო სათანადო ზრუნვას არ იჩენს და დაცვის ბერკეტებით ეფექტურად არ იყენებს და სოციუმიც აგრესიულად არის განწყობილი, შენი თავისთვის ყველაზე მნიშვნელოვანი ადამიანი ხარ და იმაზე უნდა იზრუნო, რომ გარემოს პოზიტივით დამუხტვა შეძლო, შენთვის საჭირო ადამიანების გარემოცვა შემოიკრიბო. გაურკვევლობის, ყველაფრის კითხვის ნიშნის ქვეშ დაყენების შიშიც უნდა გადალახო. იქამდე ნუ მოითმენ, სანამ ოჯახის განცდას საერთოდ არ დაკარგავ.
წლობით ატანილი წნეხის შედეგი კი მაინც ერთია — დრო გადის და საკუთარი თავის დანახვას უკეთ ვახერხებთ, რასაც მეტი ხილვადობა მოსდევს, განსხვავებული, ფერადოვანი სამყაროს თანასწორ წევრებად ფორმირებას ვახერხებთ, რადგან მეტი გამბედაობა გვეძლევა. პირადი სივრცის შემოსაზღვრას ვახერხებთ და და ამ სივრცეს პოზიტიური ცვლილებებით ვმუხტავთ.
-
გადახედვაინფოგრაფიკა: პრინციპები, რომელსაც მოსამართლე უნდა ეყრდნობოდეს ინფოგრაფიკა: პრინციპები, რომელსაც მოსამართლე უნდა ეყრდნობოდეს
-
გადახედვაბასიანი: კანონი სრულად ზღუდავს გამოხატვისა და შეკრების თავისუფლებას, აწესებს ცენზურას ფაქტობრივად ყველა სფეროზე ბასიანი: კანონი სრულად ზღუდავს გამოხატვისა და შეკრების თავისუფლებას, აწესებს ცენზურას ფაქტობრივად ყველა სფეროზე
-
-
გადახედვამასშტაბური კვლევის თანახმად, ვიაგრა ალცჰაიმერის განვითარების რისკებს 50%-ით ამცირებს მასშტაბური კვლევის თანახმად, ვიაგრა ალცჰაიმერის განვითარების რისკებს 50%-ით ამცირებს
-
-
გადახედვამედიაკოალიცია სამართალდამცავ უწყებებს მოუწოდებს, ჟურნალისტ ნატო გოგელიას სახლში შეღწევისა და ქონების დაზიანების ფაქტი დროულად გამოიძიონ მედიაკოალიცია სამართალდამცავ უწყებებს მოუწოდებს, ჟურნალისტ ნატო გოგელიას სახლში შეღწევისა და ქონების დაზიანების ფაქტი დროულად გამოიძიონ
-
გადახედვაროგორ აისახება ყინულის დნობა დღის ხანგრძლივობაზე? — ახალი კვლევა როგორ აისახება ყინულის დნობა დღის ხანგრძლივობაზე? — ახალი კვლევა
-
გადახედვავინ იქნება Neuralink-ის შემდეგი პაციენტი — რა ვიცით ვინ იქნება Neuralink-ის შემდეგი პაციენტი — რა ვიცით
-
გადახედვა340 000 ლარზე მეტი ოდენობის თანხის თაღლითურად დაუფლების ფაქტზე, ორ პირს ბრალდება წარედგინა 340 000 ლარზე მეტი ოდენობის თანხის თაღლითურად დაუფლების ფაქტზე, ორ პირს ბრალდება წარედგინა
-
გადახედვამამუკა ხაზარაძე: რეალურად, ვდგავართ ძალიან დიდ გზაჯვარედინზე — ან ევროპა ან რუსეთი მამუკა ხაზარაძე: რეალურად, ვდგავართ ძალიან დიდ გზაჯვარედინზე — ან ევროპა ან რუსეთი
-
გადახედვაინტერნეტის სიჩქარე რამდენიმე მილიონჯერ გაზარდეს — როგორ გადაიტანეს წამში 301 ტერაბიტი ინტერნეტის სიჩქარე რამდენიმე მილიონჯერ გაზარდეს — როგორ გადაიტანეს წამში 301 ტერაბიტი
-
-
გადახედვაფრინველის გრიპი ძროხებში ვრცელდება — რა უნდა ვიცოდეთ ფრინველის გრიპი ძროხებში ვრცელდება — რა უნდა ვიცოდეთ
-
-
გადახედვაახალი სურათი ჩვენი გალაქტიკის შავი ხვრელის მაგნიტური ველის სტრუქტურას გვიჩვენებს ახალი სურათი ჩვენი გალაქტიკის შავი ხვრელის მაგნიტური ველის სტრუქტურას გვიჩვენებს
-
გადახედვა2023 წელს შემცირდა ქორწინების, განქორწინების და შობადობის მაჩვენებელი — საქსტატი დემოგრაფიულ მაჩვენებლებს აქვეყნებს 2023 წელს შემცირდა ქორწინების, განქორწინების და შობადობის მაჩვენებელი — საქსტატი დემოგრაფიულ მაჩვენებლებს აქვეყნებს
-
გადახედვაემა სტოუნს Poor Things-ის რეჟისორის ახალ ფილმში ვიხილავთ — ნახე ტრეილერი ემა სტოუნს Poor Things-ის რეჟისორის ახალ ფილმში ვიხილავთ — ნახე ტრეილერი
-
გადახედვაბაკურიანში, თოვლის მასაში ერთი ადამიანია მოყოლილი — ადგილზე მუშაობენ მაშველები ბაკურიანში, თოვლის მასაში ერთი ადამიანია მოყოლილი — ადგილზე მუშაობენ მაშველები
-
გადახედვაახალგაზრდებმა ზეწოლა არ უნდა იგრძნონ, თუ ადრეულ ასაკში სექსი არ აქვთ — რებელ უილსონი ახალგაზრდებმა ზეწოლა არ უნდა იგრძნონ, თუ ადრეულ ასაკში სექსი არ აქვთ — რებელ უილსონი
-
გადახედვალაზარე გრიგორიადისის საქმეზე დასკვნითი სხდომა კვლავ გადაიდო ლაზარე გრიგორიადისის საქმეზე დასკვნითი სხდომა კვლავ გადაიდო
-
გადახედვა2026 წელს ასტრონავტები მთვარეზე მცენარეებსაც წაიღებენ 2026 წელს ასტრონავტები მთვარეზე მცენარეებსაც წაიღებენ
კომენტარები