10 ცნობილი ქალი, რომელსაც მედია სასტიკად მოეპყრა
თებერვლის დასაწყისში ბრიტნი სპირსის შესახებ დოკუმენტური ფილმი Framing Britney Spears გამოვიდა, რომელიც სხვა ყველაფერთან ერთად იმასაც გვაჩვენებს, თუ როგორ საშინლად ექცეოდა მედია ამ პოპვარსკვლავს. ფილმიდან რამდენიმე თვალსაჩინო მაგალითის შესახებ უკვე მოგიყევით კიდეც.
ამ ახალმა დოკუმენტურმა ფილმმა დიდი გამოძახილი ჰპოვა მაყურებელში და არა მხოლოდ ბრიტნის, არამედ სხვა ცნობილი ქალების მაგალითებიც გაიხსენეს, რომელთაც მედია სხვადასხვა დროს უსამართლოდ ეპყრობოდა: ღიად ერეოდა მათ ინტიმურ ცხოვრებაში, არ ერიდებოდა უზომოდ მგრძნობიარე თემებზე კითხვების უხეშად დასმას, არ ითვალისწინებდა სხვადასხვა მნიშვნელოვან გარემოებას და წარბშეუხრელად ცდილობდა პირად სივრცეში შეჭრას.
ახლა სწორედ რამდენიმე ასეთ შემთხვევაზე მოგითხრობთ, რამაც იმასთან ერთად, რომ ალბათ, ამ ქალებს აუნაზღაურებელი მორალური ზიანი მიაყენა, ამასთანავე მათ მიმართ საზოგადოების საერთო დამოკიდებულების შექმნაში უზომოდ უარყოფითი გავლენა იქონია.
1. მეგან ფოქსი
2009 წელს მეგან ფოქსმა ინტერვიუში განაცხადა, რომ ტრანსფორმერების რეჟისორთან, მაიკლ ბეისთან "მუშაობა კოშმარია" და ის ჰიტლერს შეადარა. ამან დიდი სკანდალი გამოიწვია, რამდენიმე დღეში კი გამოცემა Deadline-მა უყოყმანოდ გამოაქვეყნა ტრანსფორმერების შემოქმედებითი გუნდის სამი წევრი კაცის ანონიმური წერილი, სახელწოდებით მაიკლ ბეის გუნდი საკადრის პასუხს სცემს მეგან ფოქსს, სადაც ამ მსახიობზე სხვა დამამცირებელ და სიძულვილის შემცველ შეფასებებთან ერთად, მსგავს რამესაც ამოიკითხავთ: "გადასაღებ მოედანზე მისი ყურება აუტანელია. იქნებ უკეთესი იყოს, რომ სამომავლოდ პორნოვარსკვლავის კარიერაზე იფიქროს".
2. ემი უაინჰაუსი
მიუხედავად იმისა, რომ თავად ემი მხოლოდ მუსიკის შექმნით იყო დაინტერესებული, მედია მუდმივად ჩასაფრებული იყო, რომ მის ქორწინებასთან, ნარკოდამოკიდებულებასთან თუ წონასთან დაკავშირებულ საკითხებში მუდმივად ჩაეყო ცხვირი, დაუკითხავად გამოეტანა სააშკარაოზე ყველაფერი ისე, რომ თავად მომღერლის ინტერესები გათვალისწინებული ოდნავადაც არ ყოფილიყო.
3. ჯანეტ ჯექსონი
2004 წელს Super Bowl-ის შოუზე ჯანეტ ჯექსონსა და ჯასტინ ტიმბერლეიკს საერთო გამოსვლა ჰქონდათ, რა დროსაც, როგორც ცნობილია, ჯასტინმა სცენაზე ჯექსონს ტანსაცმელი შემთხვევით შემოაგლიჯა და ჯანეტს მკერდი გამოუჩნდა. ამის გამო ჯანეტ ჯექსონი საშინლად გააკრიტიკეს, გრემიზე მისი გამოსვლა ჩაშალეს, MTV-იმ მისი კლიპების გაშვება აკრძალა და ა.შ. სანაცვლოდ ჯასტინ ტიმბერლეიკისთვის პასუხი არავის მოუთხოვია, მიუხედავად იმისა, რომ იმაში, რაც მოხდა, მისი წვლილი დიდი იყო. მოგვიანებით ოპრა უინფრისთან ინტერვიუში მომღერალმა ისიც თქვა, რომ წარმოდგენა არ ჰქონდა, მას რის გამო მოახდევინეს ბოდიში.
4. ჯენიფერ ენისტონი და ანჯელინა ჯოლი
ძალიან დიდი ხნის განმავლობაში ამ ორი მსახიობისგან მუდმივად მტრების ხატს ქმნიდნენ, რაც ლამის დღემდე გრძელდება. ორივეს ბრედ პიტთან დაკავშირებული ურთიერთობის გამო ხშირად ასე ახასიათებენ: "ენისტონმა ასეთი სექსუალური ქმარი ვერ შეინარჩუნა", "ანჯელინა ჯოლმა სხვას წაართვა კაცი" და ა.შ. მიუხედავად იმისა, რომ ბრედ პიტმა თავად მიიღო გადაწყვეტილება, თუ ვისთან სურდა ურთიერთობის გაგრძელება და არავის დაუძალებია რამე, მის მიმართ კითხვები არასდროს დასმულა.
5. რიანა
როცა რიანაზე მისა ყოფილმა პარტნიორმა, კრის ბრაუნმა ფიზიკურად იძალადა, ყველა კითხვას კვლავ რიანას მისამართით სვამდა და მის მდგომარეობას მხოლოდ ზედაპირული, ყვითელი პრესის განხილვების საგნად იყენებდნენ. მაგალითად, ზემოთ მოყვანილ ფოტოზე შემდეგ სათაურს ვკითხულობთ: "სევდიანი რიანა კოშმარული ცემის ფაქტთან გამკლავებას ცდილობს".
6. უიტნი ჰიუსტონი
იმის თვალსაჩინო მაგალითად, თუ როგორ ცუდად ექცეოდა უიტნი ჰიუსტონს მედია, დაიან სოიერთად 2002 წელს ჩაწერილი ინტერვიუც გამოდგება, სადაც ჟურნალისტი გააფთრებით ეძიება მომღერალს წონასთან დაკავშირებულ საკითხებში: "ეს უბრალოდ სიგამხდრე არ არის", ამბობს ის, რაზეც ჰიუსტონი პასუხობს: "არა? მაშინ რა არის, თავად მითხრა იქნებ". უიტნი ჰიუსტონის წონა, ნარკოტიკებთან დაკავშირებული პრობლემები და პირადი ურთიერთობები მუდმივი კრიტიკის საგანი იყო.
7. კრისტენ სტიუარტი
2012 წელს, როცა კრისტენ სტიუარტი 22 წლის იყო, მედიაში გავრცელდა პაპარაცული ფოტოები, რომელთა მიხედვითაც, მას რომანი ჰქონდა ფიფქია და მონადირის რეჟისორთან, რუპერტ სანდერსთან, რომელიც მაშინ 41 წლის იყო. მიუხედავად ამისა, იმდენად დიდი იყო ზეწოლა მედიისა თუ საზოგადოებისგან, რომ "რობერტ პატინსონის ღალატის გამო" საჯარო ბოდიშის მოხდა კრისტენ სტიუარტს მოუწია.
8. პრინცესა დაიანა
ბევრი მიიჩნევს, რომ პრინცესა დაიანას ბედის ტრაგიკულად წარმართვაში პრესას დიდი წვლილი მიუძღვის: მას უკვე ისედაც მრავალ პრობლემასთან უწევდა გამკლავება, პაპარაცები კი ამოსუნთქვის საშუალებას არ აძლევდნენ და მის ყოველ ნაბიჯს ახალი სკანდალის საფუძვლად აქცევდნენ.
9. მეგან მარკლი
ბრიტანეთის სამეფო ოჯახის კიდევ ერთი წევრი, რომელსაც მედია უსამართლოდ უახლოეს წარსულში ექცეოდა, მეგან მარკლია. ამის დასადასტურებლად შეგვიძლია შევხედოთ ერთი მედიის რეაქციას ერთსა და იმავე საკითხზე, ოღონდ განსხვავებული აქცენტებით: ქეით მიდლტონს ფეხმძიმობისას მუცელზე ხელების დადებას უქებენ, როგორც სანიმუშო მშობლის ქცევას, იმავე ქმედების გამო კი მეგან მარკლზე ცინიკურ შენიშვნას აკეთებენ.
10. მონიკა ლევინსკი
1998 წელს თეთრ სახლში მომხდარი სკანდალის გამო, რომელიც აშშ-ის პრეზიდენტ ბილ კლინტონსა და 22 წლის სტაჟიორის, მონიკა ლევინსკის სექსუალურ ურთიერთობას უკავშირდებოდა, სწორედ ეს უკანასკნელი იყო, ვინც განტევების ვაცად იქცა: მის "მსუბუქ ყოფა-ქცევაზე" დაუსრულებელი ჭორები და უხამსი ხუმრობები ვრცელდებოდა. სულ მალე ახალი სერიალი გამოვა, რომელიც ამ ამბავში მონიკა ლევინსკის პოზიციის უკეთ გადმოცემას ეცდება.
-
გადახედვამეცნიერებმა ორი მამრისგან ჯანმრთელი თაგვები გამოიყვანეს და ეს მდედრის დნმ-ის გარეშე მეცნიერებმა ორი მამრისგან ჯანმრთელი თაგვები გამოიყვანეს და ეს მდედრის დნმ-ის გარეშე
-
გადახედვაკობახიძე: ბატონ ბიძინა ივანიშვილთან მაქვს რეგულარული სატელეფონო კომუნიკაცია კობახიძე: ბატონ ბიძინა ივანიშვილთან მაქვს რეგულარული სატელეფონო კომუნიკაცია
-
გადახედვაისტორიაში პირველად, პაპმა ფეხთბანვის რიტუალი მხოლოდ ქალების მონაწილეობით ჩაატარა ისტორიაში პირველად, პაპმა ფეხთბანვის რიტუალი მხოლოდ ქალების მონაწილეობით ჩაატარა
-
გადახედვაშაქრო კალაშოვმა ციხე დატოვა შაქრო კალაშოვმა ციხე დატოვა
-
გადახედვასუს-მა, ქრთამის აღების ფაქტზე, ჯანდაცვის სამინისტროს სსიპ-ის 3 ყოფილი თანამშრომელი დააკავა სუს-მა, ქრთამის აღების ფაქტზე, ჯანდაცვის სამინისტროს სსიპ-ის 3 ყოფილი თანამშრომელი დააკავა
-
-
გადახედვაბეთჰოვენის დნმ-ში განსაკუთრებული მუსიკალური ნიჭი არ გამოვლინდა — რას ნიშნავს ეს ბეთჰოვენის დნმ-ში განსაკუთრებული მუსიკალური ნიჭი არ გამოვლინდა — რას ნიშნავს ეს
-
გადახედვაOn.ge-ის 10 ქვიზი, რომელიც მაშინ უნდა გააკეთო, როცა მოწყენილი ხარ On.ge-ის 10 ქვიზი, რომელიც მაშინ უნდა გააკეთო, როცა მოწყენილი ხარ
-
გადახედვაGeorgian Airways, ევრო 2024-ზე დასწრების მსურველებისთვის, გერმანიის მიმართულებით, პირდაპირ ფრენებს შეასრულებს Georgian Airways, ევრო 2024-ზე დასწრების მსურველებისთვის, გერმანიის მიმართულებით, პირდაპირ ფრენებს შეასრულებს
-
გადახედვაკალაძე მელიასა და გვარამიაზე: ბოროტების და რადიკალიზმის ადგილი ქართულ პოლიტიკაში არ არის კალაძე მელიასა და გვარამიაზე: ბოროტების და რადიკალიზმის ადგილი ქართულ პოლიტიკაში არ არის
-
გადახედვაორსულების დიეტა ნაყოფის სახის მახასიათებლებზე მოქმედებს — კვლევა ორსულების დიეტა ნაყოფის სახის მახასიათებლებზე მოქმედებს — კვლევა
-
გადახედვაComcom-მა დათვალა, რამდენმა ადამიანმა უყურა საქართველო-საბერძნეთის მატჩს პირველ არხზე Comcom-მა დათვალა, რამდენმა ადამიანმა უყურა საქართველო-საბერძნეთის მატჩს პირველ არხზე
-
გადახედვანახეთ: როგორ ჩანს დედამიწაზე სეზონების ცვლილება კოსმოსიდან ნახეთ: როგორ ჩანს დედამიწაზე სეზონების ცვლილება კოსმოსიდან
-
გადახედვასომხეთში სოლოვიოვის პროპაგანდისტული გადაცემების ტრანსლირება აიკრძალა სომხეთში სოლოვიოვის პროპაგანდისტული გადაცემების ტრანსლირება აიკრძალა
-
-
გადახედვაროგორი ამინდი იქნება შაბათ-კვირას როგორი ამინდი იქნება შაბათ-კვირას
-
გადახედვაჯიფსი როუზი ციხის დატოვებიდან 3 თვის შემდეგ განქორწინდა ჯიფსი როუზი ციხის დატოვებიდან 3 თვის შემდეგ განქორწინდა
-
გადახედვათბილისის ოპერისა და ბალეტის თეატრში შრომითი უფლებების დარღვევა გამოვლინდა - კულტურის პროფკავშირი თბილისის ოპერისა და ბალეტის თეატრში შრომითი უფლებების დარღვევა გამოვლინდა - კულტურის პროფკავშირი
-
გადახედვაფრანგული კომპანიისგან ნაყიდი პირველი სამაშველო ვერტმფრენი H 145 უკვე საქართველოშია ფრანგული კომპანიისგან ნაყიდი პირველი სამაშველო ვერტმფრენი H 145 უკვე საქართველოშია
-
გადახედვაბაკურიანში, ზვავში მოყოლილი ადამიანის სამძებრო-სამაშველო ოპერაცია განახლდა ბაკურიანში, ზვავში მოყოლილი ადამიანის სამძებრო-სამაშველო ოპერაცია განახლდა
-
კომენტარები