გირჩის ერთ-ერთი ლიდერი, იაგო ხვიჩია 2020-ის საპარლამენტო არჩევნებს არა გაყალბებულს, არამედ "უხერხულად" და "უხეიროდ" ჩატარებულს უწოდებს. მისი თქმით, გაყალბებას ვერ დაარქმევს, რადგან ამას ვერ ამტკიცებენ და შინაარს ზუსტად არ ასახავს.

ფორმულას ეთერში წამყვანმა ხვიჩიას უთხრა, რომ მის განცხადებებში იგრძნობა, რომ პარლამენტში შესვლა სურს. რაზეც იაგომ განაცხადა:

"მაგას პირველივე დღიდან ვიძახით. კი ბატონო, ოღონდ ჩვენ გვინდა, რომ სათანადო ფასის გადახდის შემდეგ ვქნათ ეს [შევიდეთ პარლამენტში], როცა ქართული ოცნება უხერხულად ჩატარებული ან უხეიროდ ჩატარებული არჩევნების გამო სათანადოდ აგებს პასუხს".

წამყვანის რეპლიკას, რომ "გაყალბებულ არჩევნებს" ის ანაცვლებს ფრაზით, "უხერხულად ჩატარებული არჩევნები", იაგო ასე ეხმაურება:

"ვერ ვამტკიცებთ, აბა გაყალბებას, უნდა დავამტკიცოთ კაცო".

ჟურნალისტის დამაზუსტებელ კითხვას, რას ნიშნავს უხერხულად ჩატარებული არჩევნები და რეპლიკას იმაზე, რომ თუ ასე ფიქრობს, შეუძლია თქვას, რომ არჩევნები არ გაყალბებულა, იაგო პასუხობს:

"ეს არ ნიშნავს, სრულად არ მომცემს შინაარს. მე მინდა თან ვთქვა, რომ ცუდად ჩატარდა, მაგრამ გაყალბებულს რომ ეძახიან ეს არ არის. მოდი ერთად მოვიფიქროთ, თუ რამე სიტყვა გეგულებათ".

ამ თემაზე საუბრისას ხვიჩიამ განმარტა ისიც, რატომ აქვს ახლა ეს დამოკიდებულება. მისი თქმით, თავდაპირველად ჰქონდა ოპოზიციისგან მიღებული ინფორმაცია გაყალბების შესახებ, თუმცა ეს მოგივანებით ვერ დაამტკიცეს.

"ნახეთ, არჩევნების პირველ დღეს, როდესაც მე ვიცი, რომ ჩემს მოწინააღმდეგე კონკურენტს 2 ათასით მეტი ხმა დაუწერეს, მე 200 დამაკლეს. რუსთავში ვახო მეგრელიშვილს 25 მაჟორიტარული ხმა ქონდა და იმავე უბანზე 0 პროპორციული ჰქონდა გირჩს. ბათუმში არჩევნებზე მისული იყო 700 კაცი, 1 100 ხმა ქონდა ქართულ ოცნებას, 1 121 ნაციონალიურ მოძრაობას და 81 მე, სულ 700-კაციან უბანზე. აი, ეს ვიცი პირველ კვირას, პირველ დღეს და შესაბამისად, წარმოიდგინეთ ჩემს ადგილას თავი, როდესაც ოპოზიციაში ეს ამბავი ხდება, ეს ინფორმაციები მაქვს. ნელ-ნელა იწყება სიტუაცია, მე ამას მისწორებენ. მე რაც ვიცი ფაქტრობრივად და რაზეც ვწერ განცხადებას, ისინი კმაყოფილდება, ჩემი ოპონენტები ოპოზიციიდან იძახიან, რომ ჩვენ გვაქვს დასტა დოკუმენტები, რომლითაც ნებისმიერ რამეს დავამტკიცებთ და ნებისმიერ ელჩს ამას დავუმტკიცებთ. ჩვენ ვასაჩივრებთ სასამართლოში, ასე ამბობენ, სასამართლო არ იღებს ამ სარჩელებს ტექნიკური მიზეზების გამო. ყოველთვის მაგას არ ნიშნავს, რომ [ბლოკავს ხელისუფლება სარჩელს]. [...]

ჩვენ ხომ პარლამენტში შესვლა-არშესვლაზე არ ვსაუბრობთ, ვსაუბრობთ იმაზე არჩევნები გაყალბდა თუ არა. ამერიკის ელჩზე ნეიტრალური მსაჯული ჩვენ ხომ ამ ქვეყანაში არ გვყოლია. ამ ადამიანებთა, ჩვენს პარტნიორებთან, დანარჩენები კიდე გარედან წერილებს რომ გვწერენ, რომ ვერ ვამტკიცებთ, რომ არჩევნები გაყალბდა და ჩვენს თრიფებს რომ ვაგრძელებთ, იმითი რომ არ ვიხილავთ. მართლა კონკრეტული სარჩელები თქვენ რომ თქვით, არ დაუშვესო. იქნებ პრობლემა სარჩელში იყო, ამაზე კითხვა ხომ არ დაგვისვამს. ერთი სარჩელი გამოვიტანეთ და გავარჩიეთ? მე დამიკმაყოფილეს, ამიტომ მომიხსნეს არგუმენტი".