ჩვენი ცხოვრება და ყოველდღიური საქმიანობა, როგორც ოჯახში, ასევე გარე საზოგადოებაში, წესებშია მოქცეული. მიუხედავად ამისა, ხშირად სწორედ აკრძალული ხილი იძლევა შემოქმედებითობის და ფანტაზიის გასაქანის უნარს. ფიქრს წინ რა უდგას — სწორედ ამ მოტივით შეიქმნა Reddit-ზე საზოგადოება, რომელიც უკვე მილიონზე მეტ წევრს აერთიანებს. ჯგუფის სახელწოდებაა "არაეთიკური ცხოვრებისეული რჩევები", რაც, ცხადია, ერთმნიშვნელოვნად მიუთითებს მის მხოლოდ გასართობ დანიშნულებაზე.

რადგან მშობლობა დიდ პასუხისმგებლობასთანაა დაკავშირებული და, შეუძლებელია, ერთმა ადამიანმა მის ყველა გამოწვევას შესანიშნავად გაართვას თავი, ადამიანები ხშირად ითხოვენ რჩევას, მათ შორის, ზემოხსენებულ ჯგუფშიც.

პასუხებმა, რომელთა გათვალისწინებაც, რასაკვირველია, რეკომენდებული არაა, არ დააყოვნა.

1. "თუ მოსვენება გინდათ, უთხარით თქვენს შვილს, რომ ერთ საათში გაგაღვიძოთ, რათა ერთად დაალაგოთ სახლი. დარწმუნებული იყავით, რომ არასდროს არ გაგაღვიძებთ".

ფოტო: Tenor

2. "სადმე წასვლისას ითამაშეთ 'პოლიციელობანა'. ვინც ყველაზე მეტ პოლიციის მანქანას შეამჩნევს, გაიმარჯვებს. ერთი მხრივ, ბავშვები დაკავებულები იქნებიან და არ შეგაწუხებენ. მეორე მხრივ კი, პოლიციასთან გადაყრის თავიდან აცილებაში რამდენიმე წყვილი თვალი დაგეხმარებათ".

ფოტო: Tenorf

3. "თქვენს შვილს უთხარით, რომ ძილში ხვრინავს. ამგვარად, ადვილად მიხვდებით, როდის იმძინარებს თავს — როცა ვითომ ხვრინვას იწყებს".

ფოტო: Tenor

4. "უთხარით თქვენს შვილს რომ კბილებს თუ კარგად არ გაიხეხავს, დასცვივდება. როცა სარძევე კბილებს მოიცვლის, გააფრთხილეთ, რომ საქმეს კარგად არ აკეთებს. ამდენად, ზრდასრულობის კბილებს მართლა კარგად გაიხეხავს".

ფოტო: Tenor

5. "ბავშვს რამის ჭამა არ უნდა? მის მეგობართან გაგზავნეთ დასარჩენად, მეგობრის მშობელი კი გააფრთხილეთ, რომ ის საჭმელი გააკეთოს, რაც თქვენს შვილს არ მოსწონს. ამგვარად, იქ მეგობრის ოჯახის მაინც შერცხვება და მიირთმევს".

ფოტო: Tenor

6. "მოამზადეთ თქვენი შვილი სოციალური ქსელისთვის — გააკარით მათი ნამუშევრები მაცივარზე და ქვემოთ საძაგელი კომენტარები მიუწერეთ".

ფოტო: Tenor

7. "ახალ წელს არ აჩუქოთ თქვენს შვილს არაფერი. როცა უსაჩუქროდ დარჩენილი ატირდება, უთხარით, რომ თოვლის პაპასთან თავად მოაგვარებთ ყველაფერს. მერე მაღაზიაში წადით და საახალწლო ფასდაკლების ფარგლებში უყიდეთ საჩუქარი. ისინი იფიქრებენ, რომ თქვენ ლეგენდა ხართ, თოვლის პაპა კი — დეგენერატი. რაც მთავარია, საჩუქარსაც ფასდაკლებით იყიდით".

ფოტო: Tenor

8. "თუკი თქვენი შვილი ახალშობილია, ასწავლეთ მეორე მშობლის სახელის თქმა. შემდეგ, როცა ბავშვს რამე დასჭირდება, თქვენ ნაცვლად თქვენს პარტნიორს დაუძახებს. თანაც, ძალიან თავმდაბალ ნაბიჯად ჩაგეთვლებათ — ადამიანები ხომ ძალიან ამაყობენ, როცა შვილი პირველ სიტყვად მათ სახელს ამბობს; თქვენ კი თქვენი სახელის სწავლების ნაცვლად, პარტნიორის ასწავლეთ".

ფოტო: Tenor

9. "აბეზარა ბავშვები დაჟინებით გთხოვენ, ეთამაშოთ? უთხარით, რომ დამალობანას თამაში გინდათ. შემდეგ დაიხუჭეთ, თვლა დაიწყეთ და როცა მოძებნის მოლოდინში საიმედოდ დაიმალებიან, მშვიდად განისვენეთ".

ფოტო: Teno

10. "უთხარით თქვენს შვილს, რომ ყოველთვის, როცა იტყუებიან, თმის ბღუჯას კარგავენ, ხოლო თუ ძალიან ბევრ ტყუილს იტყვიან, საერთოდ გამელოტდებიან (დარწმუნდით, რომ თავად არ ხართ მელოტი). ამასთან, გააფრთხილეთ, რომ ეს საიდუმლოა და 15-16 წლამდე შეინახოს, რადგან, ალბათ, საერთოდ არ გაწყობთ, 'ქოსატყუილას' ძახილით მიეჭრას სუფრასთან მჯდომ მელოტ ნათესავს".

ფოტო: Tenor