შსს-ს ყოფილი თანამშრომლის თქმით, უწყებიდან ოცნების მხარდაჭერის გამო გამოუშვეს
შინაგან საქმეთა სამინისტროს საპატრულო პოლიციის დეპარტამენტის მთავარი სამმართველოს საერთაშორისო აეროპორტის სამმართველოს უფროსის მოადგილე, ვახტანგ დადუნაძე აცხადებს, რომ დღეიდან აღნიშნულ თანამდებობაზე აღარ მუშაობს.
მისი თქმით, ის სამსახურიდან ქართული ოცნების მხარდაჭერის გამო გაათავისუფლეს.
"საპატრულო პოლიციის დეპარტამენტის დირექტორმა, გოგა რაზმაძემ 3 დღის წინ ჩემი ფორმის ტარება ამიკრძალა. მოულოდნელად დამიბარა თავის კაბინეტში და დამამცირებელი ტონით მეუბნება, რომ მე ასოცირებული ვარ ქართულ ოცნებასთან, უნდა მივბრძანდე სამსახურიდან და ახალი სამსახურის საძებნელად მივმართო ბიძინა ივანიშვილს. ამის შემდეგ მან ჩემი და ჩემი თანამებრძოლების ამსახველი სურათები დაყარა მაგიდაზე და ამას მოჰყვა დაცინვა".
დადუნაძე აცხადებს, რომ მან შსს პირველად 2012 წელს ამხილა და ამითი ძალიან ამაყობს:
"საპატრული პოლიციაში უმსგავსობა ხდება, მიმდინარეობს ღია და დაუნდობელი ბრძოლა იმ თანამშრომლების წინააღმდეგ, რომლებიც 2012 წლის დასაწყისში მერაბიშვილის მძვინვარე რეჟიმს გაემიჯნენ და ქვეყნისა ბატონ ბიძინა ივანიშვილის გვერდით დადგნენ, სიცოცხლის ფასად. პირადად ვამხილე შსს-ში არსებული რეალობა 2012 წლის ივნისში. ამ ჯგუფის ლიდერი პირადად გახლდით, რასაც ჩვენი დევნა მოჰყვა კიდეც. ეს დღესაც გრძელდება".
დადუნაძის თქმით, ის შინაგან საქმეთა სამინისტროში 2012 წლის არჩევნების შემდეგ "ღირსეულად დაბრუნდა" და ახლა ერთგულების გამო თავს "ჩარეცხილად" და "რეპრესირებულად" მიიჩნევს.
შსს-ს ყოფილი თანამშრომლის თქმით, გოგა რაზმაძე გიორგი მღებრიშვილის ბავშვობის მეგობარია და მისი თქმით, რაზმაძე ხშირად იღებს არაადეკვატურ საკადრო გადაწყვეტილებებს.
დადუნაძემ აღნიშნა, რომ შს მინისტრს გათავისუფლების შემდეგ ვაიბერშიც მიწერა, თუმცა პასუხი არ მიუღია. ის დარწმუნებულია, რომ გიორგი მღებრიშვილმა კარგად იცის, რა ხდება საპატრულო პოლიციაში.
დადუნაძის თქმით, ის ასევე ესაუბრა თბილისის მთავარი სამმართველოს უფროს დავით მინდიაშვილს:
"მინდიაშვილმა, იგივე თბილისის საპატრულო პოლიციის შეფმა, სიცილნარევი ტონით განმიცხადა, რომ ჩემი გათავისუფლების საკითხი გოგა რაზმაძესთან შეთანხმებული აქვს, დამატებითი განმარტებები საჭირო არაა და ამ რეალობას უნდა შევეგუო".
დადუნაძე მინდიაშვილს ადანაშაულებს მისი თქმით მერაბიშვილის მიერ მოწყობილ "სისხლიან დარბევებში" მონაწილეობაში და ელდარ კურტანიძის ცემაში:
"7 ნოემბერი, 26 მაისი, ვეტერანების დარბევა, ქართული ოცნების მიტინგებზე პროვოკაციების მოწყობა, მონაწილეობა აქვს მიღებული ელდარ კურტანიძის უმოწყალოდ ცემაში, რის გამოც გულუხვადაც დააჯილდოვეს. მისი ქორწილი ვანო მერაბიშვილმა გადაიხადა. დღეს იგი დაწინაურებულია და დედაქალაქის ხელმძღვანელია. ის ელის მერაბიშვილის ციხიდან გამოსვლას, რომ მასთან ერთად საბოტაჟი განახორციელოს და საპატრულო პოლიცია გაწმინდოს ერთგული ოფიცრებისგან. მისი საკურატურო გამოცდილი ნაც-ზონდერებითაა დაკომპლექტებული".
შსს-ს ყოფილი თანამშრომელი ასევე საუბრობს მინდიაშვილის მოადგილე ზურა რუხაძეზე, რომელიც მისი თქმით ეკა ყუშიტაშვილის თემასთანაა დაკავშირებული. დადუნაძის თქმით, ის რუხაძესთანაც ეცადა მისი გათავისუფლების მიზეზების გარკვევას:
"მან მითხრა, რომ რაზმაძისთვის და მინდიაშვილისთვის დისკომფორტს წარმოვადგენ და ჩემნაირი პოლიციელი არ სჭირდებათ, ეს მესმის ადამიანისგან, რომელიც 2012 წლის არჩევნებამდე ქართული ოცნების კოლონებს უკანონო გზებით აფერხებდა და მძღოლებს აშინებდა".
დადუნაძე პრემიერმინისტრ გიორგი კვირიკაშვილს და პარლამენტის თავჯდომარე ირაკლი კობახიძეს მის სამართლებრივ რეაბილიტაციასა და "მოსალოდნელი საფრთხისგან" მისი ოჯახის დაცვას ითხოვს.
შინაგან საქმეთა სამინისტროში On.ge-ს განუცხადეს, რომ აღნიშნულთან დაკავშირებით უწყება ოფიციალურ განცხადებას გაავრცელებს.
-
გადახედვარა ასაკში მიაჩნიათ ადამიანი ხანდაზმულად რა ასაკში მიაჩნიათ ადამიანი ხანდაზმულად
-
გადახედვამკვლევრებმა კოსმოსში ახალი მოლეკულა აღმოაჩინეს მკვლევრებმა კოსმოსში ახალი მოლეკულა აღმოაჩინეს
-
გადახედვაშესაძლოა, პაციენტებს გადარჩენის მეტი შანსი ჰქონდეთ, თუ მათი ექიმი ქალია — კვლევა შესაძლოა, პაციენტებს გადარჩენის მეტი შანსი ჰქონდეთ, თუ მათი ექიმი ქალია — კვლევა
-
-
-
გადახედვაბორელი: ჩვენი კარი ღიაა, მოვუწოდებ საქართველოს ლიდერებს, გამოხატონ მოქალაქეების მოლოდინები და ქვეყანა ევროკავშირის გზას არ ააცდინონ ბორელი: ჩვენი კარი ღიაა, მოვუწოდებ საქართველოს ლიდერებს, გამოხატონ მოქალაქეების მოლოდინები და ქვეყანა ევროკავშირის გზას არ ააცდინონ
-
-
გადახედვამესტიის მერი დეკლარაციაში ქონებას მალავს — TI მესტიის მერი დეკლარაციაში ქონებას მალავს — TI
-
-
-
-
გადახედვალაზარე გრიგორიადისი თავისუფალია ლაზარე გრიგორიადისი თავისუფალია
-
გადახედვაშეიმუშავეს ხელოვნური ინტელექტი, რომელსაც ადამიანის დნმ-ის რედაქტირება შეუძლია შეიმუშავეს ხელოვნური ინტელექტი, რომელსაც ადამიანის დნმ-ის რედაქტირება შეუძლია
-
-
-
-
გადახედვასალომე ზურაბიშვილმა ლაზარე გრიგორიადისი შეიწყალა სალომე ზურაბიშვილმა ლაზარე გრიგორიადისი შეიწყალა
-
გადახედვა"იდენტიფიცირებულნი იქნებიან ის პირები, რომლებიც აქციის მონაწილეებს საავტომობილო გზების პარალიზებისკენ მოუწოდებენ" — შსს-ს განცხადება "იდენტიფიცირებულნი იქნებიან ის პირები, რომლებიც აქციის მონაწილეებს საავტომობილო გზების პარალიზებისკენ მოუწოდებენ" — შსს-ს განცხადება
-
გადახედვანახეთ: მზეზე ერთდროულად 4 ამოფრქვევა მოხდა — უიშვიათესი მოვლენა ნახეთ: მზეზე ერთდროულად 4 ამოფრქვევა მოხდა — უიშვიათესი მოვლენა
-
გადახედვადააკავეს 2 პირი, რომლებმაც მოქალაქეებს, სიცოცხლის მოსპობის მუქარით, დიდი ოდენობით თანხა გამოსძალეს დააკავეს 2 პირი, რომლებმაც მოქალაქეებს, სიცოცხლის მოსპობის მუქარით, დიდი ოდენობით თანხა გამოსძალეს
-
კომენტარები