ახალი წელი ოჯახური დღესასწაულია. ოჯახის წევრებთან ერთად გატარებულმა დრომ და საინტერესო თუ სახალისო აქტივობებმა განსაკუთრებული მნიშვნელობა შეიძინა პანდემიის პირობებში შინ გამოკეტილი ბავშვებისთვის.

კარგი საბავშვო ლიტერატურა შეუცვლელი მეგზურია მაშინაც, როცა დროს ერთად ატარებთ. კვლევებსა და ანგარიშებსაც რომ არ გაეცნოთ იმ ბავშვების შესახებ, რომლებსაც მშობლები რეგულარულად უკითხავენ, ალბათ, ისედაც იცით, როგორი ჯადოსნური ძალა აქვს ერთად კითხვას — როგორ გაახლოვებთ და რამდენ საინტერესო მოგონებას ქმნის.

გთავაზობთ რამდენიმე რჩევას, რომელიც შვილებთან ერთად კითხვის დროს
გამოგადგებათ:

1. ერთად წაიკითხეთ ანოტაციები

სასკოლო ასაკის ბავშვებისთვის განსაკუთრებით საინტერესო სერიებია:

ერთად წაიკითხეთ ანოტაციები. წიგნის შერჩევაში პირველი გვერდების გადახედვაც დაგეხმარებათ.

2. სთხოვეთ შვილს, წაგიკითხოთ წიგნი

უსმინეთ ყურადღებით, დროდადრო შეაჩერეთ და ჰკითხეთ, მისი აზრით, რა მოხდება შემდეგ. ძალიან საინტერესო ვერსიებს მოისმენთ.

ფოტო: სულაკაურის გამომცემლობა

ამისთვის, მაგალითად, ჟაკლინ უილსონის "ტრეისი ბიკერი" გამოგადგებათ.

3. იკითხეთ მონაცვლეობით

როცა თქვენ წაიკითხავთ, სთხოვეთ, განასახიეროს, რას განიცდის ესა თუ ის პერსონაჟი. როცა ის წაიკითხავს, თქვენ შეგიძლიათ გამოავლინოთ სამსახიობო ოსტატობა.

4. ხმამაღლა წაიკითხეთ ავტორისა და ილუსტრატორის სახელები

ხმამაღლა წაიკითხეთ და დარწმუნდით, რომ თქვენმა შვილმა იცის, რა როლს ასრულებენ ისინი წიგნის შექმნისას.

ფოტო: სულაკაურის გამომცემლობა

ამ მიზნისთვის მშვენიერი სადემონსტრაციო წიგნია დეივ პილკის საბავშვო კომიქსი.

5. დახატეთ მოგზაურობის რუკა

თუ პერსონაჟები მოგზაურობენ, დახატეთ მოგზაურობის რუკა და შეადგინეთ თან წასაღები საჭირო ნივთების სია.

ფოტო: სულაკაურის გამომცემლობ

ამ საქმეში ფილიპ არდას ეს წიგნი დაგეხმარებათ.

6. ამბავი ბავშვს დაასრულებინეთ

წიგნის ხელახლა წაკითხვის დროს ზოგან შეჩერდით და ამბავი ბავშვს დაასრულებინეთ — უყვართ, როცა იციან, როგორ გრძელდება წიგნი და სხვებს უყვებიან.

7. მიეცით ნება ბავშვებს, დახატონ პერსონაჟები

ნაწარმოებს ბევრი ილუსტრაციაც რომ ჰქონდეს, ბავშვები ალბათ პერსონაჟებსა და მათ საარსებო გარემოს თავისებურად წარმოიდგენენ და კარგი იქნებოდა, თუ დახატავდნენ კიდეც. შეგიძლიათ მათი ილუსტრაციები შემდეგ წიგნად აკინძოთ.

8. შეადგინეთ სიმღერების სია

ერთად შეადგინეთ იმ სიმღერების სია, რომლებსაც, მისი აზრით, სიამოვნებით მოუსმენდა ესა თუ ის პერსონაჟი.

ფოტო: სულაკაურის გამომცემლობა

მაგალითად, საინტერესოა, რას შეიძლება უსმენდნენ მელორი ტაუერსის მოსწავლეები ცალ-ცალკე ან ერთად.

9. სთხოვეთ, განასახიეროს პერსონაჟები

სთხოვეთ, განასახიეროს რომელიმე პერსონაჟი, რომელსაც თქვენს საავტორო გადაცემაში სტუმრად მოიწვევთ და კითხვებს დაუსვამთ.

10. ჩაერთეთ წიგნიერების წამახლისებელ კონკურსებში

მათი ნახვა შეიძლება ფეისბუქ გვერდზე — ყველაზე წიგნიერი. აქ აღმოაჩენთ საინტერესო კონკურსებს სხვადასხვა ასაკის სკოლის მოსწავლეებისთვის.

იმედია, ჩვენი რჩევები არა მხოლოდ შინგამოკეტილობის პერიოდში, არამედ ნებისმიერ დროს დაგეხმარებათ, მოკალათდეთ შვილებთან ერთად და იკითხოთ წიგნები.

აგრეთვე იხილეთ: