10 სამაგიდო თამაში, რომელიც იდეალური საახალწლო საჩუქარია
საახალწლოდ საჩუქრების შერჩევა ყოველთვის ერთი დიდი თავსატეხია ხოლმე, თუმცა თუ შენი მეგობარი, შეყვარებული, ოჯახის წევრი თუ ბავშვი, რომლისთვისაც საჩუქრის ჩუქება გინდა, აზარტულია და გართობა და თამაშები უყვარს, მაშინ ძალიან კარგი ამბავი გვაქვს — კერძოდ კი, ეს 10 რჩევა მისი საჩუქრისთვის:
1. იყო და არა იყო რა, იყო ერთი თამაში სახელად ONCE UPON A TIME: FAIRY TALES
მოთამაშეების რაოდენობა: 2-6
ასაკი: ნებისმიერი
ეს თამაში ზედგამოჭრილია მათთვის, ვისაც კარგი წარმოსახვის უნარი აქვს. შენთვის დარიგებული სხვადასხვა შემთხვევითი თემების გამოყენებით უნდა შეეცადო და შექმნა ზღაპარი. მოთამაშეები აქ თავიდან ერთად მოქმედებენ და სხვადასხვა ჯურღმულების, გამოქვაბულების, პრინცესებისა თუ გიგანტების მქონე კარტებიდან ერთიანი, ზღაპრული ამბის შეკვრას ცდილობენ, ბოლოს კი ხელში მოტოვებული დამასრულებელი კარტით ზღაპარს აგვირგვინებენ! და შემდეგ, იმედია, დიდხანს და ბედნიერად ცხოვრობენ.
სტანდარტული ზღაპრული სცენარების გარდა ასევე არსებობს თამაშის სხვა ვარიაციები რაინდებზე, მეზღვაურებზე, ცხოველებზე და ჯადოსნურ არსებებზე.
2. NOT PARENT APPROVED, რომელზეც ვერცერთი მშობელი ვერ გაბედავს რაიმე საწინააღმდეგოს თქმას
მოთამაშეების რაოდენობა: 4-10
ასაკი: 8+
Cards Against Humanity-ზე თუ გსმენია რამე, ესეც რაღაც ეგეთია, ოღონდ უფრო ოჯახურ სიტუაციაზე მორგებული, სადაც მშობლებს შეუძლიათ, თავიანთი პატარა თუ თინეიჯერი ბავშვები ეკრანებს დროებით მოსწყვიტონ და შესანიშნავი დრო გაატარონ მათთან ერთად. თამაშში არბიტრი მაგიდაზე დებს ერთ მთავარ კარტს, რომელშიც აღწერილია სიტუაცია რაღაც გამოტოვებული სიტყვით, ეს სიტყვა კი სხვა მოთამაშეებმა მათ ხელთ არსებული კარტებით უნდა შეავსონ და ყველაზე სასაცილო ვერსიის მქონე მოთამაშეს არბიტრი ქულას აძლევს. თამაშში 455 სასაცილო კარტია, ყუთის ზომა კი იმდენად პატარაა, რომ ნებისმიერ ადგილას შეგიძლია ეს სიხარული თან წაიღო.
3. სწრაფი ჭადრაკი მათთვის, ვისაც სიცილიურით დაწყება და სიცილით დამთავრება უნდა
მოთამაშეების რაოდენობა: 2
ასაკი: 6+
თუ შენც ბევრის მსგავსად ცოტა ხნის წინ უყურე ლაზიერის გამბიტს (The Queen's Gambit) და ჭადრაკისადმი ენთუზიაზმით განიმსჭვალე, მაგრამ არ იცი, საიდან დაიწყო, ან, უბრალოდ, საჩუქრის მოფიქრების ცაიტნოტში ხარ, ეს სწრაფი ჭადრაკი პირდაპირ ბეწვზე მოსწრება იქნება. Quick Chess რვა სხვადასხვა მარტივ, სახალისო თამაშს მოიცავს, რომლითაც ახალბედა უფროსებსა თუ ბავშვებს ჭადრაკის თითოეული სვლის სწავლა შეუძლიათ. შემდეგ კი, როცა ყველაფერი უკვე ნათელი გახდება, დაფას ამოატრიალებ და ტრადიციული ჭადრაკის თამაშით დატკბები!
4. მთლად ცეცხლოვანი თასი ვერა, მაგრამ iTRAX-ის ლაბირინთების ჯილდო კრიტიკული აზროვნების განვითარება ნამდვილად არის
ფოტო: Amazon
ფოტო: Amazon
მოთამაშეების რაოდენობა: 2-4
ასაკი: 6+
ეს თამაში ტაქტიკურ გათვლებსა და სისწრაფეზეა, ამიტომ შენი ბავშვებისთვის კრიტიკული აზროვნების, ამოცანების გადაჭრის უნარისა და შეუპოვრობის განვითარება თუ გსურს, სწორ ადგილას მოხვდი. თავიდან მაგიდაზე ლაბირინთის მსგავსი მოხაზულობების მქონე დაფა იდება, რომელიც ფერადი კვადრატებითაა სავსე. ამ კვადრატებიდან მხოლოდ ორია ერთმანეთთან დაკავშირებული ლაბირინთის ბილიკებით. მოთამაშეებმა უნდა გადაწყვიტონ, რომელი ორი იყოს ეს, შემდეგ კი ეს მოხაზულობა 4-გვერდიანი კუბიკებითა და ფერადი კუბებით უნდა გაიმეორონ — სწორი ფერის, სიგრძისა და განლაგების გამოყენებით. ვინც ამას პირველი მოასწრებს, ქულაც მისია.
5. სკოლაში ამას არ გეტყოდნენ, მაგრამ THINGS THEY DON'T TEACH YOU IN SCHOOL ძალიან მაგარი გასართობია
ფოტო: Amazo
მოთამაშეების რაოდენობა: 2+
ასაკი: 17+
სახალისო ფაქტები, შემთხვევითი კითხვები და ყოვლად უსარგებლო ცოდნა არც ისე უსარგებლოა, როცა ამით გართობა შეგიძლია. Hygge Games-ის ეს თამაში იმ ტრადიციულ, მოსაბეზრებელ ტრივიებს არ ჰგავს, რომლებიც გეკითხება, შერლოკ ჰოლმსი ვინ დაწერაო ან 1996 წლის ზაფხულის ოლიმპიური თამაშები სად გაიმართაო. არა, არ გვინდა ეგ ყველაფერი. აქ 400-ზე მეტი მოულოდნელი კითხვა-პასუხი, ბევრი სიცილი და საინტერესო დისკუსიები დაგხვდება.
6. სცადე SKYJO, თუკი გათვლისა და კონცენტრირების უნარი შენი ძლიერი მხარეა
ფოტო: Amaz
მოთამაშეების რაოდენობა: 2-8
ასაკი: 8+
SKYJO გასართობი ქარდ-გეიმია ბავშვებისა და უფროსებისთვის. რამდენიმე რაუნდის განმავლობაში კარტების ამოტრიალებით, მიმოცვლითა და შეგროვებით უნდა შეეცადო, რაც შეიძლება ნაკლები ქულა დააგროვო. ეს მხოლოდ მანამაა შესაძლებელი, სანამ რომელიმე მოთამაშე თავის ყველა კარტს არ გამოააშკარავებს, შემდეგ კი რაუნდი მთავრდება. ამიტომაც ფრთხილად უნდა იყო და ყურადღებით დააკვირდე სხვა მოთამაშეების ქმედებებს!
7. ნეტავ ამ სტატიის მკითხველთაგან ვის მოუვა აზრად, WHO IN THE ROOM-ით გაერთოს მეგობრებთან ან ოჯახის წევრებთან?
ფოტო: Amazon
ფოტო: Amazon
მოთამაშეების რაოდენობა: 4+
ასაკი: 17+
მზად ხარ, გაიგო, რას ფიქრობენ შენი მეგობრები შენზე? Hygge Games-ის თამაში "Who in the room…?" ააშკარავებს, რა წარმოდგენები აქვთ ერთმანეთზე მოთამაშეებს. თამაშში 300-ზე მეტი მოულოდნელი, სახალისო და პირადი შეკითხვაა, ყველა მათგანი კი იწყება ფრაზით "ამ ოთახში მყოფთაგან ვინ..."; მოემზადე ჩამოვარდნილი ყბებისა და მათი შემდგომი განხილვებისთვის!
8. იძულებული რომ იყო, IF YOU HAD TO-ს გამოწერას ამჯობინებდი თუ ამ სიიდან რომელიმე სხვა თამაშის?
მოთამაშეების რაოდენობა: 3+
ასაკი: 17+
თამაში ძალიან ჰგავს კლასიკურ გასართობ დილემა-თამაშს, სადაც ორი ერთმანეთზე ცუდი შესაძლებლობიდან ერთ-ერთის არჩევა გიწევს — განსხვავება ისაა, რომ ამ თამაშში არ მოგიწევთ საათობით იმაზე ფიქრი, თუ რა საშინელებები შეიძლება შესთავაზოთ ხალხს, რადგან თამაშში უკვე არის გაწერილი 250 ძალიან სასაცილო და საზარელი სცენარი. წესები საკმაოდ მარტივია. შენს ხელთ არსებული კარტებიდან რომელიმეს ჩამოდიხარ და ცდილობ, მისი ტექსტიდან შექმნა ყველაზე არაკომფორტული თუ საშინელი ამბავი და დაარწმუნო ერთ-ერთი მოთამაშე — არბიტრი — რომ ეს კარტი ყველაზე ცუდია. პირველი, ვინც ხუთ ქულას მოიპოვეს, იმარჯვებს.
9. ერთი ასეთი მეგობარი შენც გეყოლება, რომელიც საახალწლოდ I HAVE THIS FRIEND-ს ნატრობს
ფოტო: Amazon
მოთამაშეების რაოდენობა: 2+
ასაკი: 21+
თამაში ძალიან კარგი გზაა მეგობრების, შეყვარებულის, ოჯახის წევრებისა თუ უცნობი ადამიანების უკეთ გასაცნობად. მოთამაშეები ერთმანეთის მონაცვლეობით კითხულობენ 200-ზე მეტ სასაცილო თუ უხერხულ დებულებას და აღიარებენ, მიესადაგება თუ არა ის მათაც. თითოეული დებულება იწყება სიტყვებით "ერთი ასეთი მეგობარი მყავს, რომელიც..." რასაც რამე გიჟური მოსდევს. თუმცა, მალევე ხდება აშკარა, რომ საუბარი არა ვიღაც "მეგობარზე", არამედ თამაშში მაგიდის გარშემო მყოფ ადამიანებზეა.
10. ალბათ, 10 კითხვა არ დაგჭირდება იმის გამოსაცნობად, რაზეა თამაში GUESS IN 10: ANIMAL PLANET
ფოტო: Amazon
ფოტო: Amazon
მოთამაშეების რაოდენობა: 2-6
ასაკი: 6+
სხარტი კითხვა-პასუხების ეს თამაში შესაძლებლობას გაძლევს, კარტზე გამოსახული ცხოველი 10 კითხვის დასმით გამოიცნო. ხორცისმჭამელია? შინაური? მარტო ცხოვრობს თუ სხვებთან ერთად? კარგად მოიფიქრე და დასვი სწორი შეკითხვა, რათა პირველმა მოიპოვო ქულები. თამაში ოჯახური სიტუაციებისთვისაა განკუთვნილი და ბავშვებისთვის ხმელეთის, წყალქვეშა, ველური თუ შინაური ცხოველების შესახებ მეტი ინფორმაციის სასწავლებლად იდეალური გზაა.
ცხოველების გარდა, თამაშის რამდენიმე ვარიაცია არსებობს, მათ შორის ქვეყნებზე, ქალაქებზე, სპორტზე, ტრანსპორტზე, აშშ-ის შტატებსა და საზარელ დინოზავრებზე.
ბონუსი: ასეთ თამაშებში მოგებაზე მონოპოლია თუ არასდროს გქონია, იქნებ MONOPOLY FOR SORE LOSERS გეცადა?
ფოტო: Amazon
მოთამაშეების რაოდენობა: 2-4
ასაკი: 8+
და, აი, დადგა შურისძიების დრო! აქამდე თუ ყოველთვის ყველაფერს აგებდი, მონოპოლიის ამ ვერსიაში ისეთი გამაღიზიანებელი რაღაცები, როგორიც ქირის გადახდა ან ციხეში წასვლაა, ამჯერად თამაშის მოგებაში დაგეხმარება. აქ მოთამაშეებს პირიქით სურთ, რომ დაფის ყოვლად უსარგებლო უჯრებზე მოხვდნენ, გადაიხადონ გადასახადი თუ ქირა და ციხეშიც კი ამოყონ თავი, რადგან ამისთვის სპეციალურ მონეტებს იღებენ, რომლებიც შემდეგ მათ განსაკუთრებულ ძალაუფლებას სძენს. ერთი სიტყვით, აქ წაგება და მოგება მართლა ძმები არიან.
-
გადახედვახოაკინ ფენიქსის ნაპოლეონი საშინელებაა, მე უკეთესად ვითამაშებდი — ბრაიან კოქსი ხოაკინ ფენიქსის ნაპოლეონი საშინელებაა, მე უკეთესად ვითამაშებდი — ბრაიან კოქსი
-
გადახედვაამ აქციებმა დაგვანახეს საჭიროება და ხალხის მხარდაჭერა ამ კანონის მიმართ — შალვა პაპუაშვილი ამ აქციებმა დაგვანახეს საჭიროება და ხალხის მხარდაჭერა ამ კანონის მიმართ — შალვა პაპუაშვილი
-
გადახედვაგიორგი ჯანელიძე: კანონი გამოყენებული იქნება ბოროტად და შერჩევით, ამიტომ მოგვიწოდებენ დასავლეთიდან მისი არ მიღებისკენ გიორგი ჯანელიძე: კანონი გამოყენებული იქნება ბოროტად და შერჩევით, ამიტომ მოგვიწოდებენ დასავლეთიდან მისი არ მიღებისკენ
-
გადახედვაპრეზიდენტმა ვეტო დაადო ქალთა კვოტირების გაუქმების კანონებს პრეზიდენტმა ვეტო დაადო ქალთა კვოტირების გაუქმების კანონებს
-
გადახედვაკვენტინ ტარანტინო ბოლო ფილმს, რომელშიც ბრედ პიტს უნდა ეთამაშა, აღარ გადაიღებს კვენტინ ტარანტინო ბოლო ფილმს, რომელშიც ბრედ პიტს უნდა ეთამაშა, აღარ გადაიღებს
-
გადახედვათამთა კალანდაძის ინფორმაციით, ლაზარე დღეს ან ხვალ გამოვა ციხიდან თამთა კალანდაძის ინფორმაციით, ლაზარე დღეს ან ხვალ გამოვა ციხიდან
-
გადახედვაუშუალოდ ვაჟა სირაძის მითითებით რამდენიმე პოლიციელმა შემათრია, მირტყამდნენ გამეტებით, ერთი ნეკნი აქვს მოტეხილი — ელისაშვილი უშუალოდ ვაჟა სირაძის მითითებით რამდენიმე პოლიციელმა შემათრია, მირტყამდნენ გამეტებით, ერთი ნეკნი აქვს მოტეხილი — ელისაშვილი
-
გადახედვაქოაჩელას მუსიკალურ ფესტივალზე ლანა დელ რეისა და ბილი აილიშის დუეტი შედგა — ვიდეო ქოაჩელას მუსიკალურ ფესტივალზე ლანა დელ რეისა და ბილი აილიშის დუეტი შედგა — ვიდეო
-
გადახედვამარიამ დოლიძე: საშინელი ტკივილები მაქვს, გამაყუჩებლის გარეშე ვერ ვძლებ მარიამ დოლიძე: საშინელი ტკივილები მაქვს, გამაყუჩებლის გარეშე ვერ ვძლებ
-
-
-
გადახედვააშშ-ის სახდეპი: მოვუწოდებთ საქართველოს მთავრობას, მოისმინოს გაფრთხილებები აშშ-ის სახდეპი: მოვუწოდებთ საქართველოს მთავრობას, მოისმინოს გაფრთხილებები
-
გადახედვაპრეზიდენტი: პროვოკაციისა და დაძაბვის დრო არაა, დღეს არ მთავრდება ეს პროტესტი! პრეზიდენტი: პროვოკაციისა და დაძაბვის დრო არაა, დღეს არ მთავრდება ეს პროტესტი!
-
-
გადახედვავაჟა სირაძის განცხადება აქციასთან დაკავშირებით, საპოლიციო ძალების გეგმაზე ვაჟა სირაძის განცხადება აქციასთან დაკავშირებით, საპოლიციო ძალების გეგმაზე
-
გადახედვააქციის მონაწილეები, მშვიდობიანი მსვლელობით, მთავრობის ადმინისტრაციისკენ მიემართებიან — რა არის გეგმა აქციის მონაწილეები, მშვიდობიანი მსვლელობით, მთავრობის ადმინისტრაციისკენ მიემართებიან — რა არის გეგმა
-
გადახედვასად იმყოფებიან საპოლიციო ძალები აქციის მიმდინარეობისას — ფოტოები სად იმყოფებიან საპოლიციო ძალები აქციის მიმდინარეობისას — ფოტოები
-
გადახედვააქციის მონაწილეები მოითხოვენ, ოცნებამ უახლოესი 1 საათის განმავლობაში გააკეთოს განცხადება კანონის გაწვევასთან დაკავშირებით აქციის მონაწილეები მოითხოვენ, ოცნებამ უახლოესი 1 საათის განმავლობაში გააკეთოს განცხადება კანონის გაწვევასთან დაკავშირებით
-
გადახედვაპრეზიდენტი: ერთ მხარეს ქართველი ხალხია, მეორე მხარეს კი — 83 დეპუტატი, რომელმაც ევროპული მომავლის წინააღმდეგ მისცა ხმა პრეზიდენტი: ერთ მხარეს ქართველი ხალხია, მეორე მხარეს კი — 83 დეპუტატი, რომელმაც ევროპული მომავლის წინააღმდეგ მისცა ხმა
-
გადახედვაამაღლობელი: ხელისუფლება ახლა ეცდება პროვოკაციებს, არ ავყვეთ ამაღლობელი: ხელისუფლება ახლა ეცდება პროვოკაციებს, არ ავყვეთ
-
კომენტარები