დარღვევები არჩევნებზე, წყლის ჭავლის გამოყენება, გადაადგილების შეზღუდვა — HRIDC საარჩევნო გარემოს აფასებს
ადამიანის უფლებათა ცენტრის განცხადებით, წინასაარჩევნო პერიოდში ხშირი იყო სახელმწიფოსა და მმართველ პარტიას შორის ზღვარის წაშლის, ადმინისტრაციული რესურსის საარჩევნო მიზნით გამოყენებისა და ამომრჩეველთა მოსყიდვის შემთხვევები. მათი პოზიციით, ამ ყველაფერმა აჩვენა, რომ საარჩევნო დარღვევებთან გამკლავების კუთხით როგორც კანონმდებლობაში, ასევე პრაქტიკაში სისტემური პრობლემები არსებობს.
ცენტრი საუბრობს იმაზეც, რომ არჩევნების დღეს, მმართველი პარტიის მხარდამჭერები და ე.წ. კოორდინატორები მასობრივად იყვნენ მობილიზებულები საარჩევნო უბნების მიმდებარე ტერიტორიაზე. მათი დაკვირვებით, უშუალოდ კენჭისყრის პროცესში ბევრი დარღვევა არა, თუმცა შემდგომ პერიოდში მნიშვნელოვანი უზუსტობები დაფიქსირდა. კერძოდ, დისბალანსის შემთხვევები უბანზე მისულ ამომრჩეველთა რაოდენობასა და მიცემულ ხმებს შორის და სხვა ხარვეზები შემაჯამებელ ოქმებში.
ცენტრი 8 ნოემბერს თბილისში მიმდინარე აქციებსაც გამოეხმაურა და აღნიშნა, რომ წყლის ჭავლის თუ გაურკვეველი ტიპის გაზის გამოყენების საჭიროება არ იყო.
"გაეროს სახელმძღვანელო პრინციპების თანახმად ნაკლებად ლეტარული იარაღის სამართალდამცავი ორგანოების მიერ გამოყენების შესახებ, წყლის ჭავლი და ცრემლსადენი გაზი შეიძლება გამოყენებული იქნას მხოლოდ შემდეგ ვითარებაში: როდესაც არსებობს სიცოცხლის ხელყოფის, ჯანმრთელობის მძიმე დაზიანების ან საკუთრების მასშტაბური განადგურების საფრთხე. ამ გარემოებებიდან არცერთი არ ყოფილა სახეზე აღნიშნულ აქციაზე", — ვკითხულობთ განცხადებაში.
გარდა ამისა, ადამიანის უფლებათა ცენტრის შეფასებით, მომდევნო დღეს, 9 ნოემბერს მთავრობის გადაწყვეტილებები გადაადგილების შეზღუდვებთან დაკავშირებით, თავისუფლებაში არაპროპორციულ ჩარევას წარმოადგენდა.
"აღნიშნული შეზღუდვები, ასევე, საფრთხეს უქმნის მშვიდობიანი შეკრებისა და მანიფესტაციის უფლების რეალიზაციას და არაპირდაპირ ზღუდავს მას. არსებული კანონმდებლობით, საქართველოს მთავრობას არ აქვს უფლება, შეზღუდოს მშვიდობიანი შეკრებისა და მანიფესტაციის უფლება ამ პირობებში. ამ შეზღუდვების მიღების დრო და ხასიათი ტოვებს შთაბეჭდილებას, რომ ისინი შემოღებულია გაზრდილი საპროტესტო მუხტის ჩასახშობად", — ნათქვამია განცხადებაში.
HRIDC-ის განცხადებით, საქართველოს მთავრობა უფრო "ფხიზლად და ღია" უნდა იყოს სამოქალაქო საზოგადოების რეკომენდაციების მიმართ საარჩევნო დარღვევებთან დაკავშირებულ საკითხებზე. განსაკუთრებით კი, ყურადღება უნდა მიექცეს ადმინისტრაციული რესურსის საარჩევნო მიზნით გამოყენების შესახებ ცოდნის ამაღლებას.
"ადმინისტრაციული რესურსის არამიზნობრივად გამოყენების ხშირი და მასშტაბური შემთხვევები წინასაარჩევნო პერიოდში წარმოაჩენს ორგვარ დარღვევებს — დარღვევებს, რომელიც გამოწვეულია ცოდნის ნაკლებობით და დარღვევებს, რომელიც გაცნობიერებულად არის ჩადენილი. კანონდარღვევის შემთხვევაში, სამართალდამრღვევი უნდა დაისაჯოს შესაბამისად. საუბნო და საოლქო საარჩევნო კომისიების წევრები უკეთ უნდა გადამზადდნენ იმისათვის, რომ სრულად დაიცვან საარჩევნო კანონმდებლობა. საჭიროების შემთხვევაში, გამოყენებული უნდა იქნას დისციპლინარული სანქციები",— აღნიშნავენ იქ.
ამასთან, განცხადებაში ვკითხულობთ, რომ საქართველოს ხელისუფლებამ არ უნდა გამოიყენოს არსებული ეპიდემიოლოგიური კრიზისი საზოგადოების სამართლიანი პროტესტი ჩასახშობად.
-
გადახედვა"ლგბტ პროპაგანდის ამკრძალავი" კანონის გამო, რუსეთში პაზოლინის ბიოგრაფიულ წიგნის ნაწილს ცენზურა დაადეს "ლგბტ პროპაგანდის ამკრძალავი" კანონის გამო, რუსეთში პაზოლინის ბიოგრაფიულ წიგნის ნაწილს ცენზურა დაადეს
-
გადახედვაჯო ბაიდენმა TikTok-ის აკრძალვის კანონპროექტს ხელი მოაწერა ჯო ბაიდენმა TikTok-ის აკრძალვის კანონპროექტს ხელი მოაწერა
-
გადახედვატროლები და ბოტები: როგორ გამოვააშკარაოთ ყალბი პროფილები — ინტერვიუ ანი ქისტაურთან ტროლები და ბოტები: როგორ გამოვააშკარაოთ ყალბი პროფილები — ინტერვიუ ანი ქისტაურთან
-
გადახედვავენეციაში შესასვლელად €5 უნდა გადაიხადოთ ვენეციაში შესასვლელად €5 უნდა გადაიხადოთ
-
-
გადახედვარამ გამოიწვია ათენის ცის გასაოცარი მოწითალო შეფერილობა რამ გამოიწვია ათენის ცის გასაოცარი მოწითალო შეფერილობა
-
გადახედვაემა სტოუნს უნდა, თავისი ნამდვილი სახელი დავუძახოთ ემა სტოუნს უნდა, თავისი ნამდვილი სახელი დავუძახოთ
-
გადახედვახატია დეკანოიძე: 29 აპრილს იქნება აქცია "რუსული მარში" რუსული კანონის დასაცავად ხატია დეკანოიძე: 29 აპრილს იქნება აქცია "რუსული მარში" რუსული კანონის დასაცავად
-
-
-
-
გადახედვაყალბი ჯანმრთელობის ცნობა 2000 დოლარის სანაცვლოდ — სუსმა რუსთავის პოლიკლინიკის დირექტორი და ექიმი ამხილა ყალბი ჯანმრთელობის ცნობა 2000 დოლარის სანაცვლოდ — სუსმა რუსთავის პოლიკლინიკის დირექტორი და ექიმი ამხილა
-
გადახედვარა ასაკში მიაჩნიათ ადამიანი ხანდაზმულად რა ასაკში მიაჩნიათ ადამიანი ხანდაზმულად
-
გადახედვამკვლევრებმა კოსმოსში ახალი მოლეკულა აღმოაჩინეს მკვლევრებმა კოსმოსში ახალი მოლეკულა აღმოაჩინეს
-
გადახედვამოლაპარაკებები არ დაიწყება, ვიდრე ეს კანონი დღის წესრიგშია — ევროპარლამენტის რეზოლუციის საბოლოო პროექტი მოლაპარაკებები არ დაიწყება, ვიდრე ეს კანონი დღის წესრიგშია — ევროპარლამენტის რეზოლუციის საბოლოო პროექტი
-
გადახედვაშესაძლოა, პაციენტებს გადარჩენის მეტი შანსი ჰქონდეთ, თუ მათი ექიმი ქალია — კვლევა შესაძლოა, პაციენტებს გადარჩენის მეტი შანსი ჰქონდეთ, თუ მათი ექიმი ქალია — კვლევა
-
-
-
გადახედვაბორელი: ჩვენი კარი ღიაა, მოვუწოდებ საქართველოს ლიდერებს, გამოხატონ მოქალაქეების მოლოდინები და ქვეყანა ევროკავშირის გზას არ ააცდინონ ბორელი: ჩვენი კარი ღიაა, მოვუწოდებ საქართველოს ლიდერებს, გამოხატონ მოქალაქეების მოლოდინები და ქვეყანა ევროკავშირის გზას არ ააცდინონ
-
-
გადახედვამესტიის მერი დეკლარაციაში ქონებას მალავს — TI მესტიის მერი დეკლარაციაში ქონებას მალავს — TI
კომენტარები