დღესდღეობით სულ უფრო და უფრო მეტი ადამიანი ცდილობს, სახლში თავად მოამზადოს ის კერძები თუ პროდუქტი, რომლებიც მზა სახით იყიდება სუპერმარკეტებში. ზოგი ასე ცნობისმოყვარეობის გამო იქცევა: გამოვა თუ არა სახლში დამზადებული ჩიფსი ისეთივე გემრიელი, როგორიც მაღაზიაში ნაყიდია? მაკარონი თავად მოვამზადოთ თუ ვიყიდოთ? რამხელა ეკონიმიას გავაკეთებთ, თუ პურს სახლში გამოვაცხობთ?

ტექნიკის განვითარებასთან ერთად სახლში ჩიფსის, ჩირის, კარტოფილი ფრის, პურისა თუ სხვა პროდუქტების მომზადება პრობლემას აღარ წარმოადგენს.

ამიტომ, ამჯერად ჩვენ შევეცდებით, კიდევ ერთხელ დაგიმტკიცოთ, რომ სახლში მომზადებული პროდუქტი და კერძები მხოლოდ უფრო ჯანსაღი კი არ არის, არამედ გაცილებით ნაკლები თანხაც ჯდება.

ჩირი

ფოტო: გრანდელექტრონიქსი

ჩირის სასარგებლო თვისებებზე, ალბათ, ყველას სმენია. თუმცა, ზოგადად, ჩირი, ბაზარში შევიძენთ მას თუ სუპერმარკეტებში, მაინც არ ღირს იაფი. მაგალითად, 100 გრამი სხვადასხვა ხილის ჩირის ფასი 3-დან 6 ლარამდე მერყეობს. შესაბამისად, ერთი კილოგრამის ღირებულება 40-60 ლარამდე აღწევს. ჩირის აპარატში კი მხოლოდ ერთ ჯერზე შეძლებთ 3-5 კილოგრამამდე ხილბოსტნეულისგან ¼ და 1/3 რაოდენობის ჩირის მიღებას. შედეგად, 3-ჯერ უფრო ნაკლები დანახარჯით მთელი წლის განმავლობაში მიიღებთ სასარგებლო ვიტამინებს თუ მინერალებს და ჯანსაღი ტკბილეულით თამამად ისიამოვნებთ.

პური

ფოტო: გრანდელექტრონიქსი

კარანტინის პერიოდში უამრავმა ჩვენგანმა აღმოაჩინა, რომ სახლში გემრიელი, სურნელოვანი პურის გამოცხობაა შესაძლებელი და ის, რასაც, როგორც წესი, დახლებზე ვპოულობთ ხოლმე, ჩვენთვის იმაზე ხელმისაწვდომია, ვიდრე გვეგონა.

ჩვეულებრივი, 500 გრამიანი პური დაახლოებით 80-90 თეთრი ღირს, 1 კგ ფქვილის ფასი კი ბაზარზე 2 ლარამდე აღწევს. 1 კგ ფქვილით 1.5 კილოგრამი პური ცხვება, შესაბამისად, 2 ლარად, პურის საცხობი აპარატის მეშვეობით, ნაცვლად 2 ცალი პურისა, 3-4 ცალი უფრო გემრიელი, უფრო სურნელოვანი პურის გამოცხობას შევძლებთ სახლში.

ჩიფსები

ფოტო: გრანდელექტრონიქსი

ყველამ ვიცით, რომ ჩიფსები ჯანსაღი კვების რაციონის სტანდარტებში არ ჯდება, თუმცა, ნამდვილად შეგვიძლია, მისი ნაკლებად (შედარებით) მავნებელი ვარიანტი სახლში თავად მოვამზადოთ. ამაში კი ფრიტურნიცა დაგვეხმარება.

სუპერმარკეტებში 80-100 გრამიანი დაფასოებული ჩიფსების ფასი 3 ლარიდან იწყება და 7-8 ლარამდე აღწევს. 1 კგ კარტოფილს 0.8-1 ლარად იყიდით, 800 გრამი ზეთის ფასი კი 5-6 ლარია. შესაბამისად, თუკი 7 ლარად 150 გრამი უკვე დაფასოებული ჩიფსი მოგივათ, ასევე 7 ლარად, სახლში, ფრიტურნიცას დახმარებით, 500-600 გრამი ჩიფსის მოამზადება შეგიძლიათ.

თუკი ჩამოთვლილი ტექნიკით დაინტერესდით, შეგახსენებთ იმასაც, რომ ტექნიკის მაღაზიათა ქსელი გრანდ ელექტრონიქსი ყოველ პარასკევს ერთ კონკრეტულ ბრენდზე გთავაზობთ განსაკუთრებულ აქციას. ასევე, ტექნიკის ყიდვა ვებგვერდიდან, 24/7-ზეა შესაძლებელი.