2020 წლის სირთულეებიდან გამომდინარე, ერთი რამ ყველამ ვისწავლეთ — ყველაფერი შეიძლება მოხდეს, თუმცა ჩვენს ყოველდღიურობაში არსებობს ისეთი ტიპის რთული სიტუაციებიც, რომლიდანაც თავის დახსნა მაღალი ხარისხის მომსახურებისა და სერვისების დახმარებით სწრაფად შეგვიძლია.

ჩვენ მოგიყვებით თიბისი დაზღვევის მომხმარებლის, ირაკლის ისტორიას, რომელიც მას სულ ცოტა ხნის წინ გადახდა და ამის შესახებ ფეისბუქიდან შევიტყვეთ:

მართლაც, მაშინ, როცა არ ვიცით რა სიურპრიზს გვიმზადებს 2020 წელი, თიბისი დაზღვევა ავტომობილების მფლობელებისთვის ერთგვარი შვებაა. თუ მოულოდნელი უსიამოვნება გვატყდება თავს, კარგია იმის ცოდნა, რომ ვიღაც ჩვენს ცხოვრებას სწრაფად დააბრუნებს კალაპოტში და დაკარგულ ბალანსსაც აღგვიდგენს. ის, ვისთვისაც ჩვენი საჭიროებები და სურვილები პრიორიტეტულია.

კომპანია მომხმარებლებს მაქსიმალურად მათ ინტერესებზე მორგებულ სერვისებს, მაღალი ხარისხის მომსახურებასა და სადაზღვევო შემთხვევისას სწრაფ რეაგირებას სთავაზობს. ამიტომაც, გასაკვირი სულაც არ არის ის ნდობა, რომელსაც მას ათასობით ადამიანი უცხადებს:

"ჩემთვის ავტოდაზღვევა ძალიან მნიშვნელოვანია, ვინაიდან ბევრად უფრო მშვიდად დავდივარ ავტომობილით ქალაქში და არ ვნერვიულობ შესაძლო ინცინდენტების თაობაზე. აგრეთვე, მიმაჩნია, რომ დაზღვევა არის აუცილებელი ყველა მძღოლისთვის. უპირატესობას ვანიჭებ თიბისი დაზღვევას, რადგან თიბისი ჯგუფი წლების განმავლობაში საუკეთესო სერვისს მიწევდა, როგორც პირად ბანკინგში, ასევე დაზღვევის მიმართულებით, რაც ისევ და ისევ დადასტურდა ოქტომბერში მომხდარ ინცინდენტზე მათი რეაგირების შედეგად", — ამბობს ირაკლი შავგულიძე, ფოტოგრაფი, თიბისი დაზღვევის მომხმარებელი.

თიბისი დაზღვევა ავტოდაზღვევის საცალო გაყიდვების სექტორში საქართველოს მასშტაბით პირველ ადგილზეა, როგორც 2020 წელს მომხმარებლისთვის ანაზღაურებული თანხის მოცულობით, ასევე დაზღვეული ავტომობილების რაოდენობითაც. აღსანიშნავია ისიც, რომ კომპანია ერთ-ერთ მოწინავე პოზიციას იკავებს მომხმარებლის კმაყოფილების მაჩვენებლის ინდექსით.

ავტოსაგზაო შემთხვევის დროს, ბიუროკრატიული პროცესები დამატებითი თავისტკივილია. ცხოვრების ყოველდღიური სცენარების მოულოდნელი განვითარების დროს, თიბისი დაზღვევის სწრაფი ტექნოლოგიები და ციფრული სერვისები მომხმარებელს უმცირებს სტრესს და ფინანსურ დანაკარგს.

თიბისი ავტოდაზღვევის მომხმარებლებს მომსახურების რამდენიმე წუთში მიღება შემდეგი ციფრული სერვისების მეშვეობით შეუძლიათ:

  1. დაზღვევის შეძენა ონლაინ — on.tbcinsurance.ge-ზე და უკვე TBC Mobile Bank-შიც შესაძლებელია;
  2. ავტომობილის დასურათება შეგიძლია კომპანიაში მისვლის გარეშე — B Bot-ის საშუალებით;
  3. ანაზღაურების მიღება ონლაინ — on.tbcinsurance.ge-ზე, ან E-mail-ით, Viber-ით და სატელეფონო ზარის მეშვეობით შეგიძლია.

"ჩვენთვის მნიშვნელოვანია მუდმივად ვადევნოთ თვალი დაზღვეულთა მოთხოვნებს და საჭიროებებს. შედეგად, მომხმარებელს ვთავაზობთ ისეთ პროდუქტს, რომელიც მაქსიმალურად არის მორგებული მათ საჭიროებებსა და სურვილებს. ეს კი, თავის მხრივ, მომსახურებისა და სერვისის მაღალ ხარისხთან ერთად, განაპირობებს კომპანიის წარმატებას და პირველობას სადაზღვევო ბაზარზე", — აცხადებს ივა კახაძე, საცალო და ალტერნატიული გაყიდვების უფროსი.

დღეს საქართველოს სადაზღვევო სექტორში 18 სადაზღვევო კომპანიაზე მეტი ოპერირებს და აქედან თიბისი დაზღვევის საცალო გაყიდვების ბაზრის წილია — 28,8%. ეს ნიშნავს, რომ საცალო სექტორში დაზღვეული ავტომობილების მეოთხედზე მეტი სწორედ თიბისი დაზღვევაშია დაზღვეული. კომპანია სწორედ ამ მონაცემზე დაყრდნობით აცხადებს, რომ პირველ ადგილზეა ავტოდაზღვევის საცალო ბაზრის პროცენტული რაოდენობით.

2020 წლის იანვრიდან 2020 წლის ოქტომბრის ჩათვლით კი კომპანიამ თავის დაზღვეულებს 10 900 840 მილიონი ლარი აუნაზღაურა. და თუ მოულოდნელი შემთხვევებისგან დაზღვევა და ნაკლები სტრესი შენი პრიორიტეტია, შეგიძლია იმ წინდახედული მძღოლების სიას შეუერთდე, რომლებიც თიბისი დაზღვევის სერვისს იყენებენ. ამისათვის კი საჭიროა შეიძინო ავტოდაზღვევა.