NASA Space Apps მსოფლიოში ყველაზე ფართომასშტაბიანი ჰაკათონია, რომელიც 200 სხვადასხვა ადგილას, 48 საათზე დიდხანს მიმდინარეობს და აერთიანებს კოდერებს, მკვლევარებს, დიზაინერებს, მშენებლებს, ტექნოლოგებსა და შემოქმედებით ადამიანებს სხვადასხვა გამოწვევასთან გასამკლავებლად.

COVID-19-ის პანდემიის ფონზე, საზოგადოების ჯანმრთელობისა და უსაფრთხოების ინტერესებიდან გამომდინარე, NASA-მ Space Apps-ის გლობალურ ორგანიზაციულ გუნდთან ერთად მიიღო გადაწყვეტილება, რომ NASA Space Apps Challenge 2020 ონლაინ რეჟიმში გაიმართება 2-4 ოქტომბერს.

NASA Space Apps Challenge Tbilisi-ს ორგანიზებულია Tbilisi Startup Bureau-ს და ილიას სახელმწიფო უნივერსიტეტი-ს პარტნიორობით და მხარდაჭერილია საქართველოს ინოვაციებისა და ტექნოლოგიების სააგენტოს მიერ.

ჰაკათონის პარტნიორია Edison Store ელექტრონული კომპონენტები, რომელიც ჰაკათონის 2 გამარჯვებულ გუნდს საჩუქრად გადასცემს Arduino-ს სრულ კომოპლექტაციას.

ჰაკათონის პარტნიორები არიან DataFest Tbilisi, Zoomout • ზუმაუთი და Fablab Iliauni • ფაბლაბ ილიაუნი.

ჰაკათონში მონაწილეობის მიღება შეუძლია ყველას, ვისაც აქვს იდეა, ცოდნა, უნარები და სწრაფვა!

წელს ჰაკათონს აქვს 25 გამოწვევა 6 კატეგორიის მიმართულებით:

  • დაკვირვება;
  • ინფორმირება;
  • შენარჩუნება;
  • შექმნა;
  • დაპირისპირება;
  • დაკავშირება.

დეტალურად გამოწვევების შესახებ: 2020.spaceappschallenge.org

მონაწილეები რეგისტრირდებიან ინდივიდუალურად და არა ჯგუფის სახით. ჯგუფის შექმნა ან წევრის დამატება შესაძლებელია ღონისძიების დაწყებამდე ან მის პირველ დღეს. მიუხედავად იმისა, ჯგუფი როდის შეიქმნება, Space Apps-ის დაწყებამდე მონაწილეებს არ აქვთ პროექტებზე მუშაობის დაწყების უფლება.

ინგლისური სამუშაო ენაა და გამარჯვებული პროექტი Global Awards–ზე წარდგება. რეგისტრაციის ბმული: forms.gle და აქ: 2020.spaceappschallenge.org

რეგისტრაცია სრულდება 30 სექტემბერს, 23:59 საათზე.