კალიფორნიის ხანძრის ნანგრევებიდან მაშველებმა ლეკვი გადაარჩინეს

კალიფორნიის ხანძრის შედეგად დარჩენილი ნანგრევების გამოკვლევისას მაშველებმა "საყვარელი ლეკვი" იპოვეს, რომელსაც დახმარება სჭირდებოდა. საბედნიეროდ, ლეკვს მხოლოდ უმნიშვნელო დამწვრობები აქვს მიღებული.

"ბოლო რამდენიმე დღე მთელი ქვეყნისთვის ძალიან მძიმე იყო და ვიფიქრეთ, რომ დღეს კარგი ამბავიც უნდა გვეხარებინა. გუშინ BCSO-ს წარმომადგენლებმა ხანძრით დაზიანებული მიწები გამოიკვლიეს, რა დროსაც მათ მოულოდნელი და სასიხარულო აღმოჩენა გააკეთეს — ეს საყვარელი ლეკვი", — დაწერა ოლქის საპოლიციო განყოფილებამ Facebook-ზე წინა შაბათს, 12 სექტემბერს.

პატარა ცუგა, რომელსაც ტრუპერი შეარქვეს, სამკურნალოდ კალიფორნიის ქალაქ ჩიკოს ვეტერინარიულ ცენტრში გადაიყვანეს.

"გამოძიების შემდეგ გავიგეთ, რომ კერძო საკუთრების მეპატრონეს რამდენიმე ძაღლი ჰყავს და მან ევაკუაციამდე ყველა მათგანის პოვნა ვერ მოახერხა", — აღნიშნა შერიფის განყოფილებამ.