კორონავირუსის გამო ბრიტანეთში ფილმების გადაღებისას სექსის სცენების შეზღუდვა სურთ
COVID-19-ის კრიზისის დროს გადაღების ახალი დირექტივის მიხედვით, ფილმებისა და სერიალების ბრიტანელ რეჟისორებს მოუწოდებენ, ინსპირაცია ისეთ კლასიკურ რომანტიკულ ფილმებში ეძიონ, როგორიცაა კასაბლანკა, და ინტიმური სცენების შექმნისას სექსი საერთოდ არ აჩვენონ.
მანამ, სანამ სოციალური დისტანცირება საჭიროა, Directors UK — ბრიტანეთის რეჟისორების პროფესიონალური ასოციაცია — პანდემიის დროს უსაფრთხო მუშაობაზე ფოკუსირებული სიშიშვლისა და სიმულაციური სექსის გადაღების თავის დირექტივაში ფიზიკური ინტერაქციის მქონე სექსის სცენების ასარიდებლად რეჟისორებს რამდენიმე კრეატიულ ალტერნატივას სთავაზობს.
დირექტივის შემოთავაზებების მიხედვით, პერსონაჟები შეიძლება "მოვლენის შემდეგ ვაჩვენოთ და გამოჩნდეს, როგორ ისწორებენ ისინი თავიანთ ტანსაცმელს" ან "თეთრეულის ქვეშ მოძრავი კიდურები" აისახოს, ასევე კიდევ ერთი ვარიანტია "საძინებლის კარის დაკეტვა და სცენის მაყურებლის წარმოსახვისთვის დატოვება".
დირექტორებს ახალისებენ, შთაგონება ისეთი კლასიკური ფილმებიდან აიღონ, როგორებიცაა It Happened One Night ან Casablanca, რომლებიც ჰეიზის კოდექსის ქვეშ შეიქმნა — 1930-იანების იმ დირექტივის, რომელიც ჰოლივუდში ეკრანებზე სექსის ჩვენებას კრძალავდა.
ბილ ანდერსონმა, რომელმაც Doctor Who-ს რამდენიმე ეპიზოდი გადაიღო და რომელიც ივნისიდან მოყოლებული ამ დირექტივებზე მომუშავე გუნდის წევრი იყო, აღიარა, რომ ისეთი შოუები, როგორებიცაა I May Destroy You და Normal People, რომლებშიც სექსის ბევრი სცენაა, ამ ახალ დირექტივებს არ შეასრულებენ.
მან თქვა, რომ რეჟისორებსა და სცენარისტებს მოუწევთ, ინტიმურობის ჩვენების რაღაც ახალ გზებს მიაკვლიონ, და მათ მოუწოდა, დაფიქრდნენ, რამდენად აუცილებელია ესა თუ ის სექსის სცენა. "ასეთ ეპოქაში, რომელშიც უამრავი ადამიანი უყურებს ტელევიზორს, ვფიქრობ, აუდიტორია ინტიმურობასა და კავშირსაა მოწყურებული", — თქვა ანდერსონმა.
"ინტიმურობა ბიოლოგია არ არის, ეს არის ადამიანებს შორის ორმხრი
ვი მოწყვლადობა, ღიაობა და ნდობის გაზიარება. სექსის ისეთ სცენას თუ გადაიღებ, სადაც ინტიმურობა არ ჩანს, საქმე ნამდვილად ჩაგიფლავებია — რაც გამოგივიდა, ეგ პორნოგრაფიის უვარგისი ბიძაშვილია", — დაამატა მან.
ისეთ ნამუშევრებში, რომლებშიც სექსის სცენები საჭიროა, დირექტივის ალტერნატიულ იდეებს შორისაა რეალური მოძრაობის იდენტიფიცირება (ე.წ. motion capture — კომპიუტერული ანიმირება სენსორებიდან მიღებული ინფორმაციის შედეგად) და ციფრული პერფორმანსები, როგორებიცაა მწვანე ეკრანი და ანიმაცია, რათა "აიგოს საჭირო სცენა", სხვა ვარიანტი კი მსახიობებად ნამდვილი წყვილების აყვანაა, რომლებსაც სოციალური დისტანცირება არ დასჭირდებათ.
რეჟისორმა ჯესიკა ჰობსმა, რომელიც Netflix-ის The Crown-ზე მუშაობდა, თქვა, რომ პანდემიის დროს უსაფრთხოდ სამუშაოდ რეჟისორებმა ახლებურად უნდა იფიქრონ.
"როგორც მინიმუმ, შემდეგი რამდენიმე თვის, შესაძლოა, ერთი წლის განმავლობაში ჩვენ ინტიმურობის წარმოჩენაში უფრო კრეატიულები უნდა ვიყოთ. არ ვამბობთ, რომ 'ყველაფერი უნდა გამოირიცხოს'. ვამბობთ, რომ, მოდი, ჩვენს მასალას შევხედოთ და შევეცადოთ, ის მიმდინარე კლიმატისთვის უფრო უსაფრთხო გავხადოთ", — თქვა ჰობსმა.
მაისში დიდი ბრიტანეთის ყველაზე დიდმა ტელეკომპანიებმა, მათ შორის BBC-მ, ITV-მ, Channel 4-მა, Channel 5-მა, Sky-მ და ITN-მა ხელი მოაწერეს დირექტივებს, რომელთა მიხედვითაც სატელევიზიო სახეები თავად იკეთებენ მაკიაჟს, მსახიობებსა და გადამღებ ჯგუფს კი მოუწოდებენ, გადასაღებ მოედანზე საკუთარი სამზარეულო ნივთები და ჭიქები მოიტანონ.
ეს იმ ინდუსტრიის კვლავ ამუშავების მცდელობის ნაწილი იყო, რომელსაც დიდი ბრიტანეთის ეკონომიკაში ყოველწლიურად £16 მილიარდზე მეტი შეაქვს. ინდუსტრია მარტში შეჩერების შემდეგ მუშაობის აღდგენას გეგმავს და რამდენიმე შოუს, მათ შორის Line of Duty-ს, გადაღება აგვისტოს ბოლოში დაიწყება, ზოგიერთმა პროექტმა კი — მათ შორის EastEnders-მა და Top Gear-მა — გადაღებების განახლები ივნისის მიწურულს მოახერხა.
-
გადახედვამეცნიერები უნივერსალურ ვაქცინაზე მუშაობენ, რომელიც ვირუსის ყველა შტამისგან დაგვიცავს მეცნიერები უნივერსალურ ვაქცინაზე მუშაობენ, რომელიც ვირუსის ყველა შტამისგან დაგვიცავს
-
გადახედვაშესაძლოა, დედამიწასთან ახლომდებარე ასტეროიდი მთვარის ფრაგმენტი იყოს შესაძლოა, დედამიწასთან ახლომდებარე ასტეროიდი მთვარის ფრაგმენტი იყოს
-
გადახედვაკანონის მიღების შემთხვევაში, ევროკავშირმა სანქციები უნდა დაუწესოს ყველა დეპუტატს, ვინც მის სასარგებლოდ მისცა ხმა — ევროპარლამენტში ინიციირებული რეზოლუცია კანონის მიღების შემთხვევაში, ევროკავშირმა სანქციები უნდა დაუწესოს ყველა დეპუტატს, ვინც მის სასარგებლოდ მისცა ხმა — ევროპარლამენტში ინიციირებული რეზოლუცია
-
გადახედვადააფიქსირეს, როგორ აფრქვევს გალაქტიკა სივრცეში 50 მილიონი მზის მასის მატერიას დააფიქსირეს, როგორ აფრქვევს გალაქტიკა სივრცეში 50 მილიონი მზის მასის მატერიას
-
გადახედვაკანის კინოფესტივალზე Studio Ghibli-ს საპატიო ოქროს პალმის რტო გადაეცემა კანის კინოფესტივალზე Studio Ghibli-ს საპატიო ოქროს პალმის რტო გადაეცემა
-
გადახედვაუცხოური დაფინანსებით, ქვეშეთის სოფელ კობთან დამაკავშირებელი 9 კმ-იანი გვირაბის გაჭრა დასრულდა უცხოური დაფინანსებით, ქვეშეთის სოფელ კობთან დამაკავშირებელი 9 კმ-იანი გვირაბის გაჭრა დასრულდა
-
გადახედვამზის სისტემაში ერთით მეტი პლანეტა შეიძლება იყოს და ასტრონომებმა ამის ახალ მტკიცებულებას მიაგნეს მზის სისტემაში ერთით მეტი პლანეტა შეიძლება იყოს და ასტრონომებმა ამის ახალ მტკიცებულებას მიაგნეს
-
გადახედვაკრამონი: სანქციები რაც შეიძლება სწრაფად უნდა დავაწესოთ მათ წინააღმდეგ, ვისაც საქართველოს ტრანსფორმაცია რუსული მოდელის მიხედვით სურთ კრამონი: სანქციები რაც შეიძლება სწრაფად უნდა დავაწესოთ მათ წინააღმდეგ, ვისაც საქართველოს ტრანსფორმაცია რუსული მოდელის მიხედვით სურთ
-
გადახედვაკიბოს დიაგნოსტირება სისხლის წვეთით? — ახალი მეთოდი პასუხს რამდენიმე წუთში იძლევა კიბოს დიაგნოსტირება სისხლის წვეთით? — ახალი მეთოდი პასუხს რამდენიმე წუთში იძლევა
-
-
გადახედვაკობახიძე: ძალიან მნიშვნელოვანია სპორტის მხარდაჭერა, მადლობა ამისთვის ქართუს და პირადად ბატონ ბიძინა ივანიშვილს კობახიძე: ძალიან მნიშვნელოვანია სპორტის მხარდაჭერა, მადლობა ამისთვის ქართუს და პირადად ბატონ ბიძინა ივანიშვილს
-
-
-
გადახედვააქციის მშვიდობიან მონაწილეს, რომელზეც პოლიციამ იძალადა, სასამართლომ პატიმრობა შეუფარდა — SJC აქციის მშვიდობიან მონაწილეს, რომელზეც პოლიციამ იძალადა, სასამართლომ პატიმრობა შეუფარდა — SJC
-
-
-
-
გადახედვაგენდერული კვოტების გაუქმების კანონპროექტზე, სახალხო დამცველმა ეუთო/ოდირს მიმართა გენდერული კვოტების გაუქმების კანონპროექტზე, სახალხო დამცველმა ეუთო/ოდირს მიმართა
-
გადახედვაფონდი ქართუ საფეხბურთო ნაკრებს, ქვეჯგუფიდან გასვლის შემთხვევაში, 30 მილიონ ლარს გადასცემს ფონდი ქართუ საფეხბურთო ნაკრებს, ქვეჯგუფიდან გასვლის შემთხვევაში, 30 მილიონ ლარს გადასცემს
-
გადახედვამილიარდობით წლის შემდეგ პირველად, სიცოცხლის ორმა ფორმამ ერთი ორგანიზმი წარმოქმნა მილიარდობით წლის შემდეგ პირველად, სიცოცხლის ორმა ფორმამ ერთი ორგანიზმი წარმოქმნა
-
გადახედვაჟურნალისტის, ია სართანიას თავდასხმის ფაქტზე, მედიის ადვოკატირების კოალიცია გამოძიებას ითხოვს ჟურნალისტის, ია სართანიას თავდასხმის ფაქტზე, მედიის ადვოკატირების კოალიცია გამოძიებას ითხოვს
კომენტარები