თუ ამ წინასაშობაო პერიოდში ტეხასის ქალაქ გოლდიში მოძრაობის წესებს დაარღვევთ ან არასწორად დააპარკინგებთ, ადგილობრივი პოლიცია ჯარიმას არ გამოგიწერთ. ისინი თქვენს საქარე მინაზე წერილს დატოვებენ და გთხოვენ, რომ გაჭირვებული, მიუსაფარი და სოციალურად დაუცველი ბავშვებისთვის სათამაშო შეიძინოთ და განყოფილებაში მიიტანოთ.

აღნიშნული ინიციატივა ქალაქის პოლიციის უფროსს, ჯეისონ ჯორდანს ეკუთვნის. მან ამ აქციის ფარგლებში შეგროვებული სათამაშოების ფოტოც გამოაქვეყნა:

ფოტო: JASON JORDAN

ცხადია, დაჯარიმების ეს ფორმა მხოლოდ მცირე დარღვევებზე ვრცელდება და გოლდის ბინადრებს მძიმე დანაშაულის შემთხვევაში ისევ ძველებური მეთოდით დასჯიან.