2015 წელს საფრანგეთში მოღვაწე არგენტინელმა რეჟისორმა გასპარ ნოემ ეროტიკული დრამა Love გადაიღო, რომელმაც დიდი გამოხმაურება არა იმდენად კინოკრიტიკოსებში, რამდენადაც რიგით მაყურებლებსა და საზოგადოების სხვადასხვა ჯგუფებში ჰპოვა.

მათ შორის, ალბათ, ბევრს ახსოვს საქართველოში რამდენიმე წლის წინ დაწყებული საყოველთაო განხილვები, როცა შშს-მ გამოძიებაც კი დაიწყო, რათა კინოსურათში პორნოგრაფიული ნიშნები შეესწავლა.

მართალია, რამდენიმე წლით გვიან, მაგრამ TikTok-ის მომხმარებლებმაც აღმოაჩინეს გასპარ ნოეს ეს ფილმი და ის ახალი გამოწვევის შთაგონების წყარო გახდა: ყველაფერი bella_ashey-ის ვიდეოს შემდეგ დაიწყო, რომელშიც Love ნეტფლიქსის ცნობილ ეროტიკულ ფილმ 365 Days-ის შეადარა და ყველას მოუწოდა, თუ რაიმე მსგავსი ფილმის ხილვა სურდათ, აუცილებლად უნდა ენახათ გასპარ ნოეს ეს ნამუშევარიც.

"თუ უკვე ნახეთ 365 Days და მოგეწონათ, მაშინ ჩართეთ ნეტფლიქსზე Love და პირველი სცენის ხილვისას საკუთარ თავს ვიდეო გადაუღეთ. ზუსტად ფილმის დასაწყისიდანვე ჩაიწერეთ თქვენი რეაქცია და ყველას აჩვენეთ ის", — ამბობს ის ვიდეოში და სწორედ ამის შემდეგ დაიწყო ყველაფერი.

ამ გამოწვევას TikTok-ის მრავალი მომხმარებელი აჰყვა: ისინი ლეპტოპებსა თუ ტელევიზორებში ფილმს რთავენ და პირველივე კადრების ხილვისას თავიანთ რეაქციებს იღებენ. ამან უამრავი ადამიანი გაამხიარულა.

იმის გამო, რომ ყველას აინტერესებდა, თუ რატომ ჰქონდათ ასეთი უცნაური სახე TikTok-ის ვიდეოებში ფილმის ხილვისას მაყურებლებს, სიყვარული ნეტფლიქსის ჰიტი გახდა: ფილმი 2015 წელს გამოვიდა, ნეტფლიქსის პლატფორმაზე 2017 წელს დაემატა და მხოლოდ 2020 წელს მოახერხა ამდენი მაყურებლის დაინტერესება.

ნეტფლიქსმა ამ წლის დასაწყისიდან დაიწყო ყველაზე ხშირად ნანახი ფილმებისა თუ სერიალების ჩამონათვალის ყოველდღიურად გამოქვეყნება თავის პლატფორმაზე და როგორც Variety წერს, გასპარ ნოეს კინოსურათიც ტოპ ათეულში მოხვდა.

@stephtrucco

OH MY GOD HOW IS THIS ON NETFLIX ##LOVE ##netflix ##imnotdead @yeiselmarti

♬ original sound - bella_ashey

მათ, ვისაც უნახავთ ისეთი ფილმები, როგორებიცაა გრეის 50 ელფერი და 365 დღე, ეგონათ, რომ ვეღარაფერი გააოცებდა, თუმცა ნეტფლიქსის ტოპ ათეულში მოხვედრილმა სიყვარულმა ნამდვილად შეძლო ეს.

მართალია, TikTok-ის გამოწვევა თავიდანვე იმას ისახავდა მიზნად, რომ ფილმის დასაწყისი ენახათ მსურველებს და მხოლოდ ამ მონაკვეთის შესაბამისი რეაქციები ჩაეწერათ ვიდეოში, თუმცა, როგორც აღნიშნავენ, ბევრმა ფილმის ყურების მეტად გაგრძელება მაინც ვერ შეძლო.

@olsennchris

OUR EXTENDED “LOVE” REACTION!!! we are quiet because his dad was lit’rally in the next room 😌 ##love ##lovereaction ##365days ##couple ##reactionvideo ##oh

♬ original sound - bella_ashey

გასპარ ნოეს ამ ფილმის ლიცენზია აშშ-ში ნეტფლიქსს აგვისტომდე აქვს, შესაბამისად, იქაურ მაყურებლების არც ისე ბევრი დრო აქვთ, რომ ამ მოულოდნელად გაპოპულარულებული ფილმის ნახვა მოასწრონ.

თუმცა ვინ იცის, იქნებ, რეიტინგი ისე აიწიოს, რომ ნეტფლიქსის მესვეურებმა კიდევ უფრო დიდხანს დატოვონ ფილმი თავიანთ პლატფორმაზე.

ნეტავ, რა იქნება შემდეგი, რასაც TikTok-ის მომხმარებელი ტრენდულად აქცევენ?

ფოტო: Warner Bros.