21 ივნისის მდგომარეობით მსოფლიოში:

  • დადასტურებული შემთხვევა — 8 843 418;
  • გარდაცვლილი — 465 475;
  • გამოჯანმრთელებული — 4 393 301.

საქართველოში:

  • დადასტურებული შემთხვევა — 906;
  • გამოჯანმრთელებული — 755;
  • გარდაცვლილი — 14;
  • კარანტინის რეჟიმში — 2 710;
  • სტაციონარში — 269;
  • უცხოეთიდან სამკურნალოდ გადმოყვანილი საქართველოს მოქალაქეები — 3.

კვირის ფაქტი:

მსოფლიოში კორონავირუსით ინფიცირების დადასტურებულ შემთხვევათა რიცხვმა 8 მილიონს გადააჭარბა

კორონავირუსით ინფიცირების ყველაზე მეტი შემთხვევა — 2 271 414 კვლავ აშშ-ში ფიქსირდება, შემდეგ მოდის ბრაზილია 1 066 333 შემთხვევით, რუსეთი — 583 879-ით და ინდოეთი 410 451 დაინფიცირებულით.

რაც შეეხება ვირუსით გარდაცვლილებს, ყველაზე მეტი ფატალური შემთხვევა — 119921 აშშ-შია, შემდეგ მოდის ბრაზილია 49 976 გარდაცვლილით და დიდი ბრიტანეთი 42 717 დაღუპულით.

რა ხდება მსოფლიოში:

ფოტო: Sarah Grillo

ლათინური ამერიკის ქვეყნებში კორონავირუსის გავრცელება იზრდება. ბრაზილიაში კორონავირუსის დადასტურებულ შემთხვევათა რიცხვმა მილიონს გადააჭარბა, ასევე ვირუსის დადასტურებულ შემთხვევათა რაოდენობით მსოფლიოში მოწინავე ადგილებზე არიან პერუ —251 338 და ჩილე — 246 272, რომელთაც აღნიშნული მონაცემებით იტალიას გადაუსწრეს, სადაც ამ დროისთვის კორონავირუსით ინფიცირების 238 499 შემთხვევა ფიქსირდება. ამასთან, აშშ-ის ალერგიისა და ინფექციური დაავადებების ეროვნული ინსტიტუტის ხელმძღვანელი ენტონი ფაუჩი აცხადებს, რომ ქვეყანაში კარანტინის საჭიროება აღარ არის.

რაც შეეხება ევროპას, აქ ქვეყნები ძველი ცხოვრების რიტმს უბრუნდებიან. ესპანეთში 14 მარტიდან დაწესებული საგანგებო მდგომარეობა დასრულდა, 22 ივნისიდან ესპანეთის საზღვრები შენგენის ზონის ქვეყნებისთვის გაიხსნება.

რამდენიმეთვიანი კონტროლის შემდეგ ავსტრიასთან საზღვარი გახსნა იტალიამაც. ჩეხეთში პირბადეების ტარების ვალდებულების მოხსნას პირველი ივლისიდან გეგმავს. გერმანიაში კი კორონავირუსის საწინააღმდეგო ვაქცინის 168 მოხალისეზე გამოცდა იწყება.

8 ივნისს ახალ ზელანდიაში განაცხადეს, რომ აქტიური შემთხვევა აღარ ჰქონდათ და სასაზღვრო შეზღუდვის გარდა ყველა შეზღუდვას ხსნიან. ახალი ზელანდია პირველი ქვეყანა იყო, რომელმაც მსგავსი ნაბიჯი გადადგა, თუმცა მას შემდეგ, რაც სამი კვირის შემდეგ ახალ ზელანდიაში კორონავირუსის 2 ახალი შემთხვევა პირველად დაფიქსირდა, ხელისუფლების გადაწყვეტილებით, ქვეყანაში საკარანტინო ზონებს თავდაცვის ძალები გააკონტროლებენ.

სხვა სიახლეები:

მნიშვნელოვანი სამეცნიერო სიახლე:

დექსამეტაზონი COVID-19-ის მძიმე პაციენტებში სიკვდილიანობის რისკს დაბლა წევს

ფოტო: REUTERS / Yves Herman

გაერთიანებული სამეფოს სამედიცინო ექსპერტთა მიხედვით, დექსამეტაზონი, რომელიც იაფი და ადვილად ხელმისაწვდომი მედიკამენტია, სასიკვდილო ვირუსთან ბრძოლაში იმედისმომცემ შედეგებს იძლევა. მათი თქმით, სტეროიდის დაბალი დოზით მკურნალობის შედეგად ხელოვნური სუნთქვის აპარატსა და ჟანგბადზე მიერთებულ პაციენტებში სიკვდილის რისკი მნიშვნელოვნად შემცირდა.

მედიკამენტი მსოფლიოში ყველაზე დიდმასშტაბიანი ტესტირების ფარგლებში გამოსცადეს, რომელიც კორონავირუსის წინააღმდეგ უკვე არსებულ მკურნალობათა ეფექტიანობას შეისწავლის. მკვლევრების ვარაუდით, დექსამეტაზონი გაერთიანებულ სამეფოში პანდემიის აფეთქებისთანავე რომ ყოფილიყო ხელმისაწვდომი, 5 ათასამდე სიცოცხლის გადარჩენას შეძლებდნენ. წამლის სიიაფის გამო მედიკამენტით განსაკუთრებით იმ ღარიბმა ქვეყნებმა შეიძლება ნახონ სარგებელი, რომლებიც დღეს ვირუსით დიდი რაოდენობით ინფიცირებულებს უმკლავდებიან.

რა ხდება საქართველოში:

ბოლნისის სოფელ გეტაში მკაცრი საკარანტინო რეჟიმი მოიხსნა. 15 ივნისიდან საქართველოში შიდატურიზმი გაიხსნა. მგზავრთა გადაყვანა განაახლა საქართველოს რკინიგზამაც, მატარებლის მგზავრებისთვის პირბადის ტარება სავალდებულო გახდა. ასევე, გაიხსნა მუზეუმები. მთავრობის გადაწყვეტილებით, დასაშვები ხდება ღია სივრცეში სემინარებისა და ტრენინგების ჩატარებაც.

პარალელურად, დაავადებათა კონტროლის ცენტრის ხელმძღვანელი, ამირან გამყრელიძე გვაფრთხილებს, რომ თუ "ავიშვით" არის რისკი, რომ ეპიდსიტუაცია გაუარესდეს.

დაავადებათა კონტროლის ცენტრის კიდევ ერთი ხელმძღვანელი, პაატა იმნაძე კი მოქალაქეთა ნაწილის ქცევაზე დაკვირვებით ამბობს, რომ შესაძლოა ქვეყანაში ეპიდსიტუაცია სწრაფად დაიძაბოს.

საზოგადოებას აფრთხილებს თბილისის ინფექციური საავადმყოფოს სამედიცინო ხელმძღვანელი, მარინა ეზუგბაიაც. მისი თქმით, საზოგადოებას მოდუნების საშუალება არ აქვს.

სხვა მნიშვნელოვანი ამბები:

ერთად თავმოყრილი რეკომენდაციები